Ɛzela Buluku ne 5:3 - BAEBOLO ANZƐƐ BULUKU NWUANZANWUANZA

³ Ndɛndɛ ne ala Yufileti Adɔleɛ Amɛnlado Tatenae, nee Hyita Bɔzenae, nee bɛ gɔnwo mɔ arane mbɔlɔba rale Gyɛlusalɛm rabizale bɛ kɛ, “Nwane a manle bɛ adenle kɛ bɛzɔ Nyamenle Ɛzonlenlɛ Sua ye ɛzilɛ zo bieko a?”

Ɛzela Buluku ne 5:3 ပူးပေါင်းရင်းမြစ်များ

Ɛzela Buluku ne 1:3

Nyamenle nee ye menli ne mɔ mɔɔ wɔ yɛ avinli la ɛdɛnla. Bɛmaa bɛ adenle bɛmaa bɛhɔ Gyɛlusalɛm mɔɔ wɔ Dwuda la na bɛhɔzi Ɛdɛnkɛma, Yizilayɛ Nyamenle ne, Nyamenle ne mɔɔ bɛsonle ye wɔ Gyɛlusalɛm la Ɛzonlenlɛ Sua ne bieko.

Ɛzela Buluku ne 4:12

“Yɛmaa Belemgbunli Atazɛzɛse ade kɛ Dwuuma mɔɔ vi wɔ maanle ɛhendeɛ ne mɔ anu lɔ rale la ɛhɔdɛnla aze wɔ Gyɛlusalɛm na bɛlɛkyekye suakpole zɔhane bieko. Ɛze kɛ menli mɔɔ wɔ Gyɛlusalɛm la ɛngyɛ na ade atua, yɛɛ bɛ ti yɛ se. Kɛkala, asɛɛ bɛwie ye bane ne mɔ boɛ yɛ yɛɛ bɛlɛyɛ ye adiabo ne mɔ boɛ.

Ɛzela Buluku ne 4:9

“Yɛdayɛ, Amɛnlado Rilihɛm, Kɛlɛhɛlɛvolɛ Hyemehyae, nee yɛ gɔnwo mɔ ndɛnebuavolɛma, nee arane mbɔlɔba mgbanyinli mɔɔ vi Yilɛke nee Babelɔn, nee Susa mɔɔ wɔ Yilam la,

Ɛzela Buluku ne 5:6

Kɛlata mɔɔ Yufileti Adɔleɛ Amɛnlado Tatenae, Hyita Bɔzenae, nee bɛ sa zo arane mbɔlɔba vale hɔmanle Belemgbunli Dalayɛse la, edwɛkɛ mɔɔ wɔ nu la ɛne:

Ɛzela Buluku ne 5:9

“Yɛbizale bɛ mgbanyima ne mɔ kɛ bɛhile yɛ ahenle mɔɔ manle bɛ adenle kɛ bɛzi Ɛzonlenlɛ Sua ne la.

Ɛzela Buluku ne 6:13

Akee ɔlua Belemgbunli Dalayɛse mɛla ɛhye mɔɔ ɔvale ɔhɔmanle bɛ la ati, Amɛnlado Tatenae mɔɔ nea Yufileti Adɔleɛ maanzinli zo, nee Hyita Bɔzenae, nee bɛ gɔnwo mɔ arane mbɔlɔba lile mɛla ne azo kpalɛ na bɛyɛle mɔɔ belemgbunli ne kpondɛ kɛ bɛyɛ la.

Ɛzela Buluku ne 6:6

Na Belemgbunli Dalayɛse vale mualɛ ɛhye hɔmanle bɛ. Ɔse, “Melɛ mekamaa Yufileti Adɔleɛ Amɛnlado Tatenae, nee Hyita Bɔzenae, nee bɛdabɛ arane mbɔlɔba kɔsɔɔti mɔɔ wɔ maanzinli ne anu la. Bɛhwe bɛ nwo bɛvi Ɛzonlenlɛ Sua ne ɛzilɛ nwo.

Ɛzela Buluku ne 7:21

“Akee medame, Belemgbunli Atazɛzɛse, meyɛ mɛla ɛhye na mese me gya sievolɛma mɔɔ wɔ Yufileti Adɔleɛ la amuala kɛ: Debie biala mɔɔ sɛlɛvolɛ Ɛzela, mɔɔ le Nyamenle ne mɔɔ wɔ anwuma la Mɛla kɛlɛhɛlɛvolɛ ne kɛbiza bɛ la, bɛnlea na bɛyɛ ye gyɛlɛɛnye bɛmaa ye.

Hagae Buluku ne 1:1

Mekɛ mɔɔ Pɛhyea Maanle Maanle Belemgbunli Dalayɛse lile ɛvolɛ nwiɔ wɔ ebia zo la, ye siane nsia ne azo, kenle ne mɔɔ lumua la, Ɛdɛnkɛma dendɛle hilele Nyamenle kpɔmanvolɛ Hagae. Hagae hanle nrɛlaleɛ ne hilele Dwuda amɛnlado ne, Hyialeteɛle ara Zɛlubabɛle nee Sɛlɛvolɛ Kpanyinli ne, Gyɛhɔzeedake ara Dwɔhyua.

Edwɛkpa ne kɛmɔ Mateyu hɛlɛle la 21:23

Gyisɛse ziale rale Ɛzonlenlɛ Sua ne anu, na mɔɔ ɔlɛkilehile la, sɛlɛvolɛ mgbanyinli ne nee mgbanyima ne mɔ rale ɔ nwo ɛkɛ ne rabizale ye kɛ, “Duzu tumi a ɛlɛfa wɔayɛ ninyɛne ɛhye mɔ a? Nwane a manle wɔ tumi ɛhye a?”

Ɛzoanvolɛma Gyima ne 4:7

Bɛmanle ɛzoanvolɛma nwiɔ ne ragyinlanle bɛ nyunlu ɛkɛ ne na bɛbizale bɛ kɛ, “Kɛ bɛzile bɛyɛle nrenya ye ayile ɛ? Tumi boni azo anzɛɛ duma boni anu a bɛluale bɛyɛle zɛhae gyima a?”