Ɛzela Buluku ne 7:25 - BAEBOLO ANZƐƐ BULUKU NWUANZANWUANZA

²⁵ “Na wɔmɔ Ɛzela, dua Nyamenle nrɛlɛbɛ ne mɔɔ yeva yemaa wɔ la azo ye menli mɔɔ ze wɔ Nyamenle ne Mɛla ne la, yɛ bɛ edwɛkɛdivolɛma nee ndɛnebuavolɛma maa bɛnlea bɛmaa pɛlepɛle ɛrɛla menli mɔɔ wɔ Yufileti Adɔleɛ la avinli. Na kilehile bɛdabɛ mɔɔ bɛnze mɛla ne la amuala.

Ɛzela Buluku ne 7:25 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:38

Na ɔzele ye mgbanyima ne mɔ kɛ, “Bɛnea a awie bie wɔ ɛkɛ tɛla ɛhye mɔɔ Nyamenle Sunsum ne wɔ ye nu la ɔ?”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:39

Yemɔti belemgbunli ne zele Dwosefi kɛ, “Kɛmɔ Nyamenle ɛye ɛhye mɔ amuala ɛhile wɔ la, awie ɛnle ɛkɛ mɔɔ anye gyi ɔ ti anwo na ɔze nrɛlɛbɛ kɛ ɛdawɔ la.

1 Arl 3:28

Yizilayɛma dele ndɛne ne mɔɔ Belemgbunli Sɔlɔmɔn buale la, bɛ muala bɛlile ye eni. Bɛnwunle kɛ Nyamenle ɛmaa ye nrɛlɛbɛ mɔɔ ɔbava yeabu maanle ne a.

2 Arl 17:27

Na belemgbunli ne zele kɛ, “Bɛmaa sɛlɛvolɛma ne mɔ mɔɔ yɛhyele bɛ yɛ nee bɛ rale la anu ko ɛhɔ ɛhɔdɛnla lɔ na ɔhilehile bɛ azɛlɛ ne azo nyamenle ne mɛla ne mɔ.”

1 Edk 22:12

Ɔdaye Ɛdɛnkɛma ɔmaa wɔ nrɛlɛbɛ nee ndelebɛbo, amaa saa ɔfa Yizilayɛ maanle ne ɔwula ɛ sa nu a wɔali Ɛdɛnkɛma wɔ Nyamenle ne mɛla zo.

1 Edk 23:4

Belemgbunli ne yele nuhua apenle ngoko abulanwiɔ nee nna kɛ bɛnlea Ɛzonlenlɛ Sua ne gyima ne azo, nuhua apenle nsia ɛyɛ ndɛnebuavolɛma nee kɛlɛhɛlɛvolɛma,

Ɛzela Buluku ne 10:4

Dwazo na gyima ne le wɔ gyima. Yɛgyi ɛ nzi, yemɔti si wɔ ahonle yɛ.”

Ɛzela Buluku ne 6:6

Na Belemgbunli Dalayɛse vale mualɛ ɛhye hɔmanle bɛ. Ɔse, “Melɛ mekamaa Yufileti Adɔleɛ Amɛnlado Tatenae, nee Hyita Bɔzenae, nee bɛdabɛ arane mbɔlɔba kɔsɔɔti mɔɔ wɔ maanzinli ne anu la. Bɛhwe bɛ nwo bɛvi Ɛzonlenlɛ Sua ne ɛzilɛ nwo.

Ɛzela Buluku ne 7:10

Ɛzela ɛnee ɛdu ɔ nwo ɛmaa na yeva ye mekɛ kɔsɔɔti yezukoa Ɛdɛnkɛma Mɛla ne mɔɔ yeva yemaa Yizilayɛma la kpalɛ, na yevua kɛ ɔdi zolɛ na yeahilehile Yizilayɛma noko.

Ɛzela Buluku ne 7:14

Belemgbunli nee ye mgbanyima nsuu ne mɔɔ tu ye folɛ la yɛɛ ɛzoa wɔ kɛ ɛhɔ Dwuda nee Gyɛlusalɛm ɛhɔnleɛnlea menli ne ɛbɛlabɔlɛ nu kɛ bɛlɛdi Nyamenle, wɔ Nyamenle ne Mɛla ne mɔɔ ɛlɛ la azo a.

Nihɛmaya Buluku ne 9:3

Bɛgyinlanle nzisi bɛgengale Ɛdɛnkɛma bɛ Nyamenle ne Mɛla ne bɛhilele bɛ kɛyɛ dɔnehwele nsa. Bɛvale dɔnehwele nsa noko bɛhanle bɛ ɛtane ne mɔ na bɛyeyɛle Ɛdɛnkɛma bɛ Nyamenle ne.

Edwɛndolɛ Buluku ne 19:7

Ɛdɛnkɛma mɛla ne di munli, ɔmaa ɛkɛla ne anwo kpundi ye; Ɛdɛnkɛma ngyehyɛlɛ ne le kpundii, ɔmaa mɔɔ ɛnze nrɛlɛbɛ la nwu nrɛlɛbɛ.

Mrɛlɛbulɛ Buluku ne 2:6

ɔluakɛ Ɛdɛnkɛma maa nrɛlɛbɛ; ɔdaye yɛɛ ɔmaa adwenle nee ndelebɛbo a.

Mrɛlɛbulɛ Buluku ne 6:23

ɔluakɛ mɛla ne le kɛnlaneɛ, ngilehilelɛ ne le wienyi, yɛɛ ahwibɛnyunlu ne kile ɛbɛlabɔlɛ adenle.

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Edwɛkpa ne kɛmɔ Mateyu hɛlɛle la 13:52

Na ɔzele bɛ kɛ, “Zɔhane ati mɛla kilehilevolɛ biala mɔɔ bɛtete ye wɔ Anwuma Belemgbunlililɛ ne anwo la le kɛ awuke zo neavolɛ mɔɔ ye ninyɛne fofolɛ nee dɛba fi ye gya nu finde la.”

Edwɛkpa ne kɛmɔ Maake hɛlɛle la 6:34

Gyisɛse vi ɛlɛne ne anu dwule aze la, ɔnwunle menli dɔɔnwo ne na ɔ kunlu yelɛyelale ye kpole, ɔluakɛ bɛle kɛ mboane mɔɔ ɛnlɛ neavolɛ la. Zɔhane ati ɔbɔle ɔ bo ɔhilehilele bɛ ninyɛne dɔɔnwo.

Mɛla 16:18

“Bɛye ndɛnebuavolɛma na bɛdu maanle mgbanyima wɔ bɛ azua ne mɔ mɔɔ Ɛdɛnkɛma bɛ Nyamenle ne kɛva kɛmaa bɛ la azo, kɛmɔ bɛ mbusua ekpunli ekpunli ne mɔ de la. Ɔwɔ kɛ menli ɛhye mɔ nea di menli ne mɔ edwɛkɛ wɔ pɛlepɛle adenle zo; ɔnle kɛ bɛnea sonla nyunlu.

Kɔlɔ 1:28

Yemɔti yɛbɔ Kelaese ɛhye anwo nolo yɛkile awie biala, yɛkilehile bɛ na yɛbɔ bɛ kɔkɔ nrɛlɛbɛ nu, amaa yɛava ko biala yɛara Nyamenle anyunlu kɛ sonla mɔɔ di munli, na ɔ nee Kelaese a lua a.

Gyemise Kɛlata ne 1:5

Saa bɛ nuhua bie hyia nrɛlɛbɛ a, ɔzɛlɛ Nyamenle na ɔkɛva ɔkɛmaa ye; ɔboalekɛ Nyamenle ati akunlu le kɛnlɛma na ɔyila bɛdabɛ mɔɔ bɛbiza ye debie la.