Ɛzela Buluku ne 8:36 - BAEBOLO ANZƐƐ BULUKU NWUANZANWUANZA

³⁶ Eza bɛvale belemgbunli kɛlata ne mɔɔ ɔvale ɔmanle bɛ la bɛmanle mbɔlɔba mgbanyinli nee amɛnladoma mɔɔ nea maanzinli ne mɔ azo wɔ Azule Yufileti Adɔleɛ la. Bɛdabɛ noko bɛboale Yizilayɛma ne mɔ wɔ Nyamenle Sua ne ɛzilɛ nu.

Ɛzela Buluku ne 8:36 ပူးပေါင်းရင်းမြစ်များ

Ɛzela Buluku ne 6:13

Akee ɔlua Belemgbunli Dalayɛse mɛla ɛhye mɔɔ ɔvale ɔhɔmanle bɛ la ati, Amɛnlado Tatenae mɔɔ nea Yufileti Adɔleɛ maanzinli zo, nee Hyita Bɔzenae, nee bɛ gɔnwo mɔ arane mbɔlɔba lile mɛla ne azo kpalɛ na bɛyɛle mɔɔ belemgbunli ne kpondɛ kɛ bɛyɛ la.

Nihɛmaya Buluku ne 2:7

Na menzɛlɛle belemgbunli ne kɛ, “Saa ɔyɛ belemgbunli ahunlundwolɛ a, ɛnee maa bɛhɛlɛ ngɛlata bɛmaa mengɔmaa amɛnladoma mɔɔ sie maanzinli ne mɔ mɔɔ gua Azule Yufileti adɔleɛ la, amaa bɛamaa me adenle bɛamaa meapɛ nuhua bɛ maanzinli ne mɔ anu meahɔ Dwuda.

Ɛseta Buluku ne 3:12

Wɔ siane ne mɔɔ lumua la anu, ye kenle bulu nee nsa ne azo, Heeman manle bɛyiale belemgbunli ne kɛlɛhɛlɛvolɛma ne mɔ na ɔmanle bɛhɛlɛle mɛla mɔɔ yeli la anwo ngɛlata kɛ bɛva bɛhɔmaa mgbanyima mɔɔ le kɛ safohyenlema, amɛnladoma, yɛɛ arane mbɔlɔba mgbanyima ne mɔ amuala. Maanle ko biala anu amra kɛlata ɛdeɛ ne bɛhɛlɛle ye wɔ bɛdabɛ bɛ aneɛ nee bɛ ɛhɛlɛndenle nu. Bɛhɛlɛle ngɛlata ne mɔ wɔ Belemgbunli Zɛzɛse duma nu.

Ɛseta Buluku ne 9:3

Arane mbɔlɔba mgbanyinli, amɛnladoma, maanzinli zo neavolɛma, yɛɛ arane mbɔlɔba kɔsɔɔti lile boale Dwuuma, ɔluakɛ ɛnee bɛsulo Mɔdekae kpole kpalɛ.

Mrɛlɛbulɛ Buluku ne 16:7

Saa sonla ndenle mɔɔ ɔlua nu la sɔ Ɛdɛnkɛma anye a, ɔmaa ye kpɔvolɛma bɔbɔ nee ye yɛ ko.

Ɛzoanvolɛma Gyima ne 18:27

Apɔlɔso yɛle ye adwenle kɛ ɔkaluolua Akaya (Giliki maanle nu) yeaha Nyamenle edwɛkɛ ne, zɔhane ati mediema ne mɔ boale ye na bɛhɛlɛle kɛlata bɛmanle ɔhɔmanle mediema mɔɔ wɔ nehane la, kɛ bɛlie ye kɛnlɛma gyɛlɛɛnye. Ɔhɔdwule la ɔyɛle moalɛ kpole ɔmanle bɛdabɛ mɔɔ bɛlua Nyamenle ɛlolɛ zo bɛrayɛ diedima la.

Yekile 12:16

Na azɛlɛ boale raalɛ ne. Ɔmemenle nzule ne mɔɔ nane anwo ɛzulolɛ ne kpule la.