Ɛzela Buluku ne 7:12 - BAEBOLO ANZƐƐ BULUKU NWUANZANWUANZA

¹² “Medame, Maanle Maanle Belemgbunli Atazɛzɛse a melɛkɛlɛ kɛlata ɛhye meamaa sɛlɛvolɛ Ɛzela mɔɔ le Anwuma Nyamenle ne Mɛla ne kɛlɛhɛlɛvolɛ la a.

Ɛzela Buluku ne 7:12 ပူးပေါင်းရင်းမြစ်များ

1 Arl 20:1

Selea Belemgbunli Bɛneheedade boɔboale ye ɛlɔnema mɔɔ wɔ ye belemgbunli maanle ne anu la amuala anloa. Arelemgbunli abulasa nee nwiɔ ne mɔɔ wɔ ɔ bo la kɔsɔɔti anloa yiale. Ɔlɛ ye mgbɔnwɔ nee konle ehwili mɔ. Ɔvale konle ɔhɔtetale suakpole Samɛlea amra kɛ ɔ nee bɛ ko.

1 Arl 4:24

Ɛnee Sɔlɔmɔn sie Azule Yufileti adɔleɛ maanzinli ne mɔ amuala, ɛbɔ ye Tefesa mɔɔ kɔ Gaza, arelemgbunli mɔɔ wɔ Yufileti Adɔleɛ la amuala wɔ ɔ bo, yɛɛ ɔ nee maanle maanle mɔɔ nee ye bɔ ɛweɛne la anloa sɛ bɛ nwo.

Ɛzela Buluku ne 1:2

“Kɛ Belemgbunli Saelɛse mɔɔ nea Pɛhyea Maanle Maanle ne mɔ azo la se la ɛne: Ɛdɛnkɛma, mɔɔ le Anwuma Nyamenle ne ɛva maanle maanle mɔɔ wɔ azɛlɛ ye azo la amuala ɛwula me sa nu kɛ menzie bɛ. Na yeze me kɛ menzi Ɛzonlenlɛ Sua memaa ye wɔ Gyɛlusalɛm mɔɔ wɔ Dwuda la.

Ɛzela Buluku ne 4:17

Belemgbunli ne vale mualɛ ɛhye hɔmanle bɛ: “Melɛ mekamaa Amɛnlado Rilihɛm, kɛlɛhɛlɛvolɛ Hyemehyae, nee bɛ gɔnwo mɔ mɔɔ wɔ Samɛlea nee Yufileti Adɔleɛ la. Mebiza bɛ ahye.

Ɛzela Buluku ne 7:1

Ɛvolɛ dɔɔnwo anzi, wɔ Pɛhyea Belemgbunli Atazɛzɛse mekɛ zo, ɛnee nrenya bie wɔ Babelonia, bɛfɛlɛ ye Ɛzela. Ɛzela ɔ ze a le Sɛlaya, Sɛlaya ɔ ze a le Azalaya, Azalaya ɔ ze a le Helekaya,

Ɛzela Buluku ne 7:11

Ɛzela le sɛlɛvolɛ nee kɛlɛhɛlɛvolɛ mɔɔ ɛbe Ɛdɛnkɛma Mɛla ne anu a. Kɛlata mɔɔ Belemgbunli Atazɛzɛse hɛlɛle manle ye la ɛne:

Ɛzela Buluku ne 7:6

Ɛzela le abɔlɔba mɔɔ ze Mɛla ne mɔɔ Ɛdɛnkɛma, Yizilayɛ Nyamenle ne vale manle Mosisi la kpole kpalɛ. Kɛmɔ ɛnee Ɛdɛnkɛma ye Nyamenle ne anye wɔ ɔ nwo zo la ati, belemgbunli ne vale debie biala mɔɔ ɔbizale la ɔmanle ye. Mɔɔ Belemgbunli Atazɛzɛse lile ɛvolɛ nsuu wɔ Pɛhyea ebia ne azo la, Ɛzela nee Yizilayɛma bie mɔ mɔɔ le sɛlɛvolɛma, Livaema, edwɛndolɛma, nee Ɛzonlenlɛ Sua nu sonvolɛma la zile nu vi Babelonia rale Gyɛlusalɛm.

Ayezaya Buluku ne 10:8

ɔluakɛ ɔse, “Asoo me safohyenlema mgbanyinli ne mɔ amuala ɛnle arelemgbunli?

Yizikeɛle Buluku ne 26:7

Awulae Nyamenle ne se, “Mebava belemgbunli kpole mɔɔ bo bɛ kɔsɔɔti bɛ nwo zo, Babelonia belemgbunli Nɛbukadenɛza meavi sɔlɔ nehane, meamaa yeava mgbɔnwɔ, konle ehwili, ɛlɔnema mɔɔ tɛnla mgbɔnwɔ zo nee ɛlɔnema dɔɔnwo kpalɛ yeara Taya anwo zo.

Daneɛle Buluku ne 2:37

Wɔmɔ a ɛle arelemgbunli nu belemgbunli a, yɛɛ Nyamenle ne mɔɔ wɔ anwuma la ɛyɛ wɔ maanle maanle belemgbunli, yemaa wɔ tumi, anwosesebɛ, yɛɛ anyunlunyia.

Daneɛle Buluku ne 2:47

Belemgbunli ne hanle hilele Daneɛle kɛ, “Nɔhalɛ, wɔ Nyamenle ne le nyamenle kɔsɔɔti bɛ Nyamenle, yɛɛ ɔle arelemgbunli kɔsɔɔti bɛ Awulae. Ɔle Nyamenle mɔɔ sa fealera nu ninyɛne gua zolɛ a. Ɔboalekɛ wɔhola wɔla me fealera nu edwɛkɛ ɛhye ali.”

1 Tem 6:15

Ye ɛralɛ bieko mekɛ kpalɛ ne wɔ Nyamenle Tumivolɛ Saleɛnli Kokye ne mɔɔ le arelemgbunli Belemgbunli nee awulae mɔ Awulae la asa anu.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 19:16

Wɔ ye tɛladeɛ ne anu nee ye ɛzɔlɛ nwo, bɛhɛlɛ duma ɛhye, “Arelemgbunli Belemgbunli yɛɛ awulae mɔ Awulae.”