Ɛzela Buluku ne 7:16 - BAEBOLO ANZƐƐ BULUKU NWUANZANWUANZA

¹⁶ Akee fa ezukoa nvutuke nee dwɛtɛ fufule biala mɔɔ ɛkɛnyia ye wɔ Babelonia nee azubɔdeɛ biala mɔɔ Yizilayɛma nee bɛ sɛlɛvolɛma ne ɛbɔ bɛ Nyamenle ne mɔɔ wɔ Gyɛlusalɛm la Ɛzonlenlɛ Sua ne ati ɛyeye bɛ ahonle nu ɛva ɛmaa la amuala kɔ.

Ɛzela Buluku ne 7:16 ပူးပေါင်းရင်းမြစ်များ

1 Edk 29:17

Meze kɛ ɛsɔ awie biala ɛnea na ɛ nye die mɔɔ di nɔhalɛ la anwo. Meyeye me ahonle nu, nɔhalɛ nu yɛɛ meva ɛhye mɔ amuala memaa wɔ a, yɛɛ menwu kɛ me menli ye ɛzi ɛva fɛlɛkolilɛ nee anyelielɛ ɛva ninyɛne ɛrabɔ azu ɛmaa wɔ a.

1 Edk 29:6

Na mbusua mgbanyinli ne mɔ, awuke nu mgbanyinli, safohyenlema, nee bɛdabɛ mɔɔ bɛbu belemgbunli sua nu amaamuo ne la vale anyelielɛ

1 Edk 29:9

Menli ne yeyele bɛ ahonle nu vale ninyɛne ne manle Ɛdɛnkɛma na bɛ nye liele kɛ bɛhola bɛyeye ninyɛne dɔɔnwo zɛhae a. Belemgbunli Devidi ɔdaye noko ɔ nye liele kpole kpalɛ.

2 Edk 31:14

Livaenli Yemena mɔɔ sinza Aduduleɛ Anlenkɛ Kpole ne la ara Kɔli a nea azubɔlɛ ninyɛne ne mɔ mɔɔ bɛyeyele bɛ ahonle nu bɛvale bɛrɛlɛle Nyamenle la azo a, na ɔnea ɔfa mɔɔ bɛva bɛzie ahane bɛmaa Ɛdɛnkɛma la ɔsie, na ɔfa mɔɔ bɛfa bɛabɔ azu nwuanzanwuanza la ɔmaa.

2 Edk 6:2

Kɛkala, mezi Ɛzonlenlɛ Sua kpole ɛhye memaa wɔ kɛ ɛleka mɔɔ ɛbadɛnla dahuu a.”

2 Edk 6:5

‘Sumunli kɛ menyele me menli ne menvile Yigyibiti azɛlɛ zo la, metɛneanle Yizilayɛ mbusua ekpunli ekpunli ne mɔ anu metɛtule suakpole ko metɛmanle me nwo kɛ bɛzi sua wɔ ɛkɛ ne na me duma ɛla zolɛ, eza metɛneanle nu metɛtule awie ko kɛ ɔli belemgbunli ɔnlea me menli Yizilayɛma anwo zo.

2 Edk 6:6

Noko kɛkala, menlea nu meye Gyɛlusalɛm kɛ ɛkɛ ne yɛɛ bɛzonle me a, yɛɛ meye Devidi kɛ ɔli belemgbunli ɔzie me menli Yizilayɛma.’ ”

Ɛzela Buluku ne 1:4

Menli kɔsɔɔti mɔɔ wɔ ɛleka mɔɔ Nyamenle menli ne bie mɔ tɛbɔ la ɛmaa bɛ moalɛ biala mɔɔ fɛta la: dwɛtɛ fufule, ezukoa nvutuke, ninyɛne nee nyɛmoa, nee ahunlundwolɛ ahyɛlɛ ninyɛne mɔɔ bɛfa bɛahɔbɔ azu wɔ Nyamenle Ɛzonlenlɛ Sua ne mɔɔ wɔ Gyɛlusalɛm la anu la.”

Ɛzela Buluku ne 1:6

Bɛ gɔnwo mɔ amuala boale bɛ. Bɛmanle bɛ ahyɛnze mɔɔ bɛva dwɛtɛ fufule nee ezukoa nvutuke bɛyɛ la, nane mɔɔ soa ninyɛne, aleɛ, yɛɛ ninyɛne mɔɔ sonle bolɛ, yɛɛ akee ahunlundwolɛ ahyɛlɛ ninyɛne mɔɔ bɛfa bɛahɔbɔ azu la.

Edwɛndolɛ Buluku ne 135:21

Ayɛlɛyelɛ vi Zayɔn ɛha Ɛdɛnkɛma, yemɔ mɔɔ ɔde Gyɛlusalɛm la. Bɛye Ɛdɛnkɛma ayɛlɛ.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

2 Kɔl 9:7

Awie biala ɛva mɔɔ yezuzu nwo wɔ ye ahonle nu la ɛmaa. Ɔmmatwenlehwenle ɔ bo aze anzɛɛ ɔyɛ ye kɛ asɛɛ yemia la ati ɔ, ɔluakɛ Nyamenle kulo sonla mɔɔ te ɔ nyunlu kyɛ debie la.