Ɛzela Buluku ne 6:5 - BAEBOLO ANZƐƐ BULUKU NWUANZANWUANZA

⁵ Akee ninyɛne mɔɔ bɛvale ezukoa nvutuke nee dwɛtɛ fufule a bɛyɛle, mɔɔ Belemgbunli Nɛbukadenɛza yeyele bɛ vile Ɛzonlenlɛ Sua ne anu wɔ Gyɛlusalɛm rale Babelɔn la, bɛva bɛ muala bɛhɔzie bɛ bo zo ne mɔ wɔ Ɛzonlenlɛ Sua ne anu wɔ Gyɛlusalɛm.’ ”

Ɛzela Buluku ne 6:5 ပူးပေါင်းရင်းမြစ်များ

2 Arl 24:13

ɔ nee ye hɔle Babelɔn a. Ɔzoale Ɛzonlenlɛ Sua ne anu nee suakunlu ɛkɛ ne ninyɛne kɔsɔɔti ɔhɔle. Kɛmɔ Ɛdɛnkɛma hanle dole ɛkɛ ne la, Nɛbukadenɛza bubule ezukoa nvutuke dwora ne mɔ mɔɔ Belemgbunli Sɔlɔmɔn manle bɛyɛle mɔɔ bɛfa bɛsonle wɔ Ɛzonlenlɛ Sua ne anu la amuala.

2 Edk 36:10

Ɛvolɛ ne mɔɔ ɔlile ebia ne la ala anu, nyenyensuo mekɛ ne anu, Belemgbunli Nɛbukadenɛza zoanle manle bɛhɔvale ye bɛhɔle Babelonia, na bɛsesale Ɛdɛnkɛma Ɛzonlenlɛ Sua ne anu dwora nee ahyɛnze biala mɔɔ sonle bolɛ la bɛhɔle, na bɛyɛle ɔ diema Zɛdikaya Dwuda nee Gyɛlusalɛm belemgbunli.

2 Edk 36:18

Akee bɛhwenle debie biala mɔɔ wɔ Ɛdɛnkɛma Ɛzonlenlɛ Sua ne anu, ngyikyi nee mgbole, nee ezukoa, belemgbunli suakunlu ɛkɛ ne, nee belemgbunli mgbanyima ne mɔ kɔsɔɔti azua nu la bɛhɔle Babelɔn.

Ɛzela Buluku ne 5:14

Eza ezukoa nvutuke nee dwɛtɛ fufule ahyɛnze mɔɔ Belemgbunli Nɛbukadenɛza rahwenle vile Gyɛlusalɛm Ɛzonlenlɛ Sua ne anu hɔle ye belemgbunli sua nu ɛkɛ ne la, Saelɛse hwenle bɛ kɔsɔɔti vile Babelɔn awozonle sua ne anu vindele. Belemgbunli Saelɛse vale ninyɛne zɔhane mɔ manle nrenya bie mɔɔ bɛfɛlɛ ye Hyɛhyebazaa mɔɔ ɛnee yeyɛ ye amɛnlado wɔ Dwuda maanzinli nu la,

Gyɛlɛmaya Buluku ne 27:16

Akee menganle mengilele sɛlɛvolɛma nee menli ne amuala kɛ, “Ɛdɛnkɛma se: Bɛmmatie mɔɔ bɛ Nyamenle kpɔmanvolɛma ɛlɛka kɛ ɔnrɛhyɛ biala bɛbava Ɛzonlenlɛ Sua ne anu ɛzonlenlɛ ninyɛne ne mɔ bɛvi Babelonia bɛazia bɛara la, ɔluakɛ ɔle adalɛ bɛlɛbɔ bɛahile bɛ.

Gyɛlɛmaya Buluku ne 52:19

Eza bɛvale debie biala mɔɔ bɛva ezukoa nvutuke anzɛɛ dwɛtɛ fufule bɛyɛ la bɛhɔle. Bie mɔ a le kula ngyikyi, senlevalɛ ahyɛnze, ahyɛnze kuloonwu, ɛzɛne ne mɔ, kɛnlaneɛ mbaka, ɛyɛlɛkpunlɛ dwora, yɛɛ ɛdɛneyelɛ dwora ne mɔ.

Daneɛle Buluku ne 1:2

Na Awulae yele Belemgbunli Gyɛhɔyakem manle Nɛbukadenɛza lile ɔ nwo zo konim na ɔsesale Ɛzonlenlɛ Sua ne anu ninyɛne ne mɔ bie ɔhɔle. Ɔvale ninyɛne ne mɔ ɔhɔle Hyaenaa na ɔhɔguale bɛ ye bozonle ne abo.

Daneɛle Buluku ne 5:2

Bɛlehyaza zɔle nza ne bie nleanle la, ɔhanle kɛ bɛhɔsesa ezukoa nvutuke ahɔpo nee dwɛtɛ fufule ahɔpo ne mɔ mɔɔ ɔ ze Nɛbukadenɛza sesale bɛ wɔ Gyɛlusalɛm Ɛzonlenlɛ Sua ne anu la bɛrɛla bɛmaa belemgbunli nee ye maanle mgbanyima, ye mraalɛ nee ye mgbɔnla ne mɔ ɛnlo nu.