Ɛzela Buluku ne 8:20 - BAEBOLO ANZƐƐ BULUKU NWUANZANWUANZA

²⁰ Bɛ nee menli ɛya nwiɔ abulanwiɔ mɔɔ le Ɛzonlenlɛ Sua nu sonvolɛma la noko rale. Menli ɛhye mɔ, Belemgbunli Devidi nee ye mgbanyima a yele bɛ ziele ɛkɛ kɛ bɛboa Livaema a. Bɛhɛlɛle menli ɛhye mɔ aluma wɔ buluku nu.

Ɛzela Buluku ne 8:20 ပူးပေါင်းရင်းမြစ်များ

1 Edk 9:2

Bɛdabɛ mɔɔ bɛlumuale bɛziale bɛrale bɛ azua zo bɛrayɛle bɛ gyima la a le Yizilayɛma bie mɔ, sɛlɛvolɛma, Livaema, yɛɛ Ɛzonlenlɛ Sua nu sonvolɛma.

Ɛzela Buluku ne 2:43

Ɛzonlenlɛ Sua nu sonvolɛma mbusua ekpulike ekpulike mɔɔ ziale rale la ɛne: Zaeha, Hasufa, Tabeeyo, Kilɔso, Sayaha, Peedɔn, Lɛbeena, Hagaba, Akɛbe, Heegabe, Hyamelae, Heenan, Gedɛle, Geehaa, Riliaya, Rilizen, Nɛkoda, Gazam, Ɛza, Pasia, Bisae, Asena, Mɛyunem, Nɛfesem, Bakebɛke, Hakufa, Haahɛ, Bazelɛte, Mɛhaeda, Haahya, Baakɔso, Sesɛla, Tima, Nɛzaya, yɛɛ Hataefa.

Ɛzela Buluku ne 8:17

Menzoanle bɛ wɔ Kasefaya wɔ Dwuuma kpanyinli ne mɔɔ bɛfɛlɛ ye Yedo la ɛkɛ ne. Menvale nrɛlaleɛ memanle bɛ kɛ bɛva bɛhɔmaa Yedo nee ɔ gɔnwo mɔ Ɛzonlenlɛ Sua ne sonvolɛma ne kɛ bɛva sɛlɛvolɛma mɔɔ yɛ gyima wɔ yɛ Nyamenle ne Ɛzonlenlɛ Sua ne anu la bɛraboka yɛ nwo.

Ɛzela Buluku ne 8:19

Eza bɛvale Hahyabaya nee Gyɛhyaya mɔɔ vi Mɛlɛlae abusua nu la, nee bɛ mediema nee bɛ nwo amra mɔɔ dwu abulanwiɔ la bɛrɛlɛle yɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:9

Ye Livaema ne fi Yizilayɛma anu, na fa bɛ maa Aalɔn nee ɔ mra ne mɔ bɔkɔɔ maa bɛzonle bɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:3

Akee wɔmɔ noko, me boavolɛ kpalɛ, mekpondɛ kɛ ɛboa mraalɛ ɛhye mɔ; ɔluakɛ bɛ nee me nee Kelɛmɛnte nee me gɔnwo mɔ gyimayɛvoma mɔɔ ɛha la amuala, mɔɔ bɛ aluma wɔ Nyamenle ngoane buluku ne anu la a lile Edwɛkpa ne ɛkpondenlɛ nwo gyima a.