Ɛzela Buluku ne 7:13 - BAEBOLO ANZƐƐ BULUKU NWUANZANWUANZA

¹³ “Kɛkala, meyɛ ye mɛla kɛ Yizilayɛnli biala mɔɔ wɔ me maanle ye anu la, sɛlɛvolɛma anzɛɛ Livaema, mɔɔ kulo kɛ ɔsia ɔkɔ Gyɛlusalɛm la nee wɔ ɛhɔ.

Ɛzela Buluku ne 7:13 ပူးပေါင်းရင်းမြစ်များ

2 Edk 30:5

Yemɔti bɛyɛle ye mɛla na bɛbɔle ye nolo wɔ Yizilayɛ amuala, ɔvi Biyɛhyiba mɔɔ kɔdwu Dan la, kɛ menli ne ɛrɛla ɛmaa bɛli Akpabɛnwo Ɛvoyia ne wɔ Gyɛlusalɛm, bɛwula Ɛdɛnkɛma, Yizilayɛ Nyamenle ne anyunlunyia. Ɔluakɛ ɛnee bɛtɛbale dɔɔnwo ɛlɛ kɛ bɛbali ɛvoyia ne, kɛmɔ bɛhɛlɛ bɛdo ɛkɛ ne la.

Ɛzela Buluku ne 1:3

Nyamenle nee ye menli ne mɔ mɔɔ wɔ yɛ avinli la ɛdɛnla. Bɛmaa bɛ adenle bɛmaa bɛhɔ Gyɛlusalɛm mɔɔ wɔ Dwuda la na bɛhɔzi Ɛdɛnkɛma, Yizilayɛ Nyamenle ne, Nyamenle ne mɔɔ bɛsonle ye wɔ Gyɛlusalɛm la Ɛzonlenlɛ Sua ne bieko.

Ɛzela Buluku ne 5:13

Noko mɔɔ Belemgbunli Saelɛse ralile Babelonia ebia ne la, ɛvolɛ ne ala anu, ɔvale mɛla ɔrale kɛ bɛzi Nyamenle Sua ne bieko.

Ɛzela Buluku ne 6:1

Zɔhane ati Belemgbunli Dalayɛse lile mɛla manle bɛnleɛnleanle ye ngɛlata mɔɔ wɔ ye ngɛlata ɛzielɛ ɛleka ne mɔ mɔɔ wɔ Babelɔn la anu.

Ɛseta Buluku ne 3:15

Menli mɔɔ bɛzoanle bɛ la manle bɛ nwo yɛle ndɛ bɛhɔle na eza bɛbɔle mɛla ne nolo wɔ Susa mɔɔ le maanle maanle ne suakpole la azo. Akee belemgbunli ne nee Heeman dɛnlanle aze nlonle, liele bɛ nye, noko wɔ Susa suakpole ne azo ɛdeɛ, ɛnee menli adwenle ɛzɛkye kpalɛ.

Ɛseta Buluku ne 9:14

Zɔhane ati belemgbunli ne manle adenle manle bɛyɛle ɛhye, na bɛlile mɛla wɔ Susa, bɛmanle bɛhendɛhendanle Heeman amra bulu ne.

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 148:6

Ɔhyehyɛle bɛ ɔziele ɛkɛ ne wɔ melɛ mɔɔ ɛnlɛ awieleɛ, ɔgyale bɛ ɛweɛne mɔɔ bɛmbɔ bɛndɛla a.

Daneɛle Buluku ne 6:26

Memaa bɛade kɛ meli mɛla kɛ awie biala mɔɔ wɔ me maanle ye anu la ɛzonle na ɔzulo Daneɛle Nyamenle ne. “Ɔluakɛ ɔle Tease Nyamenle, ɔwɔ ɛkɛ ne dahuu; na ɔbali belemgbunli dahuu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.