Ɛzela Buluku ne 6:14 - BAEBOLO ANZƐƐ BULUKU NWUANZANWUANZA

¹⁴ Zɔhane ati Dwuu mgbanyima ne mɔ hɔle sua ne ɛzilɛ zo na bɛhɔle bɛ nyunlu kpalɛ. Mekɛ ne anu ɛnee Nyamenle kpɔmanvolɛma, Hagae nee Yido ara Zɛkalaya a ka Nyamenle nrɛlaleɛ ne kile bɛ a. Bɛwiele Ɛzonlenlɛ Sua ne si, kɛmɔ Yizilayɛ Nyamenle ne hyehyɛle la nee mɛla mɔɔ Pɛhyea Maanle Maanle arelemgbunli nsa ne, Saelɛse, Dalayɛse, nee Atazɛzɛse lile la se la.

Ɛzela Buluku ne 6:14 ပူးပေါင်းရင်းမြစ်များ

Ɛzela Buluku ne 3:8

Menli ne vi nlɔnu rale Ɛzonlenlɛ Sua ne anwo wɔ Gyɛlusalɛm la, ye ɛvolɛ nwiɔ, siane nwiɔ ne azo yɛɛ bɛbɔle sua ne ɛzilɛ bo a. Zɛlɛbabɛle, Dwɔhyua, nee bɛ mediema mɔɔ ɛha la, sɛlɛvolɛma nee Livaema mɔɔ ɛnee bɛ muala bɛhye bɛ bɛhɔ nlɔnu na bɛzia bɛra Gyɛlusalɛm la amuala zɔle nu kɛ bɛsi sua ne. Bɛvale Livaema mɔɔ ɛli ɛvolɛ abulanwiɔ mɔɔ kɔ la kɛ bɛnlea bɛmaa bɛzi Ɛdɛnkɛma Ɛzonlenlɛ Sua ne.

Ɛzela Buluku ne 4:24

Ɛhye ati Nyamenle Sua ne mɔɔ wɔ Gyɛlusalɛm la ɛzilɛ hale ɛkɛ ne toonwo ɔhɔdwule kɛ bɛvale Dalayɛse bɛziele Pɛhyea Maanle Maanle belemgbunli na ye ɛvolɛ nwiɔ ne azo.

Ɛzela Buluku ne 4:3

Na Zɛlɛbabɛle, Dwɔhyua nee Yizilayɛ mbusua mgbanyinli ne mɔ buale bɛ kɛ, “Yɛngyia bɛ moalɛ wɔ yɛ Nyamenle ne Ɛzonlenlɛ Sua ne ɛzilɛ nu gyima biala anwo. Yɛdayɛ yɛbazi Ɛdɛnkɛma, Yizilayɛ Nyamenle ne Ɛzonlenlɛ Sua ne, kɛmɔ Maanle Maanle Belemgbunli Saelɛse ɛze yɛ la.”

Ɛzela Buluku ne 5:1

Mekɛ ne anu ɛnee Nyamenle kpɔmanvolɛma, Hagae nee Zɛkalaya, mɔɔ ɔ ze a le Yido la lua Yizilayɛ Nyamenle ne duma nu lɛ Nyamenle nrɛlaleɛ ɛlɛmaa Dwuuma mɔɔ wɔ Dwuda nee Gyɛlusalɛm la.

Ɛzela Buluku ne 5:13

Noko mɔɔ Belemgbunli Saelɛse ralile Babelonia ebia ne la, ɛvolɛ ne ala anu, ɔvale mɛla ɔrale kɛ bɛzi Nyamenle Sua ne bieko.

Ɛzela Buluku ne 5:2

Na Hyialeteɛle ara Zɛlɛbabɛle nee Gyɛhozadake ara Dwɔhyua dwazole na bɛbɔle ɔ bo bieko kɛ bɛsi Nyamenle Sua ne wɔ Gyɛlusalɛm. Nyamenle kpɔmanvolɛma nwiɔ ne boale bɛ.

Ɛzela Buluku ne 6:3

“Wɔ ɛvolɛ ne ala mɔɔ bɛvale Belemgbunli Saelɛse bɛziele ebia zo la anu, belemgbunli manle bɛvale mɛla ɛhye bɛdole gua. Mɛla ne fane Nyamenle Sua ne mɔɔ wɔ Gyɛlusalɛm la anwo. Ɔse, ‘Bɛzi Nyamenle Ɛzonlenlɛ Sua ne bieko na ɔyɛ ɛleka mɔɔ ɛkɛ ne a bɛfa azubɔlɛ ninyɛne bɛkɔ, na bɛyela ninyɛne bɛbɔ azu a. Ɔwɔ kɛ ye anwuma ɛhɔlɛ yɛ mita abulanwiɔ nee nsuu yɛɛ ye tɛtɛlɛ noko zɔhane ala.

Ɛzela Buluku ne 6:8

Akee mɛla mɔɔ mefa meamaa wɔ, mɔɔ fane mɔɔ ɔwɔ kɛ ɛyɛ ɛmaa Dwuu mgbanyima ne mɔ wɔ Nyamenle Sua ne ɛzilɛ nu la ɛne: Kakɛ mɔɔ menli ne kɛbɔ la, fa belemgbunli gya ne mɔɔ wɔ Yufileti la anu ezukoa tua ye ndɛndɛ, amaa sua ne ɛzilɛ amkpo ɛhɛlɛ.

Ɛzela Buluku ne 7:1

Ɛvolɛ dɔɔnwo anzi, wɔ Pɛhyea Belemgbunli Atazɛzɛse mekɛ zo, ɛnee nrenya bie wɔ Babelonia, bɛfɛlɛ ye Ɛzela. Ɛzela ɔ ze a le Sɛlaya, Sɛlaya ɔ ze a le Azalaya, Azalaya ɔ ze a le Helekaya,

Ɛzela Buluku ne 9:9

Mɔɔ ɛnee yɛle ahanra la, yɛ Nyamenle ne arɛle amkpa yɛ nwo zo. Wɔmaa wɔ ɛhulolɛ ɛdenrɛ yɛ nwo zo wɔ Pɛhyea Maanle Maanle arelemgbunli anyunlu. Ɔlua zolɛ bɛbɔ yɛ ɛwɔkɛ na bɛmaa yɛ anwosesebɛ kɛ yɛzi yɛ Nyamenle ne Ɛzonlenlɛ Sua ne mɔɔ ɛbubu la, na yɛyɛ ye boɛ, na wɔazinza yɛ wɔ Dwuda nee Gyɛlusalɛm amuala.

Nihɛmaya Buluku ne 6:15

Yemɔti kenle abulanlu nee nwiɔ pɛpɛ, wɔ siane Yilɛle ne anu, ye kenle ne mɔɔ tɔ zolɛ abulanwiɔ nee nnu ne la azo yɛɛ banelielɛ ne wiele bɔkɔɔ a.

Ayezaya Buluku ne 44:28

Medame a meka mekile Saelɛse kɛ, ‘Ɔle me mboaneneavolɛ, yɛɛ ɔbayɛ debie biala mɔɔ mekpondɛ la;’ meka mekile Gyɛlusalɛm kɛ, ‘Bɛbakyekye ye bieko,’ na meka wɔ Ɛzonlenlɛ Sua ne anwo kɛ, ‘Bɛbawula wɔ adiabo ne aze.’ ”

Hagae Buluku ne 1:1

Mekɛ mɔɔ Pɛhyea Maanle Maanle Belemgbunli Dalayɛse lile ɛvolɛ nwiɔ wɔ ebia zo la, ye siane nsia ne azo, kenle ne mɔɔ lumua la, Ɛdɛnkɛma dendɛle hilele Nyamenle kpɔmanvolɛ Hagae. Hagae hanle nrɛlaleɛ ne hilele Dwuda amɛnlado ne, Hyialeteɛle ara Zɛlubabɛle nee Sɛlɛvolɛ Kpanyinli ne, Gyɛhɔzeedake ara Dwɔhyua.

Hagae Buluku ne 1:8

Bɛhɔ awoka ne mɔ azo lɔ bɛhɔva mbaka bɛrazi sua ne, amaa me nye alie nuhua, na meala me anyunlunyia ne ali wɔ nuhua. Medame Ɛdɛnkɛma a mese a.

Zɛkalaya Buluku ne 1:1

Mekɛ mɔɔ Maanle Maanle Belemgbunli Dalayɛse nyianle ɛvolɛ nwiɔ wɔ Pɛhyea ebia ne azo la, ye siane mɔtwɛ ne anu, Ɛdɛnkɛma rale Bɛlikaya ara Zɛkalaya, mɔɔ le Nyamenle kpɔmanvolɛ, na ɔ nlenya a le Yedo la anwo ɛkɛ

Zɛkalaya Buluku ne 1:16

Zɔhane ati medame Tumivolɛ Ɛdɛnkɛma mese, mezia mera Gyɛlusalɛm, na me nee anwunvɔnezelɛ a ɛra a. Bɛbazi me Sua ne wɔ zolɛ, na bɛbava ɛzuzudeɛ ne bɛado Gyɛlusalɛm anwo.’

Zɛkalaya Buluku ne 4:9

ɔse, “Zɛlubabɛle ɛwula sua ɛhye adiabo ne aze; ɔbazi yeawie. Na ɛkɛ ne yɛɛ bɛbanwu kɛ Tumivolɛ Ɛdɛnkɛma a ɛzoa wɔ bɛ nwo ɛke a.

Zɛkalaya Buluku ne 8:9

Tumivolɛ Ɛdɛnkɛma se, “Bɛdabɛ mɔɔ bɛlɛtie edwɛkɛ ɛhye mɔ bɛavi me kpɔmanvolɛma anloa la, bɛnyia akɛnrasesebɛ, kɛmɔ mekɛ mɔɔ bɛwula Tumivolɛ Ɛdɛnkɛma Sua ne aze la bɛnyianle la, amaa bɛahola bɛazi Ɛdɛnkɛma Ɛzonlenlɛ Sua ne.