Ɛzela Buluku ne 8:16 - BAEBOLO ANZƐƐ BULUKU NWUANZANWUANZA

¹⁶ Zɔhane ati menvɛlɛle mgbanyima ngɔnla nee kilehilevolɛma nwiɔ. Mgbanyima ne mɔ a le Ɛlieza, Ɛleɛle, Hyɛmaya, Ɛleneetan, Gyɛlebe, Ɛleneetan, Neetan, Zɛkalaya, yɛɛ Mehyɛlam; menli ɛhye mɔ le mbusua mgbanyinli. Akee menvɛlɛle Dwɔyalebe nee Ɛleneetan kɛ bɛle kilehilevolɛma.

Ɛzela Buluku ne 8:16 ပူးပေါင်းရင်းမြစ်များ

1 Arl 3:11

Na Nyamenle zele ye kɛ, “Kɛmɔ wɔambiza me wɔanlie ngoane tendenle nee anwonyia wɔammaa ɛ nwo, yɛɛ eza wɔanze kɛ mengu wɔ kpɔvolɛma, na wɔbiza kɛ ɛkpondɛ ndelebɛbo wɔava wɔanwu mɔɔ le kpalɛ nee mɔɔ le ɛtane la,

1 Edk 26:14

Nzeleba ɛgualɛ ne anu, Hyɛlimaya a aduduleɛ anlenkɛ kpole ne bɔle ye a, yɛɛ ɔ ra Zɛkalaya a vale sɔlɔ anlenkɛ ne a. Zɛkalaya le sonla mɔɔ tu folɛ kpalɛ a.

2 Edk 2:12

Ayɛlɛyelɛ ɛha Yizilayɛ Ɛdɛnkɛma Nyamenle ne mɔɔ bɔle anwuma nee aze, mɔɔ ɛmaa Belemgbunli Devidi ɛwo ralɛ nrenya mɔɔ ze nrɛlɛbɛ, mɔɔ lɛ adwenle nee ndelebɛbo, mɔɔ bazi Ɛzonlenlɛ Sua amaa Ɛdɛnkɛma na yeabu ye belemgbunli awuke a.

Ɛzela Buluku ne 10:21

Hɛlem abusua nu amra: Meeyasaya, Yilaegya, Hyɛmaya, Gyɛhayɛle, yɛɛ Ɛzaya

Ɛzela Buluku ne 8:15

Memboɔboale menli ne amuala anloa wɔ azule ne mɔɔ bɛdukue ye na ɔse ɔkɔ Aheeva sua zo la anloa, na yɛdɛnlanle ɛkɛ ne kenle nsa. Meneɛnleanle menli ne mɔ nee sɛlɛvolɛma ne mɔ anu la, menwunle kɛ Livaenli biala ɛnle nu.

Ɛzela Buluku ne 8:17

Menzoanle bɛ wɔ Kasefaya wɔ Dwuuma kpanyinli ne mɔɔ bɛfɛlɛ ye Yedo la ɛkɛ ne. Menvale nrɛlaleɛ memanle bɛ kɛ bɛva bɛhɔmaa Yedo nee ɔ gɔnwo mɔ Ɛzonlenlɛ Sua ne sonvolɛma ne kɛ bɛva sɛlɛvolɛma mɔɔ yɛ gyima wɔ yɛ Nyamenle ne Ɛzonlenlɛ Sua ne anu la bɛraboka yɛ nwo.

Ɛzela Buluku ne 8:18

Na ɔlua Nyamenle ɛlolɛ zo, bɛvale Hyɛlibaya, mɔɔ le Livae ara Malae abusua nu amra ne bie, mɔɔ lɛ adwenle na ɔle Yizilayɛnli tɛnyetɛnye la, yɛɛ ɔ mra nee ɔ mediema ne mɔ bɛrɛlɛle yɛ, bɛlua bulu nee mɔtwɛ.

Mrɛlɛbulɛ Buluku ne 2:6

ɔluakɛ Ɛdɛnkɛma maa nrɛlɛbɛ; ɔdaye yɛɛ ɔmaa adwenle nee ndelebɛbo a.

Mrɛlɛbulɛ Buluku ne 20:5

Sonla adwenle mɔɔ wɔ ɔ ti anu la le kɛ azule buma, mɔɔ lɛ ndelebɛbo la baza bie.

Mrɛlɛbulɛ Buluku ne 28:2

Saa maanle yɛ ɛtane a, ye arelemgbunli so dɔɔnwo; maanle mɔɔ lɛ menli mɔɔ lɛ ndelebɛbo nee adwenle la gyinla kyɛ.

Daneɛle Buluku ne 2:21

Ɔkakyi mekɛ, ɔkakyi ɛlobɔ; ɔtu arelemgbunli, ɔsie arelemgbunli; ɔmaa nrɛlɛbɛvolɛ nwu nrɛlɛbɛ, na ɔmaa mɔɔ lɛ ndelebɛbo la adwenle;

2 Tem 2:7

Dwenle mɔɔ melɛka la anwo, ɔluakɛ Awulae baboa wɔ yeamaa wɔade ɔ muala abo.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.