Ɛzela Buluku ne 8:17 - BAEBOLO ANZƐƐ BULUKU NWUANZANWUANZA

¹⁷ Menzoanle bɛ wɔ Kasefaya wɔ Dwuuma kpanyinli ne mɔɔ bɛfɛlɛ ye Yedo la ɛkɛ ne. Menvale nrɛlaleɛ memanle bɛ kɛ bɛva bɛhɔmaa Yedo nee ɔ gɔnwo mɔ Ɛzonlenlɛ Sua ne sonvolɛma ne kɛ bɛva sɛlɛvolɛma mɔɔ yɛ gyima wɔ yɛ Nyamenle ne Ɛzonlenlɛ Sua ne anu la bɛraboka yɛ nwo.

Ɛzela Buluku ne 8:17 ပူးပေါင်းရင်းမြစ်များ

2 Sam 14:19

Belemgbunli ne bizale ye kɛ, “Ɛnee Dwowabe a ɛha edwɛkɛ ɛhye ɛhile wɔ a?” Raalɛ ne buale kɛ, “Meka meka kɛ, mekoati wɔ kpuyia ye anwo fee a ɔnyɛ boɛ. Nana, kɛmɔ ɛdawɔ wɔha la, wɔ sonvolɛ Dwowabe yɛɛ bɔle adwenle ɛhye a. Yemɔ yɛɛ ɔhilele me mɔɔ ɔwɔ kɛ meyɛ nee mɔɔ ɔwɔ kɛ meka la amuala a.

2 Sam 14:3

Na kɔ belemgbunli ne ɛkɛ kɔha edwɛkɛ mɔɔ meka meahile wɔ la kile ye.” Na Dwowabe vale nrɛlaleɛ ne manle ye.

1 Edk 9:2

Bɛdabɛ mɔɔ bɛlumuale bɛziale bɛrale bɛ azua zo bɛrayɛle bɛ gyima la a le Yizilayɛma bie mɔ, sɛlɛvolɛma, Livaema, yɛɛ Ɛzonlenlɛ Sua nu sonvolɛma.

Ɛzela Buluku ne 2:43

Ɛzonlenlɛ Sua nu sonvolɛma mbusua ekpulike ekpulike mɔɔ ziale rale la ɛne: Zaeha, Hasufa, Tabeeyo, Kilɔso, Sayaha, Peedɔn, Lɛbeena, Hagaba, Akɛbe, Heegabe, Hyamelae, Heenan, Gedɛle, Geehaa, Riliaya, Rilizen, Nɛkoda, Gazam, Ɛza, Pasia, Bisae, Asena, Mɛyunem, Nɛfesem, Bakebɛke, Hakufa, Haahɛ, Bazelɛte, Mɛhaeda, Haahya, Baakɔso, Sesɛla, Tima, Nɛzaya, yɛɛ Hataefa.

Ɛzela Buluku ne 2:58

Ɛzonlenlɛ Sua ne sonvolɛma nee Belemgbunli Sɔlɔmɔn sonvolɛma abo zo amra mɔɔ ziale rale la le ɛya nsa abulahɔnla nee nwiɔ.

Ɛzela Buluku ne 8:16

Zɔhane ati menvɛlɛle mgbanyima ngɔnla nee kilehilevolɛma nwiɔ. Mgbanyima ne mɔ a le Ɛlieza, Ɛleɛle, Hyɛmaya, Ɛleneetan, Gyɛlebe, Ɛleneetan, Neetan, Zɛkalaya, yɛɛ Mehyɛlam; menli ɛhye mɔ le mbusua mgbanyinli. Akee menvɛlɛle Dwɔyalebe nee Ɛleneetan kɛ bɛle kilehilevolɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:15

Ka edwɛkɛ ne kile ye na fa wula ɔ nloa; mebamaa wɔ nee ɔdaye ɛnloanlɛ na meahilehile bɛ mɔɔ ɔwɔ kɛ bɛka la.

Gyɛlɛmaya Buluku ne 1:9

Akee Ɛdɛnkɛma dendenle ɔ sa, ɔvale ɔhanle me nloa na ɔzele me kɛ, “Nea, meva me edwɛkɛ ne medua ɛ nloa.

Gyɛlɛmaya Buluku ne 15:19

Yemɔti Ɛdɛnkɛma buale kɛ, “Saa ɛsia ɛ nzi a, mebalie wɔ na wɔazia wɔayɛ me sonvolɛ. Saa wɔanva ɛ nloa wɔanga mgbane mgbane, na ɛfa ɛka nrɛlɛbɛ edwɛkɛ a, mebayɛ wɔ me kpɔmanvolɛ. Menli ne bazia aradoa wɔ na tɛ wɔmɔ yɛɛ ɛbahɔdoa bɛ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:6

Na nea, meye ɛ mediema Livaema mevi Yizilayɛma avinli kɛ bɛle wɔ ahyɛlɛdeɛ, bɛdu bɛ bɛmaa medame Ɛdɛnkɛma kɛ bɛyɛ gyima wɔ Ndanlɛ Sua ne anu.

Mɛla 18:18

Yemɔti mebamaa Nyamenle kpɔmanvolɛ avinde bɛdabɛ bɛ avinli. Mebava me edwɛkɛ meadua ɔ nloa na yeaha mɔɔ menwɔze ye la yeahile bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:5

Mengyakyile wɔ wɔ Kiliti kɛ ɛnlea ɛmaa debie biala mɔɔ tɔ sinli la ɛyɛ boɛ, na ɛye mgbanyima ɛmaa bɛnlea asɔne ne mɔ mɔɔ wɔ sua biala azo la azo, kɛmɔ mengilehilele wɔ la.