Ɛzela Buluku ne 6:11 - BAEBOLO ANZƐƐ BULUKU NWUANZANWUANZA

¹¹ Akee meli mɛla ɛhye kɛ: Awie biala mɔɔ kɛhakyi mɛla ne mɔɔ meli la, bɛhwe ye sua ne anu mgbunla ne mɔ ko, bɛzinzi ɔ ti na bɛva bɛwɔ ɔ kunlu bɛmaa ɔvinde ɔ nzi, na akee bɛgologolo ye sua ne bɛgua.

Ɛzela Buluku ne 6:11 ပူးပေါင်းရင်းမြစ်များ

2 Arl 10:27

Yemɔti bɛyelale Beeyale sika ne, bɛyelale ye bozonle sua ne na bɛvale ɛkɛ ne bɛyɛle ɛfo. Ɛnɛ bɔbɔ ala ɔtɛde zɔhane.

2 Arl 9:37

na Gyɛzɛbɛle funli bayɛ kɛ ewula la wɔ Gyɛzɛlii guabile zo, amaa awie annwu ye sonla holɛ na yeaze kɛ, Gyɛzɛbɛle a la ɛke la.’ ”

Ɛzela Buluku ne 7:26

Awie biala mɔɔ anli wɔ Nyamenle ne mɛla zo anzɛɛ anli belemgbunli ne mɛla zo la, ɔwɔ kɛ bɛbua ye ewule fɔlɛ anzɛɛ bɛtu ye bɛfi maanle ne anu, anzɛɛ bɛsa ye bɛdie ɔ nwo ninyɛne kɔsɔɔti, anzɛɛ bɛto ye efiade.”

Ɛseta Buluku ne 5:4

Ɛseta buale ye kɛ, “Nana, mesɛlɛ wɔ, saa mekola ye ka a anrɛɛ mese saa ɛkulo a ɛ nee Heeman bɛrɛla me ɛkɛ ɛnɛ nɔsolɛ na meyɛ debie mezie wɔ na bɛrakpula bɛ sa.”

Ɛseta Buluku ne 7:10

Na bɛvale Heeman bɛhɔzinzele ɛhuleka ne mɔɔ ɔmanle bɛzieziele kɛ ɔbava yeahu Mɔdekae la azo. Na akee belemgbunli ne akunlu dwole fɔɔnwo.

Daneɛle Buluku ne 2:5

Belemgbunli ne zele bɛ kɛ, “Meka nɔhalɛ ne meahile bɛ: Saa bɛangola bɛannwu ɛlalɛ ne bɛanga, bɛangile ɔ bo a, mebamaa bɛatete bɛ bɛahu bɛ, bɛabɔ bɛ awuke ne mɔ tɔɔ.

Daneɛle Buluku ne 3:29

“Yemɔti medi mɛla kɛ maanle anzɛɛ menli biala anzɛɛ aneɛ biala mɔɔ kɛdendɛ ɛtane kɛtia Hyeedelake, Mihyake, yɛɛ Abɛdenɛgo Nyamenle ne la, bɛdudu bɛ abɛsa abɛsa na bɛyela bɛ azua ne mɔ. Ɔluakɛ nyamenle biala ɛnle ɛkɛ mɔɔ kola die ngoane kɛ bɛ Nyamenle ɛdeɛ ne la.”