Ɛzela Buluku ne 5:8 - BAEBOLO ANZƐƐ BULUKU NWUANZANWUANZA

⁸ “Yɛmaa belemgbunli ade kɛ yɛhɔle Dwuda maanzinli nu na yɛhɔnwunle kɛ bɛlɛsi Nyamenle bedevinli ne Ɛzonlenlɛ Sua ne bieko. Menli ne mɔ lɛ awolɛ mgbole a ɛlɛsi a na bɛfa mbaka mgbole bɛwulowula ye bane ne mɔ anu. Menli ne lɛ nrɛlɛbɛ nee adwenle, bɛdo bɛ rɛle aze yɛɛ bɛlɛsi sua ne a, na ɔlɛkɔ zolɛ kpalɛ.

Ɛzela Buluku ne 5:8 ပူးပေါင်းရင်းမြစ်များ

Ɛzela Buluku ne 2:1

Yizilayɛma mɔɔ bɛhyele bɛ bɛhɔle nlɔnu wɔ Babelɔn maanzinli nu la anu somaa ne ala ziale rale Gyɛlusalɛm nee Dwuda, na awie biala hɔle ye sua zo. Belemgbunli Nɛbukadenɛza a hyele menli zɔhane mɔ mgbanyinli nuokɛ hɔle Babelonia a.

Ɛzela Buluku ne 5:7

“Yɛlɛ yɛkamaa Maanle Maanle Belemgbunli Dalayɛse. Wɔ belemgbunlililɛ ɛva anzonudwolɛ ɛrɛla.

Ɛzela Buluku ne 5:9

“Yɛbizale bɛ mgbanyima ne mɔ kɛ bɛhile yɛ ahenle mɔɔ manle bɛ adenle kɛ bɛzi Ɛzonlenlɛ Sua ne la.

Ɛzela Buluku ne 6:10

amaa bɛabɔ azu mɔɔ sɔ Nyamenle ne mɔɔ wɔ anwuma la anye na bɛazɛlɛ bɛamaa belemgbunli nee ɔ mra mrenya kpalɛyɛlɛ.

Ɛzela Buluku ne 6:4

Bɛva awolɛ mgbole bɛdo ye fadum ɛhonlone nsa na bɛva mbaka bɛzɔ zolɛ ɛhonlone ko. Nwolɛ kakɛ ne amuala, bɛde bɛvi belemgbunli gya ne anu.

Ɛzela Buluku ne 7:23

Debie biala mɔɔ Anwuma Nyamenle ne kɛhile kɛ bɛyɛ wɔ Ɛzonlenlɛ Sua ne anwo la, bɛnlea bɛmaa bɛyɛ, amaa Nyamenle anva me nee me bo zo amra mɔɔ bali belemgbunli la anwo ɛya.

Nihɛmaya Buluku ne 11:3

Wɔ azua nee azuamgbole ne mɔ azo, Yizilayɛma, sɛlɛvolɛma, Livaema, Ɛzonlenlɛ Sua nu gyimayɛvoma, yɛɛ Sɔlɔmɔn sonvolɛma abo zo amra ne mɔ dɛnlanle bɛdabɛ bɛ azua nee bɛ azɛlɛ zo. Dwudama nee Bɛngyamanema bie mɔ dɛnlanle Gyɛlusalɛm.

Nihɛmaya Buluku ne 7:6

Nlɔnuma ne dɔɔnwo vi Babelɔn a ziale rale Gyɛlusalɛm nee Dwuda a, na ko biala ziale hɔle ɔdaye ye sua zo. Bɛ mgbanyima ne mɔ hɔdwule Babelonia mekɛ mɔɔ Belemgbunli Nɛbukadenɛza vale bɛ ɛlɔne nu donvula la.

Ɛseta Buluku ne 1:1

Mekɛ mɔɔ Zɛzɛse a di Maanle Maanle belemgbunli wɔ Pɛhyea la ɛnee ye suakpole a le Susa. Ɔziele maanle maanle mɔɔ bo ɛya ko abulanwiɔ nee nsuu, ɔvi Yendea toonwo kɔkpula Yiteyopea.

Ɛseta Buluku ne 1:22

Ɔhɛlɛle ngɛlata ɔhɔle ye maanle maanle ne mɔ amuala anu, maanle ko biala ɔdaye ye aneɛ nu kɛ, “Wɔ awuke biala anu, nrenya ne a le kpanyinli a, yɛɛ ɔ nloa edwɛkɛ, bɛndu bɛndo.”

Edwɛndolɛ Buluku ne 145:3

Ɛdɛnkɛma le kpole, yɛɛ ɔwɔ kɛ bɛye ye ayɛlɛ kpole; ye kpoleyɛlɛ, sonla ɛngola ɛnvedevede nu.

Daneɛle Buluku ne 2:47

Belemgbunli ne hanle hilele Daneɛle kɛ, “Nɔhalɛ, wɔ Nyamenle ne le nyamenle kɔsɔɔti bɛ Nyamenle, yɛɛ ɔle arelemgbunli kɔsɔɔti bɛ Awulae. Ɔle Nyamenle mɔɔ sa fealera nu ninyɛne gua zolɛ a. Ɔboalekɛ wɔhola wɔla me fealera nu edwɛkɛ ɛhye ali.”

Daneɛle Buluku ne 3:26

Belemgbunli Nɛbukadenɛza dudule agyakɛ bikyele sendɔlɔra ne na ɔzele kɛ, “Hyeedelake, Mihyake, Abɛdenɛgo, Anwuma Anwuma Nyamenle sonvolɛma, bɛvinde bɛrɛla!” Yemɔti Hyeedelake, Mihyake, yɛɛ Abɛdenɛgo vi sendɔlɔra ne anu vindele rale.

Daneɛle Buluku ne 4:2

Anwuma Anwuma Nyamenle ne ɛyɛ nwanwane ninyɛne, ɛye sɛkɛlɛneɛ ɛhile me, na ɔle kpalɛ kɛ menwɔha menwɔhile bɛ.

Daneɛle Buluku ne 6:26

Memaa bɛade kɛ meli mɛla kɛ awie biala mɔɔ wɔ me maanle ye anu la ɛzonle na ɔzulo Daneɛle Nyamenle ne. “Ɔluakɛ ɔle Tease Nyamenle, ɔwɔ ɛkɛ ne dahuu; na ɔbali belemgbunli dahuu.

Mɛla 10:17

Ɔluakɛ Ɛdɛnkɛma bɛ Nyamenle ne le nyamenle kɔsɔɔti bɛ Nyamenle nee awulae mɔ Awulae; ɔle kpole, ɔle bedevinli na ɔle Nyamenle anwo ɛzulolɛ, mɔɔ ɔnli mɔguazo yɛɛ ɔnlie ndoloboa a.

Mɛla 32:31

Ɔluakɛ bɛ bodane ne ɛnle kɛ yɛ Bodane ne, yɛ kpɔvolɛma bɔbɔ ze ɛhye sie.