Ɛzela Buluku ne 9:11 - BAEBOLO ANZƐƐ BULUKU NWUANZANWUANZA

¹¹ ɛluale wɔ ngɛkɛlɛ Nyamenle kpɔmanvolɛma anwo zo ɛvale ɛmanle yɛ kɛ, ‘Azɛlɛ ne mɔɔ bɛlɛkɔ bɛahɔva la le azɛlɛ mɔɔ menli mɔɔ wɔ zolɛ la ɛva munzule ɛbɛla ɛzɛkye ye, ɔvi ɔ ti yehɔdwu ɔ bo a.

Ɛzela Buluku ne 9:11 ပူးပေါင်းရင်းမြစ်များ

2 Arl 21:16

Manasɛ hunle menli dɔɔnwo mɔɔ ɛnze nwolɛ bie la ɔmanle Gyɛlusalɛm gua bile ne mɔ azo yɛle mogya ngome. Ɔyɛle ɛhye na eza ɔmanle menli ne zonlenle awozonle, bɛzɔle mmonle, na bɛyɛle ɛtane bɛtiale Ɛdɛnkɛma.

2 Edk 33:2

Mɔɔ ɔyɛle la anzɔ Ɛdɛnkɛma anye. Ɔbɔle bɛkyi ɛbɛla ne mɔɔ maanle maanle mɔɔ Ɛdɛnkɛma voanle bɛ vale bɛ azɛlɛ ne manle Yizilayɛma la bɔle la bie.

Ɛzela Buluku ne 6:21

Na Yizilayɛma mɔɔ vi nlɔnu rale la nee Yizilayɛma mɔɔ wɔ maanle ne anu na bɛde bɛ nwo bɛvi bɛdabɛ mɔɔ bɛnle Dwuuma la ɛzonlenlɛ ɛtane ɛtane nwo na bɛra bɛbazonle Ɛdɛnkɛma, Yizilayɛ Nyamenle ne la, lile Akpabɛnwo aleɛ ne bie.

Ɛzela Buluku ne 9:1

Yɛyɛle ninyɛne ɛhye mɔ yɛwiele la, Yizilayɛ mgbanyima ne bie mɔ rale me nwo ɛkɛ ne razele me kɛ Yizilayɛma, sɛlɛvolɛma, nee Livaema bie mɔ ɛtɛtwenle bɛ nwo ɛtɛfile menli mɔɔ wɔ azɛlɛ ne azo la munzule ɛbɛla ne mɔ anwo. Menli ɛhye mɔ a le Keenama, Hɛtema, Pɛlɛzema, Gyibɛsema, Amɔnoma, Mowabema, Yigyibitima, yɛɛ Amɔlema.

Ɛzela Buluku ne 9:10

“Na kɛkala, O Nyamenle, duzu edwɛkɛ bɔbɔ yɛɛ akee yɛha wɔ ɛhye mɔ amuala anzi a? Yɛtietia wɔ mɛla ne mɔ mɔɔ

Gyɛlɛmaya Buluku ne 26:5

na bɛnrɛdie mɔɔ me sonvolɛma, Nyamenle kpɔmanvolɛma mɔɔ mezoa bɛ ndɛndɛ la ɛlɛka ahile bɛ la a,

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

Mɛla 12:31

Bɛmmasonle Ɛdɛnkɛma bɛ Nyamenle ne, kɛmɔ menli zɔhane mɔ si sonle bɛ awozonle ne mɔ la. Ɔluakɛ ninyɛne mɔɔ Ɛdɛnkɛma kyi la angome a bɛyɛ bɛmaa bɛ awozonle ne mɔ a. Bɛyela bɛ mra mrenya nee mraalɛ bɔbɔ bɛmaa bɛ awozonle ne mɔ.

Mɛla 18:12

Awie biala mɔɔ yɛ ninyɛne ɛhye mɔ la bɔ munzule wɔ Ɛdɛnkɛma anyunlu. Na ɔlua bɛkyi nyɛleɛ ɛhye mɔ ati yɛɛ Ɛdɛnkɛma bɛ Nyamenle ne ɛlɛfoa menli zɔhane mɔ avi bɛ nye zo a.