Ɛzela Buluku ne 8:21 - BAEBOLO ANZƐƐ BULUKU NWUANZANWUANZA

²¹ Aheeva azule ne anloa yɛɛ mengyehyɛle kɛ ɔwɔ kɛ yɛ muala yɛkye ɛhɔne na yɛbɛlɛ yɛ nwo aze wɔ yɛ Nyamenle ne anyunlu na yɛsɛlɛ ye kɛ ɔnlea yɛ, yɛ mra nee yɛ nwo ninyɛne zo na ɔzinza yɛ wɔ yɛ adendulɛ nu a.

Ɛzela Buluku ne 8:21 ပူးပေါင်းရင်းမြစ်များ

2 Edk 20:3

Ɛzulolɛ hanle Gyɛhɔhyafate na ɔzɛlɛle moalɛ ɔvile Ɛdɛnkɛma ɛkɛ ne, na ɔzele kɛ Dwudama kɔsɔɔti ɛhye ɛhɔne.

2 Edk 20:4

Na Dwudama amuala yiale kɛ bɛsɛlɛ Ɛdɛnkɛma moalɛ, menli vi Dwuda azuamgbole ne mɔ amuala azo rale nzɛlɛlɛ ne bie.

Ɛzela Buluku ne 8:15

Memboɔboale menli ne amuala anloa wɔ azule ne mɔɔ bɛdukue ye na ɔse ɔkɔ Aheeva sua zo la anloa, na yɛdɛnlanle ɛkɛ ne kenle nsa. Meneɛnleanle menli ne mɔ nee sɛlɛvolɛma ne mɔ anu la, menwunle kɛ Livaenli biala ɛnle nu.

Ɛzela Buluku ne 8:31

Siane ne mɔɔ lumua la anu kenle bulu nee nwiɔ ne azo yɛɛ yɛvi Aheeva azokoɛleɛ ne yɛzile nu kɛ yɛkɔ Gyɛlusalɛm a. Yɛ Nyamenle ne lole yɛ na ɔzinzale yɛ, ɔbɔle yɛ nwo bane wɔ yɛ adendulɛ nu, na ɔliele yɛ ɔvile yɛ agbɔvolɛ nee nwule sa nu.

Nihɛmaya Buluku ne 9:1

Siane ko ne ala anu, ye kenle abulanwiɔ nee nna ne azo, Yizilayɛma hedale ɛrele, vale mgbane wɔzale bɛ nwo, na bɛyiale nu bɛhyele ɛhɔne bɛlile bɛ ɛtane ne mɔ anwo nyane.

Ɛseta Buluku ne 4:16

“Kɔ na kɔboɔboa Dwuuma mɔɔ wɔ Susa ɛke la amuala anloa, maa bɛhye ɛhɔne na bɛzɛlɛ bɛmaa me. Bɛmmadi debie biala yɛɛ bɛmmano nzule toonwo kenle nsa. Me nee me sonvolɛ mraalɛ ne mɔ yɛdayɛ yɛbayɛ zɔhane ala. Ɛhye anzi, mebahɔ belemgbunli ɛkɛ. Ɛhye tia mɛla ne bɔbɔ ɛdeɛ, noko saa ɔlua ɛhye ati na ɔwɔ kɛ mewu a, menwɔwu.”

Edwɛndolɛ Buluku ne 137:1

Wɔ Babelɔn azule ne mɔ anloa, yɛdɛnlanle aze yɛzunle, wɔ mekɛ mɔɔ yɛhakyele Zayɔn la.

Edwɛndolɛ Buluku ne 5:8

O Ɛdɛnkɛma, me kpɔvolɛma ati, fa me dua wɔ tenlene adenle ne anu, na maa wɔ adenle ne ɛyɛ wienyi ɛmaa me.

Edwɛndolɛ Buluku ne 5:9

Me kpɔvolɛma ɛnga nɔhalɛ, debie ɛzɛkyelɛ ala a wɔ bɛ adwenle nu a. Bɛ kɔmenzia ɛbuke kɛ azie zo nla, bɛ nloa anu menlemenle, noko adalɛ ngome.

Edwɛndolɛ Buluku ne 8:2

ngakula nee nlɔma a to a. Wɔ kpɔvolɛma ati, wɔbɔ ɛ nwo bane, amaa wɔazi wɔ kpɔvolɛ ne nee mɔɔ di nzenralɛ la aze.

Mrɛlɛbulɛ Buluku ne 3:6

Nwu Nyamenle wɔ wɔ ɛbɛlabɔlɛ muala anu, na ɔbamaa wɔ ndenle adenrɛ fɔɔnwo amaa wɔ.

Ayezaya Buluku ne 30:21

Bɛbade edwɛkɛ wɔ bɛ nzi kɛ ɔlɛka yeahile bɛ kɛ, “Adenle ne ɛne, bɛlua nuhua” wɔ mekɛ mɔɔ bɛkɛminli bɛkɛva bɛne anzɛɛ fema zo la.

Ayezaya Buluku ne 35:8

Bɛbakpakye ademgbole bɛado ɛkɛ, bɛbavɛlɛ ye “Nwuanzanwuanza Adenle.” Sonla mɔɔ anwo ɛnde la ɛnrɛva zolɛ, yɛɛ ahoasea ɛnrɛhola menli mɔɔ fa ɛkɛ la koasea yɛ.

Ayezaya Buluku ne 42:16

“Mebahile anyenzinliravolɛma adenle, wɔ adenle mɔɔ bɛdabɛ bɛnze la anu, adenle mɔɔ bɛtɛfale zolɛ ɛlɛ la azo yɛɛ mebava bɛ mealua a. Mebamaa awozinli ne mɔɔ wɔ bɛ nyunlu la ayɛ wienyi, na ɛleka ahuhunduu ne mɔ ayɛ azɛlɛ sɛsɛ. Ninyɛne mɔɔ mebayɛ la ɛne, yɛɛ menrɛkpo bɛ.

Ayezaya Buluku ne 49:10

Ɛhɔne anzɛɛ nzuhɔne ɛnrɛhu bɛ, sɛnzɛne anzɛɛ anwoma wuluwulu ɛnrɛbɔ bɛ, ɔluakɛ ahenle mɔɔ nwu bɛ anwunvɔne la bali bɛ ti, yɛɛ ɔbava bɛ yeahɔ nzubula nwo.

Ayezaya Buluku ne 58:3

“Bɛbiza kɛ, ‘Duzu ati a yɛhye ɛhɔne na ɛnnwu ye ɛ? Duzu ati a yɛbɛlɛ yɛ nwo aze na ɛndwenle nwolɛ fee ɛ?’ “Na mese: Bɛnlea, bɛdabɛ bɛ gyima nee anyelielɛ ti yɛɛ bɛkye ɛhɔne a, yɛɛ bɛsisi bɛ gyimayɛvoma.

Ayezaya Buluku ne 58:5

Asoo ɛhɔnehyelɛ mɔɔ medi ye edwɛkɛ la, yemɔ a le ɛhye, kɛ bɛkɛzie kenle, bɛkɛbɛlɛ bɛ nwo aze, bɛkɛsisi bɛ ti aze kɛ ɛhonle, na bɛkɛdɛlɛdɛlɛ nzonle nee ɛrele nu bɛkɛla zolɛ la ɔ? Bɛfɛlɛ ɛhye ɛhɔnehyelɛ, yɛɛ bɛnea a ɔle kenle mɔɔ kɛzɔ medame Ɛdɛnkɛma me nye ɔ?

Gyɛlɛmaya Buluku ne 10:23

O Ɛdɛnkɛma, meze kɛ sonla ɔdaye ɔnlɛ ɔ nwo; sonla ɔdaye ɔnlɛ ye ngoane zo tumi.

Gyɛlɛmaya Buluku ne 42:3

Yemɔti sɛlɛ maa Ɛdɛnkɛma wɔ Nyamenle ne ɛhile yɛ adenle mɔɔ yɛva zo, nee debie mɔɔ ɔwɔ kɛ yɛyɛ la.”

Daneɛle Buluku ne 9:3

Mengyele ɛhɔne, mengedale ɛrele, membɔle nzonle na membodole menzɛlɛle Awulae Nyamenle.

Dwowɛle Buluku ne 1:14

Bɛmaa menli ne ɛhye ɛhɔne; bɛvɛlɛ Nyamenlezonlenlɛ ayia. Bɛboɔboa mgbanyima ne mɔ nee menli kɔsɔɔti mɔɔ wɔ azɛlɛ ne azo la anloa wɔ Ɛdɛnkɛma bɛ Nyamenle ne Ɛzonlenlɛ Sua ne anu na bɛzu bɛvɛlɛ Ɛdɛnkɛma.

Sɛlɛ 16:29

“Akee ɔbayɛ mɛla mɔɔ wɔ ɛkɛ ne dahuu ɔmaa bɛ a; siane nsuu ne kenle bulu ne azo, ɔwɔ kɛ bɛkye ɛhɔne mɔɔ bɛdabɛ o, nyɛvolɛ mɔɔ nee bɛ de la o, biala ɛnyɛ gyima a.

Sɛlɛ 16:31

Ɔle Ɛnwomenlelielɛ Kenle mɔɔ hyia maa bɛ a, na ɔwɔ kɛ bɛkye ɛhɔne kenle zɔhane. Ɛhye le mɛla mɔɔ wɔ ɛkɛ ne dahuu a.

Sɛlɛ 23:29

Awie biala mɔɔ angye ɛhɔne demua ne la, bɛbaye ye bɛavi Nyamenle menli ne avinli.

Dwona Buluku ne 3:5

Menli mɔɔ wɔ Nenɛvɛ la liele Nyamenle lile. Bɛ muala bɛliele bɛdole nuhua kɛ bɛkeda ɛrele, bɛahye ɛhɔne, mgbolema nee ahoahweabane, bɛ muala bɛhyele ɛhɔne bɛvale bɛhilele kɛ bɛnlu bɛ nwo.

Dwona Buluku ne 3:7

Akee ɔmanle bɛbɔle nolo wɔ suakpole ne azo kɛ, “Kɛ Nenɛvɛ belemgbunli nee ye mgbanyima se la ɛne: awie biala mɔɔ wɔ suakpole ye azo la mmadi debie yɛɛ ɔmmano nzule. Akee bɛmmamaa nlankɛ yɛɛ mboane anzɛɛ nyɛmoa biala fa bɛ nloa ka debie biala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:3

Duzu ati bɔbɔ yɛɛ Ɛdɛnkɛma kɛva yɛ kɛra azɛlɛ ɛhye azo, kɛ yɛrawu dadeɛ nloa ɛ? Yɛ mraalɛ nee yɛ mra badɔ donvula. Duzu ati a yɛnrɛzia yɛnrɛhɔ Yigyibiti a?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:31

Na bɛ mra ne mɔ mɔɔ bɛhanle kɛ bɛbadɔ donvula la, me nee bɛ bahɔ azɛlɛ ne mɔɔ bɛkpo la azo.

Ɛzoanvolɛma Gyima ne 2:39

Ɔluakɛ Nyamenle ɛwɔkɛ ne le bɛ nee bɛ mra nee menli mɔɔ wɔ ɛleka muala, mɔɔ yɛ Awulae Nyamenle ne kɛvɛlɛ bɛ la ɛdeɛ.”

Maanlebuvolɛma Buluku ne 20:26

Na Yizilayɛ ɛlɔnema ne kɔsɔɔti hɔle Bɛtɛle hɔzunle. Bɛhɔle Ɛdɛnkɛma anyunlu; bɛhyele ɛhɔne kenle ko ne toonwo nɔsolɛ. Bɛbɔle naneyelalɛ azu na bɛbɔle anzonudwolɛ azu bɛmanle Ɛdɛnkɛma.

1 Sam 7:6

Yemɔti bɛhɔyiale Mezepa; bɛguale nzule aze bɛmanle Ɛdɛnkɛma na bɛhyele ɛhɔne kenle ko ne na bɛzele kɛ, “Yɛyɛ ɛtane yɛtia Ɛdɛnkɛma.” (Mezepa ɛkɛ ne yɛɛ Samoɛle dɛnlanle ziele Yizilayɛma a.)