Ɛzela Buluku ne 8:1 - BAEBOLO ANZƐƐ BULUKU NWUANZANWUANZA

¹ Mbusua mgbanyinli mɔɔ ɛnee wɔ nlɔnu wɔ Babelonia mɔɔ nee me ziale rale Gyɛlusalɛm wɔ Belemgbunli Atazɛzɛse mekɛ zo la aluma ɛne:

Ɛzela Buluku ne 8:1 ပူးပေါင်းရင်းမြစ်များ

1 Edk 24:31

Abusua kpanyinli ne nee ɔ mediema ngakula ne mɔ ko a guale nzeleba hyɛle gyima ne a, kɛmɔ bɛ busuanli Aalɔn abo zo amra sɛlɛvolɛma ne yɛle la. Belemgbunli Devidi, Sɛlɛvolɛ Zeedɔko, Ahemɛlɛke, yɛɛ sɛlɛvolɛma mbusua mgbanyinli nee Livae mbusua mgbanyinli ne mɔ a nleanle manle bɛguale nzeleba ne bɛyɛle ngyehyɛlɛ ne a.

1 Edk 26:32

Belemgbunli Devidi yele bɛ nuhua apenle nwiɔ ɛya nsuu mɔɔ lɛ tile la vile Gyɛlaya anwo amra ne anu kɛ bɛnlea nyamenlezonlenlɛ nee edwɛkɛ ngyikyi ngyikyi mɔɔ wɔ Yizilayɛ maanle ne mɔɔ wɔ Azule Dwɔdan aduduleɛ lɔ la na bɛtoto bɛ boɛ. Maanle ne mɔ a le Wulubɛn, Gaade, yɛɛ Manasɛ Aduduleɛ.

1 Edk 4:33

nee namunamu mɔɔ wɔ ɛkɛ ne toonwo kɔdwu sua ne mɔɔ bɛfɛlɛ ye Beeyalate la nyiakɛ mɔɔ di kɔ adɔleɛ la. Bɛ abusua ɛlɔnwɔne ne nee ɛleka mɔɔ bɛdɛnlanle la tetedwɛkɛ mɔɔ bɛva bɛzie toonwo la, yemɔ ɛne.

1 Edk 9:1

Bɛdianle Yizilayɛma kɔsɔɔti abusua abusua, na mɔɔ bɛnyianle ye la, bɛhɛlɛle bɛ aluma wɔ Yizilayɛ Arelemgbunli Tetedwɛkɛ Mbuluku ne mɔ anu. Dwudama ɛtane mɔɔ yɛle la ati, bɛdule bɛ wɔ maanle ne anu bɛ nee bɛ hɔle nlɔnu wɔ Babelɔn.

1 Edk 9:34

Menli mɔɔ bɛbobɔ bɛ aluma wɔ ɛke la le mbusua mgbanyinli wɔ Livae abusua ekpunli ne anu. Bɛ muala bɛdɛnlanle Gyɛlusalɛm.

2 Edk 26:12

Safohyenlema mɔɔ gyigyi bɛ ze mɔ awuke ti mɔɔ ɛnee nea ɛlɔnema ne mɔ anwo zo la le apenle nwiɔ ɛya nsia.

Ɛzela Buluku ne 1:5

Na Dwuda nee Bɛngyaman mbusua ekpunli ne mɔ anu mgbanyima, sɛlɛvolɛma nee Livaema, nee awie biala mɔɔ Nyamenle ɛva ɔ sa ɛha ye ahonle la boɔboale bɛ nwo kɛ bɛkɔ bɛahɔboa Ɛdɛnkɛma Ɛzonlenlɛ Sua ne ɛzilɛ bieko wɔ Gyɛlusalɛm.

Ɛzela Buluku ne 2:2

Menli mɔɔ lile bɛ ti nee bɛ rale la a le Zɛlɛbabɛle, Dwɔhyua, Nihɛmaya, Sɛlaya, Rililaya, Mɔdekae, Belehyan, Mezepa, Begeveeyae, Rilihɛm, yɛɛ Beeyana. Yizilayɛ mbusua nee abusua ko biala anu menli mɔɔ ziale rale la dodo ɛne:

Ɛzela Buluku ne 2:3

Pɛlɔhye - Apenle nwiɔ, ɛya ko abulasuu nee nwiɔ Hyɛfataya - Ɛya nsa abulasuu nee nwiɔ Ɛla - Ɛya nsuu abulasuu nee nnu Peehate Mowabe (Gyɛhyua nee Dwowabe abo zo amra) - Apenle nwiɔ, ɛya mɔtwɛ, bulu nee nwiɔ Yilam - Apenle ko, ɛya nwiɔ abulanlu nee nna Zatu - Ɛya ngɔnla abulanla nee nnu Zakeeyae - Ɛya nsuu abulasia Beenae - Ɛya nsia abulanla nee nwiɔ Bibeyae - Ɛya nsia abulanwiɔ nee nsa Azegade - Apenle ko, ɛya nwiɔ abulanwiɔ nee nwiɔ Adonaekam - Ɛya nsia abulasia nee nsia Begeveeyae - Apenle nwiɔ, abulanlu nee nsia Eden - Ɛya nna abulanlu nee nna Etɛ (mɔɔ eza bɛfɛlɛ ye Hɛzikaya) - abulahɔnla nee mɔtwɛ Bizeyae - Ɛya nsa abulanwiɔ nee nsa Dwɔla - Ɛya ko bulu nee nwiɔ Hahyɛm - Ɛya nwiɔ abulanwiɔ nee nsa Gebaa - Abulahɔnla nee nnu

Ɛzela Buluku ne 7:13

“Kɛkala, meyɛ ye mɛla kɛ Yizilayɛnli biala mɔɔ wɔ me maanle ye anu la, sɛlɛvolɛma anzɛɛ Livaema, mɔɔ kulo kɛ ɔsia ɔkɔ Gyɛlusalɛm la nee wɔ ɛhɔ.

Ɛzela Buluku ne 7:28

Ɔlua Nyamenle ɛlolɛ zo, menyia me nyunlu wɔ belemgbunli nee ye mgbanyima mɔɔ tu ye folɛ la, yɛɛ ye mbɔlɔba mgbole ne mɔ anyunlu. Ɛdɛnkɛma me Nyamenle ne ɛmaa me anwosesebɛ, na ɔlua zolɛ medame noko menzile ahonle na memboɔboale Yizilayɛ mbusua mgbanyinli ne bie mɔ anloa na me nee bɛ ziale rale.”

Ɛzela Buluku ne 7:6

Ɛzela le abɔlɔba mɔɔ ze Mɛla ne mɔɔ Ɛdɛnkɛma, Yizilayɛ Nyamenle ne vale manle Mosisi la kpole kpalɛ. Kɛmɔ ɛnee Ɛdɛnkɛma ye Nyamenle ne anye wɔ ɔ nwo zo la ati, belemgbunli ne vale debie biala mɔɔ ɔbizale la ɔmanle ye. Mɔɔ Belemgbunli Atazɛzɛse lile ɛvolɛ nsuu wɔ Pɛhyea ebia ne azo la, Ɛzela nee Yizilayɛma bie mɔ mɔɔ le sɛlɛvolɛma, Livaema, edwɛndolɛma, nee Ɛzonlenlɛ Sua nu sonvolɛma la zile nu vi Babelonia rale Gyɛlusalɛm.

Ɛzela Buluku ne 8:2

Fenɛhase abusua kpanyinli ne a le Gɛhyɔn Yetama abusua kpanyinli ne a le Daneɛle Devidi abusua kpanyinli ne a le Hyɛkanaya ara nrenya Hatɛhye. Pɛlɔhye abusua kpanyinli ne a le Zɛkalaya, ɔlɛ mrenya ɛya ko abulanlu mɔɔ bɛ aluma wɔ ngɛlata zo a Peehate Mowabe abusua kpanyinli ne a le Zɛlahaya ara Ɛleɛhoyinae, ɔlɛ mrenya ɛya nwiɔ Zatu abusua kpanyinli ne a le Gyaheezeɛle ara Hyɛkanaya, ɔlɛ mrenya ɛya nsa Eden abusua kpanyinli ne a le Dwɔnatan ara Yibɛde, ɔlɛ mrenya abulanlu Yilam abusua kpanyinli ne a le Atalaya ara Gyɛhyaya, ɔlɛ mrenya abulasuu Hyɛfataya abusua kpanyinli ne a le Maekeɛle ara Zɛbadaya, ɔlɛ mrenya abulatwɛ Dwowabe abusua kpanyinli ne a le Gyɛhayɛle ara Obadaya, ɔlɛ mrenya ɛya nwiɔ bulu nee mɔtwɛ Beenae abusua kpanyinli ne a le Dwɔsefaya ara Hyɛlomete, ɔlɛ mrenya ɛya ko abulasia Bibeyae abusua kpanyinli ne a le Bibeyae ara Zɛkalaya, ɔlɛ mrenya abulanwiɔ nee mɔtwɛ Azegade abusua kpanyinli ne a le Hakatan ara Dwoheenan, ɔlɛ mrenya ɛya ko nee bulu Yilefɛlɛte, Gyɛyuwɛle, yɛɛ Hyɛmaya mɔɔ vi Adonaekam abusua nu la bɛdabɛ bɛrale. Bɛlɛ mrenya abulasia (nzinlii a bɛmɛ bɛrale a) Yutae nee Zakɛ mɔɔ vi Begeveeyae abusua nu la noko rale. Bɛ nee mrenya abulasuu a rale a.