Ɛzela Buluku ne 7:6 - BAEBOLO ANZƐƐ BULUKU NWUANZANWUANZA

^6-7 Ɛzela le abɔlɔba mɔɔ ze Mɛla ne mɔɔ Ɛdɛnkɛma, Yizilayɛ Nyamenle ne vale manle Mosisi la kpole kpalɛ. Kɛmɔ ɛnee Ɛdɛnkɛma ye Nyamenle ne anye wɔ ɔ nwo zo la ati, belemgbunli ne vale debie biala mɔɔ ɔbizale la ɔmanle ye. Mɔɔ Belemgbunli Atazɛzɛse lile ɛvolɛ nsuu wɔ Pɛhyea ebia ne azo la, Ɛzela nee Yizilayɛma bie mɔ mɔɔ le sɛlɛvolɛma, Livaema, edwɛndolɛma, nee Ɛzonlenlɛ Sua nu sonvolɛma la zile nu vi Babelonia rale Gyɛlusalɛm.

Ɛzela Buluku ne 7:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:28

Nrenya ne zele kɛ, “Bɛnrɛvɛlɛ wɔ Gyekɔbo bieko, bɛbavɛlɛ wɔ Yizilayɛ ɔluakɛ ɛ nee Nyamenle nee menli ɛpele, na wɔli konim.”

Ɛzela Buluku ne 5:5

Na ɛnee Nyamenle anye wɔ Dwuu mgbanyima ne mɔ anwo zo la ati, bɛandua bɛ kɛ bɛmmasi sua ne. Bɛvale nwolɛ edwɛkɛ bɛhɔmanle Belemgbunli Dalayɛse na bɛyɛle kɛ bɛkendɛ bɛadie nwolɛ mualɛ kolaa na bɛkɛyɛ debie a bɛayɛ.

Ɛzela Buluku ne 6:22

Bɛvale fɛlɛkolilɛ bɛlile Angye Ɛvoyia ne toonwo kenle nsuu. Bɛ nye liele, ɔluakɛ Ɛdɛnkɛma ɛmaa Aselea belemgbunli ne ɛhakyi ye nyɛleɛ na yeboa bɛ yemaa bɛzi Yizilayɛ Nyamenle ne Ɛzonlenlɛ Sua ne.

Ɛzela Buluku ne 7:21

“Akee medame, Belemgbunli Atazɛzɛse, meyɛ mɛla ɛhye na mese me gya sievolɛma mɔɔ wɔ Yufileti Adɔleɛ la amuala kɛ: Debie biala mɔɔ sɛlɛvolɛ Ɛzela, mɔɔ le Nyamenle ne mɔɔ wɔ anwuma la Mɛla kɛlɛhɛlɛvolɛ ne kɛbiza bɛ la, bɛnlea na bɛyɛ ye gyɛlɛɛnye bɛmaa ye.

Ɛzela Buluku ne 7:28

Ɔlua Nyamenle ɛlolɛ zo, menyia me nyunlu wɔ belemgbunli nee ye mgbanyima mɔɔ tu ye folɛ la, yɛɛ ye mbɔlɔba mgbole ne mɔ anyunlu. Ɛdɛnkɛma me Nyamenle ne ɛmaa me anwosesebɛ, na ɔlua zolɛ medame noko menzile ahonle na memboɔboale Yizilayɛ mbusua mgbanyinli ne bie mɔ anloa na me nee bɛ ziale rale.”

Ɛzela Buluku ne 7:5

Bɛkae ɔ ze a le Abaehyua, Abaehyua ɔ ze a le Fenɛhase, yɛɛ Fenɛhase ɔ ze a le Ɛlieza, Ɛlieza ɔ ze a le Sɛlɛvolɛma Kpanyinli Aalɔn.

Ɛzela Buluku ne 8:1

Mbusua mgbanyinli mɔɔ ɛnee wɔ nlɔnu wɔ Babelonia mɔɔ nee me ziale rale Gyɛlusalɛm wɔ Belemgbunli Atazɛzɛse mekɛ zo la aluma ɛne:

Ɛzela Buluku ne 8:18

Na ɔlua Nyamenle ɛlolɛ zo, bɛvale Hyɛlibaya, mɔɔ le Livae ara Malae abusua nu amra ne bie, mɔɔ lɛ adwenle na ɔle Yizilayɛnli tɛnyetɛnye la, yɛɛ ɔ mra nee ɔ mediema ne mɔ bɛrɛlɛle yɛ, bɛlua bulu nee mɔtwɛ.

Ɛzela Buluku ne 8:22

Ɔyɛle me nyiane kɛ kpɔvolɛ ti menwɔbiza belemgbunli kɛ ɔmaa ɛlɔnema ɛzinza yɛ wɔ adenle nu a, ɔluakɛ ɛnee meha mehile ye kɛ Nyamenle yila awie biala mɔɔ fa ɔ rɛle wula ye nu la. Ɔ nye ɛnlie bɛdabɛ mɔɔ bɛmbu ye la anwo, na ɔtea bɛdabɛ mɔɔ bɛkakyi bɛ nzi bɛsi ye la.

Ɛzela Buluku ne 8:31

Siane ne mɔɔ lumua la anu kenle bulu nee nwiɔ ne azo yɛɛ yɛvi Aheeva azokoɛleɛ ne yɛzile nu kɛ yɛkɔ Gyɛlusalɛm a. Yɛ Nyamenle ne lole yɛ na ɔzinzale yɛ, ɔbɔle yɛ nwo bane wɔ yɛ adendulɛ nu, na ɔliele yɛ ɔvile yɛ agbɔvolɛ nee nwule sa nu.

Nihɛmaya Buluku ne 12:26

Menli ɛhye mɔ mɔɔ bɛbobɔ bɛ aluma la ɛnee de aze wɔ Dwɔyakem, Dwɔhyua ara nrenya ne mɔɔ le Gyɛhozadake anlɔnra ne nee Amɛnlado Nihɛmaya yɛɛ sɛlɛvolɛ Ɛzela, mɔɔ le mɛla kilehilevolɛ la mekɛ zo.

Nihɛmaya Buluku ne 12:36

Akee mbusuafoɔ mɔɔ hale la doale zolɛ. Bɛmɛ a le Hyɛmaya, Azali, Melalae, Gelalae, Meeyae, Nɛtanile, Dwuda, yɛɛ Haneenae. Ɛhye mɔ ko biala lɛ agolebɔlɛ ninyɛne mɔɔ le kɛ mɔɔ ɛnee Nyamenle sonla Belemgbunli Devidi bɔ la bie. Mɛla kilehilevolɛ Ɛzela a lile ekpunli ɛhye ati a.

Nihɛmaya Buluku ne 2:12

Mendwazole nɔe ne na menvale menli ekyi bie menlile me nzi menvindele. Deɛ holɛ ko mɔɔ Nyamenle ɛva ɛwula me kɛ menyɛ memaa Gyɛlusalɛm la, meanga meangile bɛ. Yɛanva ayɛmoa biala yɛangɔ kɛ ayɛmoa ne mɔɔ mendɛnlanle zolɛ la ala.

Nihɛmaya Buluku ne 2:18

Menganle mengilele bɛ kɛ me Nyamenle ne li me nzi na menganle edwɛkɛ mɔɔ belemgbunli ne hanle hilele me la mengilele bɛ. Na bɛzele me kɛ, “Bɛmaa yɛdwazo yɛyɛ bane ne mɔ boɛ.” Na bɛboɔboale bɛ nwo kɛ bɛbɔ gyima ne abo.

Nihɛmaya Buluku ne 2:8

Eza maa bɛhɛlɛ kɛlata bɛhɔmaa Esafe mɔɔ sinza belemgbunli kpɔkɛmile ne la, amaa yeamaa me mbaka na meakpakyekpakye meayɛ mgbunla meaduodua aranemgbole ne mɔɔ zua Ɛzonlenlɛ Sua ne la nlenkɛ mgbole ne, bane ne nlenkɛ mgbole ne, yɛɛ sua ne mɔɔ mebadɛnla nuhua la nlenkɛ mgbole ne mɔ.” Belemgbunli ne yɛle mɔɔ membizale ye biala la manle me, ɔluakɛ ɛnee me Nyamenle ne nee me lua.

Nihɛmaya Buluku ne 4:15

Yɛ kpɔvolɛma ne dele kɛ yɛde bɛ adwenle ne mɔɔ bɛvale la anwo bie na Nyamenle ɛmaa bɛ kpɔkɛ mɔɔ bɛbɔle la ɛtulu. Akee yɛ kɔsɔɔti yɛziale yɛhɔzɔle yɛ gyima ne azo.

Nihɛmaya Buluku ne 8:1

Mɔɔ ɔkadwu ye siane nsuu ne azo la, ɛnee Yizilayɛma kɔsɔɔti akee abo ɛdila wɔ bɛ azua ne mɔ azo. Yemɔti siane zɔhane kenle ne mɔɔ lumua la, bɛ muala bɛrayiale Gyɛlusalɛm ɛleka kpatawienyi ne mɔɔ wɔ Nzule Anlenkɛ Kpole ne anyunlu la. Bɛzele sɛlɛvolɛ Ɛzela, mɔɔ eza le mɛla kilehilevolɛ la kɛ ɔva Mɛla Buluku ne mɔɔ Ɛdɛnkɛma luale Mosisi anwo zo vale manle Yizilayɛma la ɔrɛla.

Nihɛmaya Buluku ne 8:13

Ye kenle nwiɔ ne azo, mbusua mgbanyinli, sɛlɛvolɛma, yɛɛ Livaema bɔle nu hɔle sɛlɛvolɛ Ɛzela ɛkɛ ne kɛ bɛkazukoa mɛla ne.

Nihɛmaya Buluku ne 8:4

Ɛzela gyinlanle sɛlɛdwee bie mɔɔ ayia ne ati bɛva ndaboa bɛbo la azo a gengale Mɛla ne a. Matetaya, Hyima, Anaya, Yulaya, Helekaya yɛɛ Meeyasaya gyinlanle ɔ sa fema zo, yɛɛ Pɛdaya, Maehyeeyɛle, Malekaya, Hahyɛm, Hahyebadeena, Zɛkalaya, yɛɛ Mɛhyɛlam gyinlanle ye bɛne zo.

Nihɛmaya Buluku ne 8:9

Mɔɔ menli ne dele mɔɔ Mɛla ne se la, debie hwenle bɛ nu na bɛzunle. Na Sɛlɛvolɛ Nihɛmaya, mɔɔ le amɛnlado ne, nee mɛla kilehilevolɛ Ɛzela, nee Livaema mɔɔ hilehilele menli ne la zele bɛ kɛ, “Ɛnɛ kenle ye le nwuanzanwuanza maa Ɛdɛnkɛma bɛ Nyamenle ne. Bɛmmasu yɛɛ bɛmmadi nyane biala.”

Nihɛmaya Buluku ne 9:13

Ɛvi anwuma ɛdwule Boka Saenae azo, ɛdendɛle ɛhilele wɔ menli ne wɔ boka ne azo; ɛmanle bɛ nɔhalɛ mɛla nee ngyehyɛlɛ na ɛhilehilele bɛ kɛ bɛli zo.

Edwɛndolɛ Buluku ne 109:27

Maa bɛnwu ye kɛ wɔ tumi zo ɔ; na wɔmɔ, O Ɛdɛnkɛma yɛɛ wɔyɛ a.

Edwɛndolɛ Buluku ne 147:19

Ɔka ye edwɛkɛ ne ɔkile Gyekɔbo, ɔfa ye mɛla nee ye ngyehyɛlɛ ɔmaa Yizilayɛma.

Edwɛndolɛ Buluku ne 45:1

Adwenle kpalɛ ɛyi me ahonle nu tɛkɛɛ, meto edwɛne memaa belemgbunli ne; me tafinlima le kɛ kɛlɛvolɛ mɔɔ anwo yɛ ndɛ la pɛne.

Edwɛndolɛ Buluku ne 80:18

Yɛnrɛhakyi yɛ nzi yɛnrɛzi wɔ bieko; maa yɛ ngoane, na yɛkɛzonle wɔ.

Mrɛlɛbulɛ Buluku ne 3:6

Nwu Nyamenle wɔ wɔ ɛbɛlabɔlɛ muala anu, na ɔbamaa wɔ ndenle adenrɛ fɔɔnwo amaa wɔ.

Ayezaya Buluku ne 50:2

“Kɛmɔti ɛ, membale la ɛnee awie ɛnle ɛkɛ ɔ? Menvɛlɛle la, ɛnee awie ɛnle ɛkɛ mɔɔ die zo ɔ? Asoo me sa ɛyɛ ezinraa mɔɔ yemɔti mengola memkpɔne bɛ a? Anzɛɛ menlɛ tumi mɔɔ mefa medie bɛ ngoane ɔ? Bɛnlea, metendɛ a nyevile sesa; memaa azule ne mɔ kakyi ɛsɛlɛ, fɛlɛ mɔɔ wɔ nu la ɛnnyia nzule, nzuhɔne maa bɛwu na bɛbɔ.

Ayezaya Buluku ne 59:1

Bɛnlea, Ɛdɛnkɛma asa ɛtɛyɛle ezinraa mɔɔ ɔngola ɔnlie ngoane a, yɛɛ ɔ nzo ɛtɛtile, mɔɔ yemɔti ɔnde bɛ ɛzunlɛ a;

Gyɛlɛmaya Buluku ne 8:8

Kɛ bɛsi bɛkola bɛka kɛ, ‘Yɛze nrɛlɛbɛ, yɛɛ yɛze Ɛdɛnkɛma mɛla ne’ ɛ? Bɛnlea, mɛla kɛlɛhɛlɛvolɛma adalɛ ɛhakyi mɛla ne.

Edwɛkpa ne kɛmɔ Mateyu hɛlɛle la 13:52

Na ɔzele bɛ kɛ, “Zɔhane ati mɛla kilehilevolɛ biala mɔɔ bɛtete ye wɔ Anwuma Belemgbunlililɛ ne anwo la le kɛ awuke zo neavolɛ mɔɔ ye ninyɛne fofolɛ nee dɛba fi ye gya nu finde la.”

Edwɛkpa ne kɛmɔ Mateyu hɛlɛle la 23:2

“Mɛla kilehilevolɛma ne nee Falasiima ne mɔ a lɛ adenle kola kilehile Mosisi mɛla ne anu a.

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

1 Kɔl 1:20

Ɛnee akee nrɛlɛbɛvolɛma hale nienwu? Nienwu a mɛla kilehilevolɛma ne hale a? Anzɛɛ mekɛ ɛhye anu kpolerazulɛ benlerama ne mɔ hale nienwu? Asoo Nyamenle ɛtɛkilele kɛ ewiade anu nrɛlɛbɛ le debie mgbane?

1 Kɔl 15:1

Mediema, akee metwe bɛ adwenle meara Edwɛkpa ne mɔɔ membɔle ye nolo mengilele bɛ a bɛliele bɛdole nu na bɛ diedi gyi zo la azo.

Mɛla 28:1

“Saa bɛtie Ɛdɛnkɛma bɛ Nyamenle ne ane, bɛnea boɛ, bɛdi ye mɛla ne mɔ mɔɔ melɛfa meamaa bɛ ɛnɛ la azo a, Ɛdɛnkɛma bɛ Nyamenle ne bamaa bɛazie maanle maanle mɔɔ wɔ ewiade la amuala.

Mɛla 4:5

“Bɛnlea, mehilehile bɛ mɛla nee ngyehyɛlɛ ne mɔ, kɛmɔ Ɛdɛnkɛma me Nyamenle ne vale manle me la, amaa bɛayɛ ye zɔhane wɔ azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo.