Ɛzela Buluku ne 9:1 - BAEBOLO ANZƐƐ BULUKU NWUANZANWUANZA

¹ Yɛyɛle ninyɛne ɛhye mɔ yɛwiele la, Yizilayɛ mgbanyima ne bie mɔ rale me nwo ɛkɛ ne razele me kɛ Yizilayɛma, sɛlɛvolɛma, nee Livaema bie mɔ ɛtɛtwenle bɛ nwo ɛtɛfile menli mɔɔ wɔ azɛlɛ ne azo la munzule ɛbɛla ne mɔ anwo. Menli ɛhye mɔ a le Keenama, Hɛtema, Pɛlɛzema, Gyibɛsema, Amɔnoma, Mowabema, Yigyibitima, yɛɛ Amɔlema.

Ɛzela Buluku ne 9:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:16

Ɛ bo zo amra awolɛndoazo fane nna ne azo amra bazia ara ɛke, ɔluakɛ Amɔlema amumuyɛ ne ɛtɛwiele munli di mɔɔ metea bɛ a.”

1 Arl 11:1

Sɔlɔmɔn anye liele nyɛvolɛ mraalɛ dɔɔnwo anwo. Ɔgyale Yigyibiti belemgbunli ne ara raalɛ ne, eza ɔgyale Mowabe, Amɔn, Yidɔm, Saedɛn nee Hɛte mraalɛ.

2 Edk 33:2

Mɔɔ ɔyɛle la anzɔ Ɛdɛnkɛma anye. Ɔbɔle bɛkyi ɛbɛla ne mɔɔ maanle maanle mɔɔ Ɛdɛnkɛma voanle bɛ vale bɛ azɛlɛ ne manle Yizilayɛma la bɔle la bie.

2 Edk 8:7

Hɛtema mɔɔ hale maanle ne anu, Amɔlema, Pɛlɛzema, Haevaema nee Gyibɛsema mɔɔ hale, mɔɔ Yizilayɛma angu bɛ la nee bɛ bo zo amra kɔsɔɔti, Sɔlɔmɔn manle bɛyɛle gyima kɛ bɛle ahanra, yɛɛ zɔhane ala a ɛnɛ nee ɛnɛ bɛtɛyɛ a.

Ɛzela Buluku ne 10:2

Na Gyɛhayɛle mɔɔ le Yilam asa azo ne mɔ ko la ara Hyɛkanaya zele Ɛzela kɛ, “Yɛyɛ ɛtane yɛtia Nyamenle kɛ yɛgya nyɛvolɛ anzɛɛ azɛlɛ ye azo mraalɛ ne bie mɔ a, noko Yizilayɛma lɛ anyelazo.

Nihɛmaya Buluku ne 13:23

Mekɛ ko ne ala anu, menwunle kɛ Dwuuma bie mɔ ɛgyigya Ahyedɔdo, Amɔn yɛɛ Mowabe mraalɛ,

Nihɛmaya Buluku ne 4:3

Ɛnee Amɔnonli Tobaya gyi ɔ nwo ɛkɛ. Na ɔdaye noko ɔdole zolɛ kɛ, “Duzu bane bɔbɔ yɛɛ bɛdabɛ bɛkɛhola bɛkɛlie a? Ɛzonlɛ bɔbɔ anwo ka ye mgbane a ɔbabubu yeagua.”

Nihɛmaya Buluku ne 4:7

Mɔɔ Sanebalate nee Tobaya nee Arelebiama nee Amɔnoma nee Ahyedɔdoma dele kɛ Gyɛlusalɛm bane ne boɛyɛlɛ ne ɛlɛkɔ zolɛ kpalɛ na ɛleka ne mɔ mɔɔ gologolole la kɔsɔɔti ɛlɛtɔ nuhua la, bɛvale ɛya kpole,

Nihɛmaya Buluku ne 9:2

Yizilayɛma ne hwenle bɛ nwo vile nyɛvolɛ ne mɔ avinli na bɛhanle bɛ ɛtane ne mɔ nee bɛ ze mɔ ninyɛndane ne mɔ kɔsɔɔti bɛdole gua.

Edwɛndolɛ Buluku ne 106:35

na bɛ nee bɛ bɔle nu dɛnlanle, na bɛzukoale bɛyɛle mɔɔ maanle ne anu amra yɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:5

Na saa Ɛdɛnkɛma fa bɛ dwu Keena mɔɔ le Hɛtema, Amɔlema, Haevaema, yɛɛ Gyibɛsema azɛlɛ ne mɔɔ ɔvale ɔbɔle bɛ ze mɔ ɛwɔkɛ, na ɔle azɛlɛ kɛnlɛma mɔɔ kye aleɛ la azo a, bɛli ɛvoyia ɛhye wɔ siane ɛhye anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:23

Saa me soanvolɛ ne di bɛ nyunlu nee bɛ kɔ Amɔlema, Hɛtema, Pɛlɛzema, Keenama, Haevaema, nee Gyibɛsema maanle nu na mebɔ bɛ bo zo bɔkɔɔ a,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:16

Ɔluakɛ, kɛ ɔkɛyɛ na bɛanwu kɛ medame nee wɔ menli ne yɛsɔ ɛ nye ɛ? Wɔ ɛlualɛ mɔɔ ɛ nee yɛ lua la yɛɛ maa menli nwu ngakyile mɔɔ wɔ yɛ nee menli gyɛne gyɛne mɔɔ wɔ aleɛabo la avinli a.”

Ayezaya Buluku ne 52:11

Bɛhɔ, bɛhɔ, bɛvi Babelonia bɛdwazo bɛhɔ, bɛmmafa bɛ sa bɛka debie biala mɔɔ evinli ɛha ye la. Bɛhɔ na bɛhɔnlua bɛ nwo, bɛmɛ mɔɔ bɛsoa Ɛdɛnkɛma dwora ne mɔ la.

Gyɛlɛmaya Buluku ne 26:10

Mekɛ mɔɔ Dwuda mgbanyima ne mɔ dele edwɛkɛ ɛhye mɔ la, bɛvi suakunlu bɛrale Ɛdɛnkɛma Ɛzonlenlɛ Sua ne anu na bɛradɛnlanle aze wɔ Anlenkɛ Fofolɛ ne anloa.

Gyɛlɛmaya Buluku ne 26:16

Mgbanyima ne nee menli ne mɔ amuala hanle hilele sɛlɛvolɛma nee Nyamenle kpɔmanvolɛma ne mɔ kɛ, “Ɔnle kɛ bɛku nrenya ɛhye, ɔboalekɛ yelua Ɛdɛnkɛma yɛ Nyamenle ne duma nu a yedendɛ yehile yɛ a.”

Sɛlɛ 18:3

Ɔnle kɛ bɛyɛ nyɛleɛ ne mɔɔ Yigyibitima mɔɔ ɛnee bɛde bɛ avinli la yɛ la bie. Eza ɔnle kɛ bɛyɛ nyɛleɛ mɔɔ Keenama mɔɔ melɛfa bɛ meara bɛ avinli la yɛ la bie. Ɔnle kɛ bɛdi menli zɔhane amaamuo zo.

Malakae Buluku ne 2:11

Dwudama anli nɔhalɛ, bɛbɔ munzule wɔ Yizilayɛ amuala nee Gyɛlusalɛm. Dwudama ɛva evinli ɛha Ɛleka Nwuanzanwuanza ne mɔɔ Ɛdɛnkɛma anye die ɛkɛ ne la. Bɛhɔgya mraalɛ mɔɔ sonle nyamenle gyɛne la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:9

Megyi boka ne azo a, menwu bɛ; Megyi awoka ne mɔ azo a, me nye gyi bɛ nwo. Bɛle maanle mɔɔ bɛ ngome a bɛde a; Bɛnva bɛ nwo bɛndo maanle maanle ne mɔ anwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:6

Yizilayɛma ne mɔ ko vale Medea raalɛ rawolole ye ndanlɛ sua ne anu wɔ Mosisi nee menli ne kɔsɔɔti anye zo, wɔ mekɛ mɔɔ ɛnee bɛlɛsu wɔ Ɛdɛnkɛma Ndanlɛ Sua ne anyunlu la.

Mɛla 18:9

“Saa bɛdwu azɛlɛ ne mɔɔ Ɛdɛnkɛma bɛ Nyamenle ne bava amaa bɛ la azo a, bɛmmasukoa bɛyɛ bɛkyi ninyɛne ne mɔ mɔɔ maanle maanle ne mɔ yɛ la bie.

Mɛla 23:8

Ɔvi awolɛndoazo nsa ne azo mɔɔ kɔ la, bɛmaa bɛ bo zo amra adenle bɛmaa bɛwolo Ɛdɛnkɛma menli ne avinli.

Mɛla 7:1

“Ɛdɛnkɛma bɛ Nyamenle ne bava bɛ adwu azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo, na yeavoa maanle maanle dɔɔnwo yeamaa bɛ. Ɔbavoa maanle mgbole nsuu mɔɔ anwo yɛ se tɛla bɛ la yeavi bɛ nye zo. Maanle ne mɔ a lɛ Hɛtema, Gɛgahyema, Amɔlema, Keenama, Pɛlɛzema, Haevaema, yɛɛ Gyibɛsema.

Dwɔhyua Buluku ne 23:12

Saa bɛanli nɔhalɛ na bɛ nee menli mɔɔ bɛandu bɛ, na bɛ nee bɛ a de la yɛ ko, bɛgya bie a,