Ɛzela Buluku ne 8:18 - BAEBOLO ANZƐƐ BULUKU NWUANZANWUANZA

¹⁸ Na ɔlua Nyamenle ɛlolɛ zo, bɛvale Hyɛlibaya, mɔɔ le Livae ara Malae abusua nu amra ne bie, mɔɔ lɛ adwenle na ɔle Yizilayɛnli tɛnyetɛnye la, yɛɛ ɔ mra nee ɔ mediema ne mɔ bɛrɛlɛle yɛ, bɛlua bulu nee mɔtwɛ.

Ɛzela Buluku ne 8:18 ပူးပေါင်းရင်းမြစ်များ

1 Edk 6:1

Livae wole mralɛ mrenya nsa: Gɛhyɔn, Kohate, yɛɛ Mɛlɛlae.

1 Edk 6:19

yɛɛ Mɛlɛlae wole Maalae nee Muhyae.

1 Edk 6:4

Ɛlieza abo zo amra, ɔvi awolɛndoazo kɔdwu awolɛndoazo la a le ɛhye: Fenɛhaze, Abaehyua,

2 Edk 30:22

Na Hɛzikaya yele Livaema ne mɔɔ hilele bɛ mɔdenlebɔ wɔ Ɛdɛnkɛma ɛzonlenlɛ ne anu la ayɛlɛ. Menli ne lile Akpabɛnwo Ɛvoyia ne toonwo kenle nsuu, bɛbɔle anzonudwolɛ azu na bɛyɛle Ɛdɛnkɛma, bɛ ze mɔ Nyamenle ne mo.

Ɛzela Buluku ne 7:28

Ɔlua Nyamenle ɛlolɛ zo, menyia me nyunlu wɔ belemgbunli nee ye mgbanyima mɔɔ tu ye folɛ la, yɛɛ ye mbɔlɔba mgbole ne mɔ anyunlu. Ɛdɛnkɛma me Nyamenle ne ɛmaa me anwosesebɛ, na ɔlua zolɛ medame noko menzile ahonle na memboɔboale Yizilayɛ mbusua mgbanyinli ne bie mɔ anloa na me nee bɛ ziale rale.”

Ɛzela Buluku ne 7:6

Ɛzela le abɔlɔba mɔɔ ze Mɛla ne mɔɔ Ɛdɛnkɛma, Yizilayɛ Nyamenle ne vale manle Mosisi la kpole kpalɛ. Kɛmɔ ɛnee Ɛdɛnkɛma ye Nyamenle ne anye wɔ ɔ nwo zo la ati, belemgbunli ne vale debie biala mɔɔ ɔbizale la ɔmanle ye. Mɔɔ Belemgbunli Atazɛzɛse lile ɛvolɛ nsuu wɔ Pɛhyea ebia ne azo la, Ɛzela nee Yizilayɛma bie mɔ mɔɔ le sɛlɛvolɛma, Livaema, edwɛndolɛma, nee Ɛzonlenlɛ Sua nu sonvolɛma la zile nu vi Babelonia rale Gyɛlusalɛm.

Ɛzela Buluku ne 8:16

Zɔhane ati menvɛlɛle mgbanyima ngɔnla nee kilehilevolɛma nwiɔ. Mgbanyima ne mɔ a le Ɛlieza, Ɛleɛle, Hyɛmaya, Ɛleneetan, Gyɛlebe, Ɛleneetan, Neetan, Zɛkalaya, yɛɛ Mehyɛlam; menli ɛhye mɔ le mbusua mgbanyinli. Akee menvɛlɛle Dwɔyalebe nee Ɛleneetan kɛ bɛle kilehilevolɛma.

Ɛzela Buluku ne 8:19

Eza bɛvale Hahyabaya nee Gyɛhyaya mɔɔ vi Mɛlɛlae abusua nu la, nee bɛ mediema nee bɛ nwo amra mɔɔ dwu abulanwiɔ la bɛrɛlɛle yɛ.

Ɛzela Buluku ne 8:22

Ɔyɛle me nyiane kɛ kpɔvolɛ ti menwɔbiza belemgbunli kɛ ɔmaa ɛlɔnema ɛzinza yɛ wɔ adenle nu a, ɔluakɛ ɛnee meha mehile ye kɛ Nyamenle yila awie biala mɔɔ fa ɔ rɛle wula ye nu la. Ɔ nye ɛnlie bɛdabɛ mɔɔ bɛmbu ye la anwo, na ɔtea bɛdabɛ mɔɔ bɛkakyi bɛ nzi bɛsi ye la.

Ɛzela Buluku ne 8:24

Akee menyele sɛlɛvolɛ mgbanyinli bulu nee nwiɔ. Bɛmɛ a le Hyɛlibaya nee Hahyabaya, nee bɛ nwo amra bulu.

Nihɛmaya Buluku ne 12:24

Livae mgbanyinli ɛhye mɔ: Hahyabaya, Hyɛlibaya, Gyɛhyua, Benuwae, yɛɛ Kademeɛle a nleanle manle bɛhyɛle Livaema anu ekpunli ekpunli a. Mekɛ ko biala ekpunli nwiɔ to ayɛlɛyelɛ nee moyɛlɛ edwɛne maa Nyamenle, kɛmɔ Nyamenle sonla Belemgbunli Devidi hyehyɛle la.

Nihɛmaya Buluku ne 2:8

Eza maa bɛhɛlɛ kɛlata bɛhɔmaa Esafe mɔɔ sinza belemgbunli kpɔkɛmile ne la, amaa yeamaa me mbaka na meakpakyekpakye meayɛ mgbunla meaduodua aranemgbole ne mɔɔ zua Ɛzonlenlɛ Sua ne la nlenkɛ mgbole ne, bane ne nlenkɛ mgbole ne, yɛɛ sua ne mɔɔ mebadɛnla nuhua la nlenkɛ mgbole ne mɔ.” Belemgbunli ne yɛle mɔɔ membizale ye biala la manle me, ɔluakɛ ɛnee me Nyamenle ne nee me lua.

Nihɛmaya Buluku ne 8:7

Akee bɛdwazole bɛgyinlanle bɛ bo zo ne mɔ. Na Livaema ɛhye mɔ: Gyɛhyua, Beenae, Hyɛlibaya, Gyeemen, Akɛbe, Hyabɛtae, Hodaya, Meeyasaya, Kɛlaeta, Azalaya, Dwozabade, Heenan yɛɛ Pɛlaya hilehilele Mɛla ne mɔ anu hilele bɛ.

Mrɛlɛbulɛ Buluku ne 24:3

Bɛfa nrɛlɛbɛ a bɛsi sua a, bɛfa ndelebɛbo a bɛkyekye awuke a,

Mrɛlɛbulɛ Buluku ne 3:6

Nwu Nyamenle wɔ wɔ ɛbɛlabɔlɛ muala anu, na ɔbamaa wɔ ndenle adenrɛ fɔɔnwo amaa wɔ.

Gyɛlɛmaya Buluku ne 3:15

Mebamaa bɛ neavolɛma mɔɔ tie me la na bɛava nrɛlɛbɛ nee ndelebɛbo bɛazie bɛ.

Daneɛle Buluku ne 1:20

Menli nna ne boale belemgbunli ne wɔ edwɛkɛ biala mɔɔ kye adwenle anzɛɛ hyia ndelebɛbo na ɔkɛbiza bɛ la anu kpole kpalɛ dɛlale ngonyiama nee silihyelɛma mɔɔ wɔ maanle ne anu la amuala fane bulu.

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.