Ɛzela Buluku ne 7:14 - BAEBOLO ANZƐƐ BULUKU NWUANZANWUANZA

¹⁴ Belemgbunli nee ye mgbanyima nsuu ne mɔɔ tu ye folɛ la yɛɛ ɛzoa wɔ kɛ ɛhɔ Dwuda nee Gyɛlusalɛm ɛhɔnleɛnlea menli ne ɛbɛlabɔlɛ nu kɛ bɛlɛdi Nyamenle, wɔ Nyamenle ne Mɛla ne mɔɔ ɛlɛ la azo a.

Ɛzela Buluku ne 7:14 ပူးပေါင်းရင်းမြစ်များ

Ɛzela Buluku ne 1:3

Nyamenle nee ye menli ne mɔ mɔɔ wɔ yɛ avinli la ɛdɛnla. Bɛmaa bɛ adenle bɛmaa bɛhɔ Gyɛlusalɛm mɔɔ wɔ Dwuda la na bɛhɔzi Ɛdɛnkɛma, Yizilayɛ Nyamenle ne, Nyamenle ne mɔɔ bɛsonle ye wɔ Gyɛlusalɛm la Ɛzonlenlɛ Sua ne bieko.

Ɛzela Buluku ne 5:8

“Yɛmaa belemgbunli ade kɛ yɛhɔle Dwuda maanzinli nu na yɛhɔnwunle kɛ bɛlɛsi Nyamenle bedevinli ne Ɛzonlenlɛ Sua ne bieko. Menli ne mɔ lɛ awolɛ mgbole a ɛlɛsi a na bɛfa mbaka mgbole bɛwulowula ye bane ne mɔ anu. Menli ne lɛ nrɛlɛbɛ nee adwenle, bɛdo bɛ rɛle aze yɛɛ bɛlɛsi sua ne a, na ɔlɛkɔ zolɛ kpalɛ.

Ɛzela Buluku ne 6:12

Yɛsɛlɛ kɛ Nyamenle mɔɔ ɔdaye yehyehyɛ kɛ ye duma ɛdɛnla ɛkɛ ne dahuu la, ɛmaa bɛdu belemgbunli anzɛɛ bɛhu maanlema mɔɔ kɛdwazo kɛ bɛsɛkye mɛla ɛhye, anzɛɛ bɛsɛkye Ɛzonlenlɛ Sua ne mɔɔ wɔ Gyɛlusalɛm la. Medame Dalayɛse a meyɛ mɛla ɛhye a. Bɛmaa awie biala ɛli zolɛ kpalɛ.”

Ɛzela Buluku ne 6:8

Akee mɛla mɔɔ mefa meamaa wɔ, mɔɔ fane mɔɔ ɔwɔ kɛ ɛyɛ ɛmaa Dwuu mgbanyima ne mɔ wɔ Nyamenle Sua ne ɛzilɛ nu la ɛne: Kakɛ mɔɔ menli ne kɛbɔ la, fa belemgbunli gya ne mɔɔ wɔ Yufileti la anu ezukoa tua ye ndɛndɛ, amaa sua ne ɛzilɛ amkpo ɛhɛlɛ.

Ɛzela Buluku ne 7:15

Eza fa dwɛtɛ fufule ne nee ezukoa nvutuke ne mɔɔ belemgbunli nee ye mgbanyima mɔɔ tu ye folɛ la ɛyeye bɛ ahonle nu ɛva ɛmaa kɛ bɛva bɛbɔ azu bɛmaa Yizilayɛ Nyamenle ne mɔɔ ye Ɛzonlenlɛ Sua a wɔ Gyɛlusalɛm la noko kɔ.

Ɛzela Buluku ne 7:28

Ɔlua Nyamenle ɛlolɛ zo, menyia me nyunlu wɔ belemgbunli nee ye mgbanyima mɔɔ tu ye folɛ la, yɛɛ ye mbɔlɔba mgbole ne mɔ anyunlu. Ɛdɛnkɛma me Nyamenle ne ɛmaa me anwosesebɛ, na ɔlua zolɛ medame noko menzile ahonle na memboɔboale Yizilayɛ mbusua mgbanyinli ne bie mɔ anloa na me nee bɛ ziale rale.”

Ɛzela Buluku ne 8:25

Menzuzule dwɛtɛ fufule, ezukoa nvutuke, nee azubɔlɛ ninyɛne mɔɔ Nyamenle Sua ne ati belemgbunli, ye mgbanyima mɔɔ tu ye folɛ, nee ye mbɔlɔba, nee Yizilayɛma mɔɔ wɔ maanle ne anu la ɛva ɛmaa la amuala memanle bɛ.

Ɛseta Buluku ne 1:14

Mgbanyima ne mɔ a le Kaahyina, Hyita, Ademeeta, Tahyehye, Milɛse, Maasina, yɛɛ Mɛmukan. Bɛmɛ a bɛle Pɛhyea nee Midea maanle ne mɔ anu mgbanyima nsuu mɔɔ lumuale wɔ maanle ne ɛbulɛ nu a.

Ayezaya Buluku ne 8:20

Bɛdie mɔɔ Ɛdɛnkɛma ɛlɛka la na bɛli ye ngilehilelɛ zo! Nɔhalɛ, edwɛkɛ ɛhye mɔɔ bɛka la aleɛ ɛnrɛhye zo.

Daneɛle Buluku ne 2:47

Belemgbunli ne hanle hilele Daneɛle kɛ, “Nɔhalɛ, wɔ Nyamenle ne le nyamenle kɔsɔɔti bɛ Nyamenle, yɛɛ ɔle arelemgbunli kɔsɔɔti bɛ Awulae. Ɔle Nyamenle mɔɔ sa fealera nu ninyɛne gua zolɛ a. Ɔboalekɛ wɔhola wɔla me fealera nu edwɛkɛ ɛhye ali.”

Daneɛle Buluku ne 6:20

Ɔbikyele tunli ne la ɔvale abodelɛ ɔdeanle nuhua kɛ, “Tease Nyamenle ne sonvolɛ Daneɛle! Asoo wɔ Nyamenle ne mɔɔ ɛsonle ye dahuu la ɛhola ɛlie wɔ ɛvi awenade ne mɔ asa anu?”

Daneɛle Buluku ne 6:26

Memaa bɛade kɛ meli mɛla kɛ awie biala mɔɔ wɔ me maanle ye anu la ɛzonle na ɔzulo Daneɛle Nyamenle ne. “Ɔluakɛ ɔle Tease Nyamenle, ɔwɔ ɛkɛ ne dahuu; na ɔbali belemgbunli dahuu.

Zɛkalaya Buluku ne 6:10

Ɔse, “Die dwɛtɛ fufule nee ezukoa nvutuke fi Hɛledae, Tobaegya, yɛɛ Gyɛdaya mɔɔ bɛhyele bɛ bɛhɔle nlɔnu na bɛvi Babelonia bɛra la ɛkɛ ne, na kenle ko ne ala fa kɔ Zɛfanaya ara Dwosaya sua nu. Fa dwɛtɛ fufule ne nee ezukoa nvutuke ne yɛ belemgbunli kyɛlɛ na fa soa Sɛlɛvolɛ Kpanyinli Dwɔhyua, Gyɛhɔzadake ara nrenya ne,