Ɛzela Buluku ne 6:8 - BAEBOLO ANZƐƐ BULUKU NWUANZANWUANZA

⁸ Akee mɛla mɔɔ mefa meamaa wɔ, mɔɔ fane mɔɔ ɔwɔ kɛ ɛyɛ ɛmaa Dwuu mgbanyima ne mɔ wɔ Nyamenle Sua ne ɛzilɛ nu la ɛne: Kakɛ mɔɔ menli ne kɛbɔ la, fa belemgbunli gya ne mɔɔ wɔ Yufileti la anu ezukoa tua ye ndɛndɛ, amaa sua ne ɛzilɛ amkpo ɛhɛlɛ.

Ɛzela Buluku ne 6:8 ပူးပေါင်းရင်းမြစ်များ

Ɛzela Buluku ne 4:16

Zɔhane ati Nana, saa ɛmaa adenle ɛmaa bɛkyekye suakpole ɛhye bieko, bɛdie ye bane ne bɛyia a, ɛbalɛ ɛ sa mgbane wɔ Yufileti Adɔleɛ.”

Ɛzela Buluku ne 4:23

Mɔɔ bɛgengale Belemgbunli Atazɛzɛse kɛlata ne bɛhilele Rilihɛm, Hyemehyae, nee bɛ gɔnwo mɔ ala la, ndɛndɛ ne ala, bɛhɔle Dwuuma mɔɔ wɔ Gyɛlusalɛm la anwo zo na bɛholole bɛ nwo zo bɛmanle bɛgyakyile suakpole ne ɛkyekyelɛ.

Ɛzela Buluku ne 5:5

Na ɛnee Nyamenle anye wɔ Dwuu mgbanyima ne mɔ anwo zo la ati, bɛandua bɛ kɛ bɛmmasi sua ne. Bɛvale nwolɛ edwɛkɛ bɛhɔmanle Belemgbunli Dalayɛse na bɛyɛle kɛ bɛkendɛ bɛadie nwolɛ mualɛ kolaa na bɛkɛyɛ debie a bɛayɛ.

Ɛzela Buluku ne 6:14

Zɔhane ati Dwuu mgbanyima ne mɔ hɔle sua ne ɛzilɛ zo na bɛhɔle bɛ nyunlu kpalɛ. Mekɛ ne anu ɛnee Nyamenle kpɔmanvolɛma, Hagae nee Yido ara Zɛkalaya a ka Nyamenle nrɛlaleɛ ne kile bɛ a. Bɛwiele Ɛzonlenlɛ Sua ne si, kɛmɔ Yizilayɛ Nyamenle ne hyehyɛle la nee mɛla mɔɔ Pɛhyea Maanle Maanle arelemgbunli nsa ne, Saelɛse, Dalayɛse, nee Atazɛzɛse lile la se la.

Ɛzela Buluku ne 6:4

Bɛva awolɛ mgbole bɛdo ye fadum ɛhonlone nsa na bɛva mbaka bɛzɔ zolɛ ɛhonlone ko. Nwolɛ kakɛ ne amuala, bɛde bɛvi belemgbunli gya ne anu.

Ɛzela Buluku ne 6:7

Bɛmmafa bɛ nwo bɛdielie Nyamenle Sua ɛhye ɛzilɛ nu. Bɛmaa Dwuda amɛnlado ne nee Dwuu mgbanyima ne mɔ ɛzi Nyamenle Sua ɛhye bieko wɔ ɔ bo zo ne ala.

Ɛzela Buluku ne 6:9

Debie biala mɔɔ bɛkpondɛ la, saa nlankɛ nyinli o, mboane o, anzɛɛ mboane mralɛ mɔɔ bɛyela bɛabɔ azu bɛamaa Nyamenle ne mɔɔ wɔ anwuma la o, hwiiti, ngyenle, nwanye, anzɛɛ nwole, kɛmɔ sɛlɛvolɛma mɔɔ wɔ Gyɛlusalɛm la kpondɛ la, fa maa bɛ kenle biala mɔɔ bɛkɛbiza la, mmamaa ɔkpa nwolɛ fee,

Ɛzela Buluku ne 7:14

Belemgbunli nee ye mgbanyima nsuu ne mɔɔ tu ye folɛ la yɛɛ ɛzoa wɔ kɛ ɛhɔ Dwuda nee Gyɛlusalɛm ɛhɔnleɛnlea menli ne ɛbɛlabɔlɛ nu kɛ bɛlɛdi Nyamenle, wɔ Nyamenle ne Mɛla ne mɔɔ ɛlɛ la azo a.

Nihɛmaya Buluku ne 11:23

Ɔluakɛ belemgbunli yɛle ngyehyɛlɛ mɔɔ kile kɛ mbusua ekpulike ne mɔ ɛrado edwɛne bɛ ti bɛ ti ɛboa ɛzonlenlɛ. Mekɛ biala mɔɔ bɛyɛ nzɛlɛlɛ la ɔwɔ kɛ abusua ekpulike ko bato edwɛne boa.

Nihɛmaya Buluku ne 2:8

Eza maa bɛhɛlɛ kɛlata bɛhɔmaa Esafe mɔɔ sinza belemgbunli kpɔkɛmile ne la, amaa yeamaa me mbaka na meakpakyekpakye meayɛ mgbunla meaduodua aranemgbole ne mɔɔ zua Ɛzonlenlɛ Sua ne la nlenkɛ mgbole ne, bane ne nlenkɛ mgbole ne, yɛɛ sua ne mɔɔ mebadɛnla nuhua la nlenkɛ mgbole ne mɔ.” Belemgbunli ne yɛle mɔɔ membizale ye biala la manle me, ɔluakɛ ɛnee me Nyamenle ne nee me lua.

Daneɛle Buluku ne 6:26

Memaa bɛade kɛ meli mɛla kɛ awie biala mɔɔ wɔ me maanle ye anu la ɛzonle na ɔzulo Daneɛle Nyamenle ne. “Ɔluakɛ ɔle Tease Nyamenle, ɔwɔ ɛkɛ ne dahuu; na ɔbali belemgbunli dahuu.

Hagae Buluku ne 2:8

Dwɛtɛ fufule le me ɛdeɛ, yɛɛ ezukoa nvutuke le me ɛdeɛ, medame Tumivolɛ Ɛdɛnkɛma a mese a.