Ɛzela Buluku ne 7:23 - BAEBOLO ANZƐƐ BULUKU NWUANZANWUANZA

²³ Debie biala mɔɔ Anwuma Nyamenle ne kɛhile kɛ bɛyɛ wɔ Ɛzonlenlɛ Sua ne anwo la, bɛnlea bɛmaa bɛyɛ, amaa Nyamenle anva me nee me bo zo amra mɔɔ bali belemgbunli la anwo ɛya.

Ɛzela Buluku ne 7:23 ပူးပေါင်းရင်းမြစ်များ

Ɛzela Buluku ne 7:13

“Kɛkala, meyɛ ye mɛla kɛ Yizilayɛnli biala mɔɔ wɔ me maanle ye anu la, sɛlɛvolɛma anzɛɛ Livaema, mɔɔ kulo kɛ ɔsia ɔkɔ Gyɛlusalɛm la nee wɔ ɛhɔ.

Ɛzela Buluku ne 7:18

Bɛyɛ ɛhye bɛwie a, akee ɛ nee ɛ mediema Dwuuma ne mɔ bɛyɛ mɔɔ bɛdabɛ bɛnea a ɔle kpalɛ la, kɛmɔ bɛ Nyamenle ne ɛhulolɛdeɛ de la.

Ɛzela Buluku ne 7:22

Bɛmaa ye bolɛ ɛdwu dwɛtɛ fufule mɔɔ ye ɛnlomboɛ to tone nu kilo apenle nsa, ɛya nna la, abɛlɛ mɔɔ ɛsuzu a ɔto kilo apenle bulu, nwanye litili apenle nwiɔ, nwole litili apenle nwiɔ, yɛɛ ngyenle dɔɔnwo biala mɔɔ bɛkɛhyia nwolɛ la.

Edwɛndolɛ Buluku ne 119:4

Wɔva wɔ mɛla ne mɔ wɔmaa yɛ kɛ yɛli zolɛ kpalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:3

Mosisi nee Aalɔn buale kɛ, “Hibuluma Nyamenle ne nee yɛ ɛyɛ nyianu; yɛsɛlɛ wɔ, maa yɛ adenle maa yɛdia kenle nsa adenle yɛhɔ fienemgbole ne anu yɛhɔbɔ azu yɛmaa Ɛdɛnkɛma yɛ Nyamenle ne, anrɛɛ ɔkɛde ewule ɔkɛkponde yɛ nwo ɔkɛhu yɛ anzɛɛ ɔkɛhwe yɛ nwo dadeɛ.”

Gyɛlɛmaya Buluku ne 29:7

Bɛkpondɛ suakpole ne mɔɔ memaa bɛhɔ zolɛ nlɔnu la boɛyɛlɛ na bɛzɛlɛ Ɛdɛnkɛma moalɛ bɛmaa ye, amaa bɛdabɛ noko kpalɛ adoa bɛ.

Zɛkalaya Buluku ne 12:3

Mekɛ ne anu, mebamaa Gyɛlusalɛm ayɛ kɛ bolɛ ɛnlomboɛ yeamaa maanle maanle ne mɔ. Bɛdabɛ mɔɔ bɛkɛbɔ ɛhɔne kɛ bɛmaa ye zo la babodɛboda. Azɛlɛ ye azo maanle maanle kɔsɔɔti baboɔboa bɛ nloa atia ye.