Ɛzela Buluku ne 6:17 - BAEBOLO ANZƐƐ BULUKU NWUANZANWUANZA

¹⁷ Wɔ sua ne ɛbukelɛ nee ye ɛdulɛ mɔɔ bɛtu bɛawula Nyamenle asa anu la, bɛvale nlankɛ nyinli ɛya ko, mboane nyinli ɛya nwiɔ, yɛɛ mboane mralɛ ɛya nna a bɛbɔle azu bɛmanle Nyamenle a. Akee bɛvale mbɔnkye nyinli bulu nee nwiɔ bɛbɔle ɛtanefakyɛ azu bɛmanle Nyamenle wɔ Yizilayɛma amuala ati. Bɛbɔle abusua ekpunli ko biala ati bɛvale abɔnkye ko bɛbɔle azu.

Ɛzela Buluku ne 6:17 ပူးပေါင်းရင်းမြစ်များ

1 Arl 18:31

Akee Yilaegya sesale awolɛ bulu nee nwiɔ; ko biala gyi ɛkɛ maa Yizilayɛ abusua ekpunli ko. Mbusua bulu nee nwiɔ ɛhye a le Gyekɔbo amra ne mɔ. Gyekɔbo ɛhye a Ɛdɛnkɛma donle ye Yizilayɛ la.

1 Arl 8:62

Akee Belemgbunli Sɔlɔmɔn nee Yizilayɛma amuala bɔle azu manle Ɛdɛnkɛma.

2 Edk 29:24

Na sɛlɛvolɛma ne mɔ hunle mbɔnkye ne mɔ na bɛvale bɛ mogya ne bɛbɔle ɛtanefakyɛ azu wɔ azukponle ne azo, bɛvale bɛkpɔdale Yizilayɛma kɔsɔɔti ati. Ɔluakɛ belemgbunli ne zele kɛ ɔwɔ kɛ bɛbɔ ɛyelalɛ azu ne nee ɛtanefakyɛ azu ne wɔ Yizilayɛma kɔsɔɔti ati.

2 Edk 7:5

Belemgbunli Sɔlɔmɔn vale nlankɛ apenle ngoko abulanwiɔ nee nwiɔ yɛɛ mboane apenle ngoko ɛya ko abulanwiɔ a bɔle azu ne a. Yemɔti belemgbunli nee menli ne amuala dule Ɛzonlenlɛ Sua ne manle Nyamenle.

Ɛzela Buluku ne 8:35

Akee bɛdabɛ mɔɔ bɛhyele bɛ nuokɛ bɛhɔle nlɔnu na bɛzia bɛra la vale azubɔlɛ ninyɛne rale kɛ bɛyela bɛ bɛbɔ azu bɛmaa Yizilayɛ Nyamenle ne. Bɛbɔle Yizilayɛma kɔsɔɔti ati bɛvale nlankɛ bulu nee nwiɔ, mboane nyinli abulahɔnla nee nsia, mboane mralɛ abulasuu nee nsuu, yɛɛ ɛtanefakyɛ nwo azubɔlɛ mbɔnkye nyinli bulu nee nwiɔ. Bɛyelale nane ɛhye mɔ amuala bɛbɔle azu bɛmanle Ɛdɛnkɛma.

Sɛlɛ 4:28

na saa bɛmaa ɔnwu ye ɛtane ne mɔɔ yeyɛ la a, ɔwɔ kɛ ɔfa abɔnkye belɛ mɔɔ anwo ɛnlɛ dɛne la ɔbabɔ azu wɔ ye ɛtane ne mɔɔ yeyɛ la anwo.

Sɛlɛ 4:3

na saa ahenle le sɛlɛvolɛ mɔɔ bɛkpokpa ye nwole la yɛɛ ɛyɛ ɛtane ɛva evinli ɛha menli ne a, bɛmaa ɔva ɛnlankɛ nyinli edonraa mɔɔ anwo ɛnlɛ dɛne la ɔyɛ azubɔdeɛ ɔmaa Ɛdɛnkɛma wɔ ye ɛtane ne mɔɔ yeyɛ la anwo.

Edwɛkpa ne kɛmɔ Luku hɛlɛle la 22:30

Bɛ nee me badɛnla me ɛkponle nwo, bɛali debie na bɛanlo wɔ me Belemgbunlililɛ ne anu, na bɛbadɛnlɛdɛnla arelemgbunli mbia zo bɛabua mbusua bulu nee nwiɔ ne ndɛne.”

Yekile 21:12

Bɛlie nwolɛ bane mɔɔ ye anwumahɔlɛ le tendenle kpalɛ a, ɔlɛ anuhɔlɛ bulu nee nwiɔ, yɛɛ Nyamenle soanvolɛ gyi ko biala anloa. Wɔ anuhɔlɛ ne mɔ azo, bɛhɛlɛ Yizilayɛ mbusua ekpunli bulu nee nwiɔ ne aluma bɛgua zolɛ.