Ɛzela Buluku ne 7:28 - BAEBOLO ANZƐƐ BULUKU NWUANZANWUANZA

²⁸ Ɔlua Nyamenle ɛlolɛ zo, menyia me nyunlu wɔ belemgbunli nee ye mgbanyima mɔɔ tu ye folɛ la, yɛɛ ye mbɔlɔba mgbole ne mɔ anyunlu. Ɛdɛnkɛma me Nyamenle ne ɛmaa me anwosesebɛ, na ɔlua zolɛ medame noko menzile ahonle na memboɔboale Yizilayɛ mbusua mgbanyinli ne bie mɔ anloa na me nee bɛ ziale rale.”

Ɛzela Buluku ne 7:28 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:28

Nrenya ne zele kɛ, “Bɛnrɛvɛlɛ wɔ Gyekɔbo bieko, bɛbavɛlɛ wɔ Yizilayɛ ɔluakɛ ɛ nee Nyamenle nee menli ɛpele, na wɔli konim.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:14

Nyamenle Bedevinli ne ɛmaa nrenya ne ɛnwu bɛ anwunvɔne na ɔmaa bɛ nee bɛ diema ko ne nee Bɛngyaman ɛzia ɛrɛla. Saa me mra ne mɔ fi me sa ala a, ɛnee mewie ala ɛne.”

Ɛzela Buluku ne 5:5

Na ɛnee Nyamenle anye wɔ Dwuu mgbanyima ne mɔ anwo zo la ati, bɛandua bɛ kɛ bɛmmasi sua ne. Bɛvale nwolɛ edwɛkɛ bɛhɔmanle Belemgbunli Dalayɛse na bɛyɛle kɛ bɛkendɛ bɛadie nwolɛ mualɛ kolaa na bɛkɛyɛ debie a bɛayɛ.

Ɛzela Buluku ne 7:14

Belemgbunli nee ye mgbanyima nsuu ne mɔɔ tu ye folɛ la yɛɛ ɛzoa wɔ kɛ ɛhɔ Dwuda nee Gyɛlusalɛm ɛhɔnleɛnlea menli ne ɛbɛlabɔlɛ nu kɛ bɛlɛdi Nyamenle, wɔ Nyamenle ne Mɛla ne mɔɔ ɛlɛ la azo a.

Ɛzela Buluku ne 7:6

Ɛzela le abɔlɔba mɔɔ ze Mɛla ne mɔɔ Ɛdɛnkɛma, Yizilayɛ Nyamenle ne vale manle Mosisi la kpole kpalɛ. Kɛmɔ ɛnee Ɛdɛnkɛma ye Nyamenle ne anye wɔ ɔ nwo zo la ati, belemgbunli ne vale debie biala mɔɔ ɔbizale la ɔmanle ye. Mɔɔ Belemgbunli Atazɛzɛse lile ɛvolɛ nsuu wɔ Pɛhyea ebia ne azo la, Ɛzela nee Yizilayɛma bie mɔ mɔɔ le sɛlɛvolɛma, Livaema, edwɛndolɛma, nee Ɛzonlenlɛ Sua nu sonvolɛma la zile nu vi Babelonia rale Gyɛlusalɛm.

Ɛzela Buluku ne 8:1

Mbusua mgbanyinli mɔɔ ɛnee wɔ nlɔnu wɔ Babelonia mɔɔ nee me ziale rale Gyɛlusalɛm wɔ Belemgbunli Atazɛzɛse mekɛ zo la aluma ɛne:

Ɛzela Buluku ne 8:15

Memboɔboale menli ne amuala anloa wɔ azule ne mɔɔ bɛdukue ye na ɔse ɔkɔ Aheeva sua zo la anloa, na yɛdɛnlanle ɛkɛ ne kenle nsa. Meneɛnleanle menli ne mɔ nee sɛlɛvolɛma ne mɔ anu la, menwunle kɛ Livaenli biala ɛnle nu.

Ɛzela Buluku ne 8:18

Na ɔlua Nyamenle ɛlolɛ zo, bɛvale Hyɛlibaya, mɔɔ le Livae ara Malae abusua nu amra ne bie, mɔɔ lɛ adwenle na ɔle Yizilayɛnli tɛnyetɛnye la, yɛɛ ɔ mra nee ɔ mediema ne mɔ bɛrɛlɛle yɛ, bɛlua bulu nee mɔtwɛ.

Ɛzela Buluku ne 9:9

Mɔɔ ɛnee yɛle ahanra la, yɛ Nyamenle ne arɛle amkpa yɛ nwo zo. Wɔmaa wɔ ɛhulolɛ ɛdenrɛ yɛ nwo zo wɔ Pɛhyea Maanle Maanle arelemgbunli anyunlu. Ɔlua zolɛ bɛbɔ yɛ ɛwɔkɛ na bɛmaa yɛ anwosesebɛ kɛ yɛzi yɛ Nyamenle ne Ɛzonlenlɛ Sua ne mɔɔ ɛbubu la, na yɛyɛ ye boɛ, na wɔazinza yɛ wɔ Dwuda nee Gyɛlusalɛm amuala.

Nihɛmaya Buluku ne 1:11

O Awulae, gyele ɛ nzo tie wɔ sonvolɛ ye nzɛlɛlɛ, na tie wɔ sonvolɛma mɔɔ lɛ wɔ duma ne anwo ɛzulolɛ la nzɛlɛlɛ; maa saleɛ ɛdoa wɔ sonvolɛ na maa maanle maanle belemgbunli ne ɛnwu ye anwunvɔne ɛnɛ.” Mekɛ ne anu ɛnee mame a mesu belemgbunli ne nza a.

Nihɛmaya Buluku ne 2:8

Eza maa bɛhɛlɛ kɛlata bɛhɔmaa Esafe mɔɔ sinza belemgbunli kpɔkɛmile ne la, amaa yeamaa me mbaka na meakpakyekpakye meayɛ mgbunla meaduodua aranemgbole ne mɔɔ zua Ɛzonlenlɛ Sua ne la nlenkɛ mgbole ne, bane ne nlenkɛ mgbole ne, yɛɛ sua ne mɔɔ mebadɛnla nuhua la nlenkɛ mgbole ne mɔ.” Belemgbunli ne yɛle mɔɔ membizale ye biala la manle me, ɔluakɛ ɛnee me Nyamenle ne nee me lua.

Edwɛndolɛ Buluku ne 109:12

Mmamaa awie biala se ye anwunvɔne, anzɛɛ nwu ɔ mra nrisa ne mɔ anwunvɔne.

Dwona Buluku ne 3:7

Akee ɔmanle bɛbɔle nolo wɔ suakpole ne azo kɛ, “Kɛ Nenɛvɛ belemgbunli nee ye mgbanyima se la ɛne: awie biala mɔɔ wɔ suakpole ye azo la mmadi debie yɛɛ ɔmmano nzule. Akee bɛmmamaa nlankɛ yɛɛ mboane anzɛɛ nyɛmoa biala fa bɛ nloa ka debie biala.