Ɛzela Buluku ne 8:15 - BAEBOLO ANZƐƐ BULUKU NWUANZANWUANZA

¹⁵ Memboɔboale menli ne amuala anloa wɔ azule ne mɔɔ bɛdukue ye na ɔse ɔkɔ Aheeva sua zo la anloa, na yɛdɛnlanle ɛkɛ ne kenle nsa. Meneɛnleanle menli ne mɔ nee sɛlɛvolɛma ne mɔ anu la, menwunle kɛ Livaenli biala ɛnle nu.

Ɛzela Buluku ne 8:15 ပူးပေါင်းရင်းမြစ်များ

Ɛzela Buluku ne 7:24

Eza bɛnwu ye kɛ ɔnle kɛ bɛdie sɛlɛvolɛma, Livaema, edwɛndolɛma, sinzavolɛma, nee gyimayɛvoma mɔɔ wɔ Nyamenle Sua ne anwo la adwule biala.

Ɛzela Buluku ne 7:28

Ɔlua Nyamenle ɛlolɛ zo, menyia me nyunlu wɔ belemgbunli nee ye mgbanyima mɔɔ tu ye folɛ la, yɛɛ ye mbɔlɔba mgbole ne mɔ anyunlu. Ɛdɛnkɛma me Nyamenle ne ɛmaa me anwosesebɛ, na ɔlua zolɛ medame noko menzile ahonle na memboɔboale Yizilayɛ mbusua mgbanyinli ne bie mɔ anloa na me nee bɛ ziale rale.”

Ɛzela Buluku ne 8:16

Zɔhane ati menvɛlɛle mgbanyima ngɔnla nee kilehilevolɛma nwiɔ. Mgbanyima ne mɔ a le Ɛlieza, Ɛleɛle, Hyɛmaya, Ɛleneetan, Gyɛlebe, Ɛleneetan, Neetan, Zɛkalaya, yɛɛ Mehyɛlam; menli ɛhye mɔ le mbusua mgbanyinli. Akee menvɛlɛle Dwɔyalebe nee Ɛleneetan kɛ bɛle kilehilevolɛma.

Ɛzela Buluku ne 8:2

Fenɛhase abusua kpanyinli ne a le Gɛhyɔn Yetama abusua kpanyinli ne a le Daneɛle Devidi abusua kpanyinli ne a le Hyɛkanaya ara nrenya Hatɛhye. Pɛlɔhye abusua kpanyinli ne a le Zɛkalaya, ɔlɛ mrenya ɛya ko abulanlu mɔɔ bɛ aluma wɔ ngɛlata zo a Peehate Mowabe abusua kpanyinli ne a le Zɛlahaya ara Ɛleɛhoyinae, ɔlɛ mrenya ɛya nwiɔ Zatu abusua kpanyinli ne a le Gyaheezeɛle ara Hyɛkanaya, ɔlɛ mrenya ɛya nsa Eden abusua kpanyinli ne a le Dwɔnatan ara Yibɛde, ɔlɛ mrenya abulanlu Yilam abusua kpanyinli ne a le Atalaya ara Gyɛhyaya, ɔlɛ mrenya abulasuu Hyɛfataya abusua kpanyinli ne a le Maekeɛle ara Zɛbadaya, ɔlɛ mrenya abulatwɛ Dwowabe abusua kpanyinli ne a le Gyɛhayɛle ara Obadaya, ɔlɛ mrenya ɛya nwiɔ bulu nee mɔtwɛ Beenae abusua kpanyinli ne a le Dwɔsefaya ara Hyɛlomete, ɔlɛ mrenya ɛya ko abulasia Bibeyae abusua kpanyinli ne a le Bibeyae ara Zɛkalaya, ɔlɛ mrenya abulanwiɔ nee mɔtwɛ Azegade abusua kpanyinli ne a le Hakatan ara Dwoheenan, ɔlɛ mrenya ɛya ko nee bulu Yilefɛlɛte, Gyɛyuwɛle, yɛɛ Hyɛmaya mɔɔ vi Adonaekam abusua nu la bɛdabɛ bɛrale. Bɛlɛ mrenya abulasia (nzinlii a bɛmɛ bɛrale a) Yutae nee Zakɛ mɔɔ vi Begeveeyae abusua nu la noko rale. Bɛ nee mrenya abulasuu a rale a.

Ɛzela Buluku ne 8:21

Aheeva azule ne anloa yɛɛ mengyehyɛle kɛ ɔwɔ kɛ yɛ muala yɛkye ɛhɔne na yɛbɛlɛ yɛ nwo aze wɔ yɛ Nyamenle ne anyunlu na yɛsɛlɛ ye kɛ ɔnlea yɛ, yɛ mra nee yɛ nwo ninyɛne zo na ɔzinza yɛ wɔ yɛ adendulɛ nu a.

Ɛzela Buluku ne 8:31

Siane ne mɔɔ lumua la anu kenle bulu nee nwiɔ ne azo yɛɛ yɛvi Aheeva azokoɛleɛ ne yɛzile nu kɛ yɛkɔ Gyɛlusalɛm a. Yɛ Nyamenle ne lole yɛ na ɔzinzale yɛ, ɔbɔle yɛ nwo bane wɔ yɛ adendulɛ nu, na ɔliele yɛ ɔvile yɛ agbɔvolɛ nee nwule sa nu.

Edwɛndolɛ Buluku ne 137:1

Wɔ Babelɔn azule ne mɔ anloa, yɛdɛnlanle aze yɛzunle, wɔ mekɛ mɔɔ yɛhakyele Zayɔn la.

Yizikeɛle Buluku ne 1:1

Wɔ ɛvolɛ abulasa ne anu, siane nna ne, ye kenle nnu ne azo, ɛnee medame, sɛlɛvolɛ Yizikeɛle, mɔɔ me ze a le Buzi la mewɔ Dwuuma mɔɔ bɛhye bɛ, bɛ nee bɛ ɛhɔ nlɔnu la avinli wɔ Azule Kibaa ne anloa. Na menwunle kɛ anwuma ɛbuke, na Nyamenle yele ɔ nwo hilele me.

Yizikeɛle Buluku ne 3:15

Membale bɛdabɛ mɔɔ bɛwɔ nlɔnu la ɛkɛ wɔ Tɛle Abebe, wɔ Azule Kibaa ne anloa, ɛleka mɔɔ bɛdabɛ mɔɔ bɛwɔ nlɔnu la wɔ la. Me nee bɛ dɛnlanle kenle nsuu, na mɔɔ mendele nee mɔɔ menwunle ye la zinle me nwo.

Ɛzoanvolɛma Gyima ne 16:13

Ɛnwomenlelielɛ Kenle ne dwule la, yɛhɔle bɛ azule ne anloa wɔ suakpole ne kandiba. Yɛ adwenle a le kɛ kabezɛ ɛkɛ ne a Dwuuma ɔyɛ a yia yɛ nzɛlɛlɛ a.