Ɛzela Buluku ne 8:23 - BAEBOLO ANZƐƐ BULUKU NWUANZANWUANZA

²³ Ɛhye ati yɛhyele ɛhɔne yɛvale yɛ nzɛlɛlɛ yɛdole Nyamenle anyunlu, na ɔdiele yɛ nzɛlɛlɛ.

Ɛzela Buluku ne 8:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:21

Kɛmɔ ɛnee Relɛbɛka ɛnwo la ati, Ayezeke zɛlɛle Ɛdɛnkɛma maanle ye; Ɛdɛnkɛma diele ye nzɛlɛlɛ na ɔ ye Relɛbɛka nrenzɛle.

2 Arl 13:4

Nzinlii Gyɛhowahaze zunle vɛlɛle Ɛdɛnkɛma, na ɔdiele ye, ɔboalekɛ ɛnee akee Seleama ɛlɛsisi Yizilayɛma somaa.

1 Edk 5:20

Bɛvale bɛ rɛle bɛwulale Nyamenle anu na bɛzɛlɛle ye kɛ ɔboa bɛ. Na Nyamenle diele bɛ nzɛlɛlɛ na ɔmanle bɛlile Heegama nee bɛ boavolɛma anwo zo konim.

Ɛzela Buluku ne 8:31

Siane ne mɔɔ lumua la anu kenle bulu nee nwiɔ ne azo yɛɛ yɛvi Aheeva azokoɛleɛ ne yɛzile nu kɛ yɛkɔ Gyɛlusalɛm a. Yɛ Nyamenle ne lole yɛ na ɔzinzale yɛ, ɔbɔle yɛ nwo bane wɔ yɛ adendulɛ nu, na ɔliele yɛ ɔvile yɛ agbɔvolɛ nee nwule sa nu.

Nihɛmaya Buluku ne 9:1

Siane ko ne ala anu, ye kenle abulanwiɔ nee nna ne azo, Yizilayɛma hedale ɛrele, vale mgbane wɔzale bɛ nwo, na bɛyiale nu bɛhyele ɛhɔne bɛlile bɛ ɛtane ne mɔ anwo nyane.

Ɛseta Buluku ne 4:16

“Kɔ na kɔboɔboa Dwuuma mɔɔ wɔ Susa ɛke la amuala anloa, maa bɛhye ɛhɔne na bɛzɛlɛ bɛmaa me. Bɛmmadi debie biala yɛɛ bɛmmano nzule toonwo kenle nsa. Me nee me sonvolɛ mraalɛ ne mɔ yɛdayɛ yɛbayɛ zɔhane ala. Ɛhye anzi, mebahɔ belemgbunli ɛkɛ. Ɛhye tia mɛla ne bɔbɔ ɛdeɛ, noko saa ɔlua ɛhye ati na ɔwɔ kɛ mewu a, menwɔwu.”

Mrɛlɛbulɛ Buluku ne 3:5

Yeye wɔ ahonle nu fa ɛ rɛle wula Ɛdɛnkɛma anu, mmafa wɔ adwenle ɛsɔ ɛ ngome wɔ nrɛlɛbɛ.

Ayezaya Buluku ne 19:22

Ɛdɛnkɛma badea Yigyibitima na eza yeayɛ bɛ ayile; bɛbazia bɛara Ɛdɛnkɛma ɛkɛ, na ɔbadie bɛ modolɛ nzɛlɛlɛ na yeayɛ bɛ ayile.

Gyɛlɛmaya Buluku ne 33:3

Bɛzu bɛvɛlɛ me, na mebalie zolɛ; mebaha ninyɛne mgbole nee mɔɔ vea mɔɔ bɛtɛnwunle bɛ ɛlɛ la anwo edwɛkɛ meahile bɛ.

Daneɛle Buluku ne 9:3

Mengyele ɛhɔne, mengedale ɛrele, membɔle nzonle na membodole menzɛlɛle Awulae Nyamenle.

Ɛzoanvolɛma Gyima ne 10:30

Kɔnileɛse zele ye kɛ, “Ɛnɛ le kenle nna, kɛyɛ bekezɛ ala, ɛnee melɛyɛ ewiazo dɔne nsa nzɛlɛlɛ wɔ me sua ye anu, na nrenya bie mɔɔ wula tɛladeɛ fufule la ragyinlanle me nyunlu ɛkɛ

Mɛla 4:29

Na ɛkɛ ne yɛɛ akee bɛbakpondɛ Ɛdɛnkɛma bɛ Nyamenle ne a. Na saa bɛfa bɛ ahonle kpokpoti nee bɛ ɛkɛla kpokpoti bɛkpondɛ ye ɛdeɛ a, yemɔ bɛbanwu ye.