Ɛzela Buluku ne 6:15 - BAEBOLO ANZƐƐ BULUKU NWUANZANWUANZA

¹⁵ Bɛwiele Ɛzonlenlɛ Sua ne si wɔ siane ne mɔɔ bɛfɛlɛ ye Eda la anu, ye kenle nsa ne azo wɔ mekɛ mɔɔ ɛnee Belemgbunli Dalayɛse ɛli ɛvolɛ nsia wɔ Pɛhyea ebia ne azo la.

Ɛzela Buluku ne 6:15 ပူးပေါင်းရင်းမြစ်များ

1 Arl 8:63

Sɔlɔmɔn vale nlankɛ apenle ngoko abulanwiɔ nee nwiɔ yɛɛ mboane apenle ngoko ɛya ko abulanwiɔ bɔle anzonudwolɛ azu manle Ɛdɛnkɛma. Na belemgbunli nee Yizilayɛma kɔsɔɔti dule Ɛzonlenlɛ Sua ne manle Nyamenle.

Ɛzela Buluku ne 4:24

Ɛhye ati Nyamenle Sua ne mɔɔ wɔ Gyɛlusalɛm la ɛzilɛ hale ɛkɛ ne toonwo ɔhɔdwule kɛ bɛvale Dalayɛse bɛziele Pɛhyea Maanle Maanle belemgbunli na ye ɛvolɛ nwiɔ ne azo.

Ɛzela Buluku ne 5:16

Yemɔti Hyɛhyebazaa zɔhane a rawulale Nyamenle Sua ye aze wɔ Gyɛlusalɛm ɛke a, yɛɛ ɔvi mekɛ zɔhane toonwo mɔɔ yeradwu ɛnɛ la yɛtɛgua zolɛ yɛtɛsi sua ye, yɛtɛnyianle yɛtɛwiele fee.’

Ɛzela Buluku ne 9:9

Mɔɔ ɛnee yɛle ahanra la, yɛ Nyamenle ne arɛle amkpa yɛ nwo zo. Wɔmaa wɔ ɛhulolɛ ɛdenrɛ yɛ nwo zo wɔ Pɛhyea Maanle Maanle arelemgbunli anyunlu. Ɔlua zolɛ bɛbɔ yɛ ɛwɔkɛ na bɛmaa yɛ anwosesebɛ kɛ yɛzi yɛ Nyamenle ne Ɛzonlenlɛ Sua ne mɔɔ ɛbubu la, na yɛyɛ ye boɛ, na wɔazinza yɛ wɔ Dwuda nee Gyɛlusalɛm amuala.

Ɛseta Buluku ne 3:13

Bɛvale ngɛlata ne mɔ bɛzoanle menli mɔɔ kola nriandi kpalɛ la a hɔle a. Ngɛlata ne mɔ kile kɛ bɛhu Dwuuma, ngakula nee mgbanyinli, yɛɛ mraalɛ kɔsɔɔti na bɛbɔ bɛ bo zo, na bɛve bɛ ninyɛne. Ngɛlata ne kile kɛ bɛva kenle ko ala a bɛyɛ ɛhye mɔ a, na bɛyɛ ye wɔ siane bulu nee nwiɔ ne mɔɔ bɛfɛlɛ ye “Eda” la ye kenle ne mɔɔ tɔ zolɛ bulu nee nsa ne la azo.

Ɛseta Buluku ne 3:7

Belemgbunli Zɛzɛse lile ebia ne la, ye ɛvolɛ bulu nee nwiɔ ne azo, ye siane ne mɔɔ lumua mɔɔ bɛfɛlɛ ye “Naesan” la anu, Heeman manle bɛhwenle adunyi. Adunyi ɛhwenlɛ ne, Hibulu nu bɛfɛlɛ ye “Pulu.” Saa bɛbahwe adunyi ne anzɛɛ “Pulu” ne a, Heeman batɛnla ye ebia nu. Siane ko biala anu, kenle ko biala bɛtwe ɔ ti adunyi; na bɛhwenle dedee la ɔkpulale siane bulu nee nwiɔ ne mɔɔ bɛfɛlɛ ye “Eda” la anu kenle bulu nee nsa ne. Na kenle ɛhye yɛɛ ɔwɔ kɛ bɛfa bɛdi Dwuuma anwo gyima mɔɔ le zɛhae la a.

Ɛseta Buluku ne 8:12

Ngɛlata ne mɔ kile kɛ, siane bulu nee nwiɔ ne mɔɔ bɛfɛlɛ ye “Eda” la, ye kenle bulu nee nsa ne azo, yɛɛ ɔwɔ kɛ ɛhye si wɔ Belemgbunli Zɛzɛse maanle maanle ne kɔsɔɔti anu a.

Ɛseta Buluku ne 9:1

Siane bulu nee nwiɔ ne mɔɔ bɛfɛlɛ ye “Eda” la, ye kenle bulu nee nsa ne azo yɛɛ belemgbunli ne mɛla ne nee ye ngɛlata ne mɔ anu edwɛkɛ ne mekɛ dwule a, na mɔɔ ɔwɔ kɛ si la si. Kenle ko ne yɛɛ bɛhyehyɛ kɛ ɔwɔ kɛ bɛdabɛ mɔɔ bɛngulo Dwuuma edwɛkɛ la dwazo bɛ nwo zo na bɛku bɛ a. Noko ɛhye anyɛ zɔhane. Ɔyɛle kenle mɔɔ Dwuuma lile bɛ kpɔvolɛma anwo zo konim a.

Ɛseta Buluku ne 9:15

Dwuuma mɔɔ wɔ Susa la boale bɛ nloa bieko wɔ siane “Eda” ne ye kenle bulu nee nna ne azo na bɛhunle menli ɛya nsa bieko, noko bɛanva bɛ sa bɛanga awie biala debie.

Ɛseta Buluku ne 9:17

Bɛyɛle ɛhye mɔ wɔ siane “Eda” ne ye kenle bulu nee nsa ne azo. Bɛliele bɛ ɛnwomenle wɔ kenle bulu nee nna ne azo, bɛliele bɛ nye na bɛlile fɛlɛko, bɛdole nwolɛ ɛkponle.

Ɛseta Buluku ne 9:19

Ɛhye ati yɛɛ Dwuuma mɔɔ wɔ namunamu ne mɔ nee azua ngyikyi zo la die bɛ ɛnwomenle wɔ siane “Eda” ne ye kenle bulu nee nna ne azo la. Ɔdwu zolɛ a, bɛ nye die, bɛdi fɛlɛko na bɛto ɛkponle, bɛfa aleɛ ahyɛlɛdeɛ bɛmemaa bɛ nwo ngoko ngoko.

Ɛseta Buluku ne 9:21

Wɔ ye ngɛlata ne mɔ anu, ɔzele Dwuuma kɛ bɛzie ɛvolɛ biala siane “Eda” ne ye kenle bulu nee nna nee ye kenle bulu nee nnu ne

Zɛkalaya Buluku ne 1:1

Mekɛ mɔɔ Maanle Maanle Belemgbunli Dalayɛse nyianle ɛvolɛ nwiɔ wɔ Pɛhyea ebia ne azo la, ye siane mɔtwɛ ne anu, Ɛdɛnkɛma rale Bɛlikaya ara Zɛkalaya, mɔɔ le Nyamenle kpɔmanvolɛ, na ɔ nlenya a le Yedo la anwo ɛkɛ

Zɛkalaya Buluku ne 1:16

Zɔhane ati medame Tumivolɛ Ɛdɛnkɛma mese, mezia mera Gyɛlusalɛm, na me nee anwunvɔnezelɛ a ɛra a. Bɛbazi me Sua ne wɔ zolɛ, na bɛbava ɛzuzudeɛ ne bɛado Gyɛlusalɛm anwo.’

Zɛkalaya Buluku ne 4:9

ɔse, “Zɛlubabɛle ɛwula sua ɛhye adiabo ne aze; ɔbazi yeawie. Na ɛkɛ ne yɛɛ bɛbanwu kɛ Tumivolɛ Ɛdɛnkɛma a ɛzoa wɔ bɛ nwo ɛke a.