Ɛzela Buluku ne 7:27 - BAEBOLO ANZƐƐ BULUKU NWUANZANWUANZA

²⁷ Na Ɛzela zele kɛ, “Ayɛlɛyelɛ ɛha Ɛdɛnkɛma, yɛ nlenya mɔ Nyamenle ne. Yemaa Maanle Maanle Belemgbunli ne ahonle kpalɛ kɛ ɔli Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm la eni wɔ adenle zɛhae anu.

Ɛzela Buluku ne 7:27 ပူးပေါင်းရင်းမြစ်များ

2 Edk 31:8

Belemgbunli Hɛzikaya nee ye mgbanyima ne mɔ ranwunle ninyɛne mɔɔ bɛ nee bɛ ɛra la somaa la, bɛyele Ɛdɛnkɛma ayɛlɛ na bɛyele ye menli Yizilayɛma noko ayɛlɛ.

Ɛzela Buluku ne 6:22

Bɛvale fɛlɛkolilɛ bɛlile Angye Ɛvoyia ne toonwo kenle nsuu. Bɛ nye liele, ɔluakɛ Ɛdɛnkɛma ɛmaa Aselea belemgbunli ne ɛhakyi ye nyɛleɛ na yeboa bɛ yemaa bɛzi Yizilayɛ Nyamenle ne Ɛzonlenlɛ Sua ne.

Nihɛmaya Buluku ne 2:12

Mendwazole nɔe ne na menvale menli ekyi bie menlile me nzi menvindele. Deɛ holɛ ko mɔɔ Nyamenle ɛva ɛwula me kɛ menyɛ memaa Gyɛlusalɛm la, meanga meangile bɛ. Yɛanva ayɛmoa biala yɛangɔ kɛ ayɛmoa ne mɔɔ mendɛnlanle zolɛ la ala.

Nihɛmaya Buluku ne 2:8

Eza maa bɛhɛlɛ kɛlata bɛhɔmaa Esafe mɔɔ sinza belemgbunli kpɔkɛmile ne la, amaa yeamaa me mbaka na meakpakyekpakye meayɛ mgbunla meaduodua aranemgbole ne mɔɔ zua Ɛzonlenlɛ Sua ne la nlenkɛ mgbole ne, bane ne nlenkɛ mgbole ne, yɛɛ sua ne mɔɔ mebadɛnla nuhua la nlenkɛ mgbole ne mɔ.” Belemgbunli ne yɛle mɔɔ membizale ye biala la manle me, ɔluakɛ ɛnee me Nyamenle ne nee me lua.

Nihɛmaya Buluku ne 7:5

Nyamenle manle me adwenle na menvɛlɛle menli ne nee bɛ mgbanyima nee mbɔlɔba ne mɔ nee menli mɔɔ ɔwɔ kɛ bɛkɛlɛhɛlɛ bɛ aluma wɔ bɛ mbusua ekpunli ekpunli aluma mbuluku ne mɔ anu la, na memanle bɛyiale kɛ bɛnleɛnlea bɛ aluma ne mɔ, kɛmɔ bɛhɛlɛle bɛ wɔ bɛ mbusua ekpunli ekpunli ne mɔ mbuluku ne mɔ anu la. Na menwunle mbusua mɔɔ lumuale vile akɛlɛzonlenlɛ nu rale la, na bɛmɛ ɛne:

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:9

Mosisi hanle hilele belemgbunli ne kɛ, “Si ahonle, kile mekɛ mɔɔ menzɛlɛ memaa wɔ nee wɔ mgbanyima nee wɔ menli ne, amaa bɛaye ahɛlɛne ne mɔ bɛavi bɛ nee bɛ azua nu na yeaha Azule Naele ne anu ɛdeɛ ne mɔ ala la.”

Mrɛlɛbulɛ Buluku ne 21:1

Belemgbunli biala adwenle le kɛ azudenle wɔ Ɛdɛnkɛma asa anu; ɛleka mɔɔ ɔkulo la yɛɛ ɔmaa ɔse ɔdua a.

Ayezaya Buluku ne 60:13

“Lɛbanɔn anyunlunyia ne bara wɔ ɛkɛ ne, Sepelɛse nee paanye mbaka nee mbaka ɛsesebɛ, Yɛɛ bɛbava bɛaziezie me Ɛzonlenlɛ Sua ne anu a; Mebamaa ɛleka mɔɔ metɛnla la ayɛ kɛnlɛma.

Edwɛkpa ne kɛmɔ Luku hɛlɛle la 7:5

Ɔkulo yɛ menli ne edwɛkɛ yɛɛ ɔdaye a ɔzile nyianu sua ne ɔmanle yɛ a.”

2 Kɔl 8:16

Yɛyɛ Nyamenle mo somaa kɛ yemaa Taetɛse noko ɛnyia ɛhulolɛ kɛ yɛdayɛ la, kɛ ɔba yearaboa bɛ a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:10

Medi fɛlɛko kpole wɔ Awulae ati kɛ mekɛ tendenle ye anzi, eza bɛnyia adenle bɛlɛkile kɛ bɛdwenle me nwo a. Menga kɛ bɛgyakyi me nwo ɛdwenlenlɛ, na ɛnee bɛnnyia adenle.

Kɛlata mɔɔ bɛhɛlɛle bɛhɔmanle Hibuluma la 10:16

“Awulae se, Saa kenle zɔhane pɛ nu a ngyekyeleɛ mɔɔ me nee bɛ bakyekye la ɛne: Mebava me mɛla meawula bɛ ahonle nu, na meahɛlɛ ye wɔ bɛ adwenle nu.”

Kɛlata mɔɔ bɛhɛlɛle bɛhɔmanle Hibuluma la 8:10

Akee ngyekyeleɛ fofolɛ mɔɔ me nee Yizilayɛma bakyekye wɔ mekɛ mɔɔ bara la ɛne: Mebava me mɛla meawula bɛ adwenle nu, na meahɛlɛ ye bɛ ahonle zo. Mebayɛ bɛ Nyamenle, na bɛayɛ me menli.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

Yekile 17:17

Ɔluakɛ Nyamenle ɛva ye gyimayɛlɛ nwo adwenle ɛwula bɛ ahonle nu, amaa bɛabɔ nu bɛayɛ ko, wɔ bɛ nyɛleɛ nu na bɛava bɛ tumi ne bɛamaa nane ne ali belemgbunli ahɔkpula mekɛ mɔɔ Nyamenle Edwɛkɛ ne kɛyɛ zɔhane la.