Ɛzela Buluku ne 6:20 - BAEBOLO ANZƐƐ BULUKU NWUANZANWUANZA

²⁰ Sɛlɛvolɛma nee Livaema mɔɔ wɔ nu la nluanle bɛ nwo na bɛyɛle menli mɔɔ nyamenlezonlenlɛ nu bɛ nwo ɛde a. Livaema ne a hunle Akpabɛnwo Ɛvoyia Boaneralɛ ne a, bɛbɔle azu ne wɔ bɛdabɛ mumua ne bɛ ti, bɛdabɛ mɔɔ bɛvi nlɔnu bɛra la ati, yɛɛ bɛ mediema sɛlɛvolɛma ne mɔ amuala ati.

Ɛzela Buluku ne 6:20 ပူးပေါင်းရင်းမြစ်များ

2 Edk 29:34

Na kɛmɔ sɛlɛvolɛma ne anwo anzo la ati, ɛnee bɛngola ɛyelalɛ azubɔlɛ ninyɛne ne mɔ anwo gyima di. Yemɔti bɛmanle Livaema ne boale bɛ toonwo ɔhɔdwule kɛ gyima ne wiele na sɛlɛvolɛma mɔɔ ɛha la noko nluanle bɛ nwo la; nɔhalɛ, ɛnee Livaema ne ahonle nu te wɔ bɛ nwo ɛnluanlɛ ne anu tɛla sɛlɛvolɛma ne.

2 Edk 35:11

Akee bɛhunle Akpabɛnwo Ɛvoyia mboane mralɛ ne mɔ, na sɛlɛvolɛ ne liele mogya ne kpondenle na Livaema ne yele mboane ne mɔ nwoma.

2 Edk 35:14

Ɛhye anzi, akee bɛdonle bie bɛmanle bɛ nwo nee sɛlɛvolɛma ne, ɔboalekɛ ɛnee Aalɔn abo zo amra ne, mɔɔ le sɛlɛvolɛma ne la asa lɛ, bɛlɛbɔ ɛyelalɛ azu nee nane ɛnlome azu ne. Bɛyɛle ɛhye toonwo nɔsolɛ nu. Yemɔti nzinlii a Livaema ne akee donle bie manle bɛ nwo nee sɛlɛvolɛma ne mɔ a.

2 Edk 35:15

Esafe abo zo amra ne noko ɛnee anye ɛbolo ɛlɛto edwɛne, kɛmɔ Belemgbunli Devidi, Esafe, Himan, nee Nyamenle kpɔmanvolɛ Gyɛdutɛn hyehyɛle dole ɛkɛ ne la. Nlenkɛ sinzavolɛma ne noko anvi bɛ bo zo ne mɔ, ɔluakɛ bɛ mediema Livaema ne vale bɛ afoa nu ɛdeɛ rɛlɛle bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:21

Akee Mosisi vɛlɛle Yizilayɛ mgbanyima ne mɔ amuala na ɔhanle ɔhilele bɛ kɛ, “Awie biala ɛhɔhye boane ko ɛhu ye ɛmaa ye awuke nu amra ɛva ɛli Akpabɛnwo ne.

Kɛlata mɔɔ bɛhɛlɛle bɛhɔmanle Hibuluma la 7:27

Ɔnle kɛ sɛlɛvolɛ mgbanyinli ɛhendeɛ ne mɔ, mɔɔ ɔwɔ kɛ kɔ azukponle nwo kenle biala, kɛ bɛkabɔ bɛ ɛtane nwo azu na bɛabɔ bie bɛamaa awie mɔ la. Ɔvale ɔ nwo ɔbɔle azu ne kokye ala.