Ɛzela Buluku ne 6:16 - BAEBOLO ANZƐƐ BULUKU NWUANZANWUANZA

¹⁶ Na menli mɔɔ wɔ Yizilayɛ la, sɛlɛvolɛma, Livaema, nee bɛdabɛ mɔɔ bɛhyele bɛ nuokɛ bɛhɔle nlɔnu na bɛzia bɛra la vale anyelielɛ bukele Nyamenle Ɛzonlenlɛ Sua ne na bɛdule bɛwulale Nyamenle asa anu.

Ɛzela Buluku ne 6:16 ပူးပေါင်းရင်းမြစ်များ

1 Arl 8:62

Akee Belemgbunli Sɔlɔmɔn nee Yizilayɛma amuala bɔle azu manle Ɛdɛnkɛma.

1 Arl 8:63

Sɔlɔmɔn vale nlankɛ apenle ngoko abulanwiɔ nee nwiɔ yɛɛ mboane apenle ngoko ɛya ko abulanwiɔ bɔle anzonudwolɛ azu manle Ɛdɛnkɛma. Na belemgbunli nee Yizilayɛma kɔsɔɔti dule Ɛzonlenlɛ Sua ne manle Nyamenle.

1 Edk 15:28

Akee Yizilayɛma kɔsɔɔti vale anyelielɛ, aweɛnebɔlɛ, mɛne, sɔnwosɔnwo nee getaa bɔle agole lile Ɛdɛnkɛma Ngyekyeleɛ Ɛlɛka ne anzi toonwo bɛradwule Gyɛlusalɛm.

1 Edk 9:2

Bɛdabɛ mɔɔ bɛlumuale bɛziale bɛrale bɛ azua zo bɛrayɛle bɛ gyima la a le Yizilayɛma bie mɔ, sɛlɛvolɛma, Livaema, yɛɛ Ɛzonlenlɛ Sua nu sonvolɛma.

2 Edk 29:30

Na Belemgbunli Hɛzikaya nee ye mgbanyima ne zele Livaema ne kɛ bɛdo edwɛne ne mɔɔ Belemgbunli Devidi nee Esafe yɛle la bie bɛyeyɛ Ɛdɛnkɛma. Na bɛvale anyelielɛ bɛdole edwɛne, bɛbɔle bɛ ti aze bɛyeyɛle Ɛdɛnkɛma.

2 Edk 30:23

Kenle nsuu ne anzi, eza menli ne liele dole nu kɛ bɛsɔ ɛvoyialilɛ ne azo kenle nsuu bieko. Yemɔti bɛvale anyelielɛ bɛlile ɛvoyia ne kenle nsuu bieko.

2 Edk 30:26

Anyelielɛ kpole kpalɛ rale Gyɛlusalɛm, ɔluakɛ ɔvi Belemgbunli Sɔlɔmɔn, mɔɔ ɔ ze a le Yizilayɛ Belemgbunli Devidi la mekɛ zo toonwo mɔɔ ɛradwu mekɛ zɔhane la, debie zɛhae, bie ɛtɛsile Gyɛlusalɛm ɛlɛ.

2 Edk 7:5

Belemgbunli Sɔlɔmɔn vale nlankɛ apenle ngoko abulanwiɔ nee nwiɔ yɛɛ mboane apenle ngoko ɛya ko abulanwiɔ a bɔle azu ne a. Yemɔti belemgbunli nee menli ne amuala dule Ɛzonlenlɛ Sua ne manle Nyamenle.

Ɛzela Buluku ne 4:1

Menli mɔɔ ɛngulo Dwudama nee Bɛngyamanema edwɛkɛ la dele kɛ menli mɔɔ bɛhyele bɛ bɛhɔle nlɔnu la ɛzia ɛra na bɛlɛsi Ɛdɛnkɛma, Yizilayɛ Nyamenle ne Ɛzonlenlɛ Sua ne.

Ɛzela Buluku ne 6:22

Bɛvale fɛlɛkolilɛ bɛlile Angye Ɛvoyia ne toonwo kenle nsuu. Bɛ nye liele, ɔluakɛ Ɛdɛnkɛma ɛmaa Aselea belemgbunli ne ɛhakyi ye nyɛleɛ na yeboa bɛ yemaa bɛzi Yizilayɛ Nyamenle ne Ɛzonlenlɛ Sua ne.

Nihɛmaya Buluku ne 12:27

Mekɛ dwule mɔɔ ɔwɔ kɛ akee bɛbuke Gyɛlusalɛm bane ne na bɛtu bɛmaa Nyamenle la, bɛkpondɛle Livaema mɔɔ wɔ ɛleka biala la abo zo bɛ nee bɛ rale Gyɛlusalɛm, amaa bɛ kɔsɔɔti bɛava fɛlɛkolilɛ bɛabɔ nuhua bɛava sɔnwosɔnwo, getaa mgbole nee ngyikyi, moyɛlɛ, nee edwɛndolɛ bɛali ɛvoyia ne.

Nihɛmaya Buluku ne 12:43

Kenle ko ne bɛbɔle azu fane dɔɔnwo. Menli ne anye liele kpalɛ, ɔboalekɛ Nyamenle manle bɛlile fɛlɛko. Mraalɛ nee mbɛda kɔsɔɔti bokale ɛvoyialilɛ ne anwo, na anyelielɛ ne manle Gyɛlusalɛm kpudwule na ye nganeɛ dwule moa.

Nihɛmaya Buluku ne 7:73

Na akee Yizilayɛma kɔsɔɔti, sɛlɛvolɛma, Livaema, Ɛzonlenlɛ Sua ne sinzavolɛma, edwɛndolɛma, Ɛzonlenlɛ Sua nu sonvolɛma yɛɛ Yizilayɛma mɔɔ hale la amuala hɔdɛnlanle aze wɔ bɛ azua ne mɔ azo.

Nihɛmaya Buluku ne 8:10

Akee Nihɛmaya zele bɛ kɛ, “Bɛhɔ sua nu na bɛhɔlie bɛ nye; bɛli debie mɔɔ yɛ fɛ na bɛnlo nwanye fɛlɛko. Bɛmaa menli mɔɔ ɛnlɛ bie la bie. Ɔluakɛ ɛnɛ le Ɛdɛnkɛma kenle nwuanzanwuanza. Bɛmmadi nyane, ɔluakɛ fɛlɛkolilɛ ne mɔɔ Ɛdɛnkɛma fa maa la le bɛ anwosesebɛ.”

Edwɛndolɛ Buluku ne 122:1

Ɔyɛle me fɛ, mekɛ mɔɔ bɛhanle bɛhilele me kɛ, “Maa yɛhɔ Ɛdɛnkɛma Sua nu!”

Daneɛle Buluku ne 5:13

Bɛhɔvale Daneɛle bɛrale na belemgbunli ne zele ye kɛ, “Wɔmɔ Daneɛle, se ɛle Dwudama mɔɔ egya hyele bɛ rale nlɔnu wɔ ɛke la anu ko?

Dw 10:22

Ɛyɛlɛ mekɛ ne dwule la ɛnee bɛlɛdi Ɛzonlenlɛ Sua ne Ɛnluanlɛ Ɛvoyia ne wɔ Gyɛlusalɛm.

Mɛla 12:7

Na ɛkɛ ne, wɔ Ɛdɛnkɛma bɛ Nyamenle ne mɔɔ ɛyila bɛ la anyunlu, bɛ nee bɛ sua nu amra bali na bɛ nye alie wɔ ninyɛne kpalɛ mɔɔ Ɛdɛnkɛma ɛva ɛmaa bɛ la ati.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:4

Bɛmaa bɛ nye ɛlie dahuu kɛ bɛle Awulae ɛdeɛ a; mesi zo bieko: bɛmaa bɛ nye ɛlie!