Ɛzela Buluku ne 7:5 - BAEBOLO ANZƐƐ BULUKU NWUANZANWUANZA

⁵ Bɛkae ɔ ze a le Abaehyua, Abaehyua ɔ ze a le Fenɛhase, yɛɛ Fenɛhase ɔ ze a le Ɛlieza, Ɛlieza ɔ ze a le Sɛlɛvolɛma Kpanyinli Aalɔn.

Ɛzela Buluku ne 7:5 ပူးပေါင်းရင်းမြစ်များ

1 Edk 6:4

Ɛlieza abo zo amra, ɔvi awolɛndoazo kɔdwu awolɛndoazo la a le ɛhye: Fenɛhaze, Abaehyua,

2 Edk 19:11

Akee Sɛlɛvolɛ Kpanyinli Amalaya a banlea na yeagua Nyamenlezonlenlɛ nu kpolerazulɛ biala abo a, Yehyemeeyɛle ara Zɛbadaya, Dwuda amɛnlado ne yɛɛ banlea agua maanle ye anu edwɛkɛ biala abo a, yɛɛ Livaema ne mɔ banlea amaa edwɛkɛ biala mɔɔ bɛkɛha wɔ edwɛkɛlilɛ ɛleka ne mɔ la ayɛ zɔhane, kɛmɔ bɛhanle la. Bɛzi ahonle bɛyɛ gyima ne na Ɛdɛnkɛma baboa mɔɔ di nɔhalɛ la.”

2 Edk 26:20

Sɛlɛvolɛ Kpanyinli Azalaya nee sɛlɛvolɛma ne amuala nwunle kɛ kokobɛ ɛgua belemgbunli ne anwoma zo, na bɛvoanle ye bɛvile Ɛzonlenlɛ Sua ne anu. Belemgbunli mumua ne ɔdaye ɔnwunle kɛ Ɛdɛnkɛma ɛdea ye, yemɔti ɔvindele ndɛndɛ ne ala.

Ɛzela Buluku ne 7:4

Mɛlayo ɔ ze a le Zɛlahaya, Zɛlahaya ɔ ze a le Ɛzae, Ɛzae ɔ ze a le Bɛkae,

Ɛzela Buluku ne 7:6

Ɛzela le abɔlɔba mɔɔ ze Mɛla ne mɔɔ Ɛdɛnkɛma, Yizilayɛ Nyamenle ne vale manle Mosisi la kpole kpalɛ. Kɛmɔ ɛnee Ɛdɛnkɛma ye Nyamenle ne anye wɔ ɔ nwo zo la ati, belemgbunli ne vale debie biala mɔɔ ɔbizale la ɔmanle ye. Mɔɔ Belemgbunli Atazɛzɛse lile ɛvolɛ nsuu wɔ Pɛhyea ebia ne azo la, Ɛzela nee Yizilayɛma bie mɔ mɔɔ le sɛlɛvolɛma, Livaema, edwɛndolɛma, nee Ɛzonlenlɛ Sua nu sonvolɛma la zile nu vi Babelonia rale Gyɛlusalɛm.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:25

Aalɔn ara nrenya Ɛlieza gyale Puteɛle ara raalɛ na ɔwole Fenɛhaze. Ɛhye mɔ a le Livae abusua ekpunli ne anu mbusua mgbanyinli a.

Sɛlɛ 10:12

Mosisi zele Aalɔn nee ɔ mra mrenya nwiɔ ne mɔɔ ɛha la, Ɛlieza nee Yetamaa kɛ, “Bɛva ma azubɔdeɛ ne mɔɔ bɛyelale bɛbɔle azu bɛmanle Ɛdɛnkɛma la abo ne mɔɔ ɛha la, bɛmmafa mgbɔvonle bɛwula nu, na bɛli wɔ azukponle ne anwo ɛkɛ, ɔluakɛ ɔle nwuanzanwuanza kpalɛ kpalɛ.

Sɛlɛ 10:16

Akee Mosisi bizebizale abɔnkye ne mɔɔ bɛvale bɛyɛle ɛtane azubɔdeɛ ne la anwo edwɛkɛ kpalɛ, na ɔnwunle kɛ bɛyelale ye. Ɔvale Aalɔn amra mrenya ne mɔ mɔɔ ɛha la, Ɛlieza nee Yetamaa anwo ɛya na ɔbizale bɛ kɛ,

Sɛlɛ 10:6

Na Mosisi zele Aalɔn nee ɔ mra mrenya Ɛlieza nee Yetamaa kɛ, “Bɛmmamaa bɛ ti enrinli kendɛhenda nwolɛ yɛɛ bɛmmasuosua bɛ adɛladeɛ nu bɛkile kɛ bɛlɛdi nyane, anrɛɛ bɛkɛwu, na bɛkɛmaa bɛkɛva menli mɔɔ ɛrayia ɛke la amuala anwo ɛya. Noko bɛ mediema Yizilayɛma amuala kola su bɛ wɔ senle ɛhye mɔɔ Ɛdɛnkɛma ɛva ɛyela bɛ la ati.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:2

Bɛhɔle Mosisi, Sɛlɛvolɛ Ɛlieza, mgbanyima ne mɔ, yɛɛ menli ne kɔsɔɔti anyunlu wɔ Ɛdɛnkɛma Ndanlɛ Sua ne anlenkɛ ne anloa bɛhɔhanle kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:32

Sɛlɛvolɛ Aalɔn ara nrenya Ɛlieza a le Livae mgbanyima ne mɔ anwo zo kpanyinli na eza ɔnea menli mɔɔ yɛ gyima wɔ Ɛleka Nwuanzanwuanza ne la anwo zo a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:31

Mosisi nee Sɛlɛvolɛ Ɛlieza yɛle mɔɔ Ɛdɛnkɛma zele Mosisi la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:54

Yemɔti Mosisi nee Sɛlɛvolɛ Ɛlieza liele ɛlɔnema mgbanyima ne mɔ ezukoa nvutuke azubɔdeɛ ne mɔ hɔle Ɛdɛnkɛma Ndanlɛ Sua ne anu, amaa yeava yeahakye Yizilayɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:6

Na Mosisi manle Sɛlɛvolɛ Ɛlieza ara Fenɛhaze lile bɛ ti, na ɔsesale ninyɛne mɔɔ wɔ ɛleka nwuanzanwuanza ne la nee aweɛne ndendenle ne mɔ mɔɔ bɛbɔ bɛfɛlɛ ɛlɔnema ne la na ɔ nee bɛ hɔle.

Kɛlata mɔɔ bɛhɛlɛle bɛhɔmanle Hibuluma la 5:4

Awie ko ɔdaye ɔngola ɔnyɛ ɔ nwo sɛlɛvolɛ kpanyinli. Bɛdua Nyamenle ɛvɛlɛlɛ zo a bɛyɛ sonla sɛlɛvolɛ kpanyinli a, kɛmɔ bɛyɛle Aalɔn la.

Dwɔhyua Buluku ne 14:1

Akee kɛ bɛzile bɛhyɛle Keena azɛlɛ ne mɔɔ wɔ Dwɔdan Adɔleɛ bɛmanle Yizilayɛma la ɛne. Sɛlɛvolɛ Ɛlieza nee Nɛn ara Dwɔhyua yɛɛ Yizilayɛ mbusua ekpunli ekpunli ne anu mgbanyima mɔɔ gyigyi bɛ ti la a hyɛle azɛlɛ ne manle Yizilayɛma a.

Dwɔhyua Buluku ne 22:13

Yizilayɛma zoanle sɛlɛvolɛ Ɛlieza ara Fenɛhaze wɔ Wulubɛn, Gaade, yɛɛ Manasɛ Aduduleɛ mbusua ne mɔ anwo ɛkɛ wɔ Geleade.

Dwɔhyua Buluku ne 22:31

Fenɛhaze zele bɛ kɛ, “Kɛkala, yɛnwu kɛ Ɛdɛnkɛma nee yɛ a lua a. Bɛtɛkpole ye, bɛlie Yizilayɛma ngoane, bɛammaa Ɛdɛnkɛma andea yɛ.”

Dwɔhyua Buluku ne 24:33

Aalɔn ara Ɛlieza wule na bɛziele ye wɔ Gebɛya. Gebɛya le sua wɔ Yifelaem maanzinli nu awoka ne mɔ azo. Ɛkɛ ne azɛlɛ ne, bɛvale bɛmanle ɔ ra Fenɛhaze.