Ɛzela Buluku ne 5:15 - BAEBOLO ANZƐƐ BULUKU NWUANZANWUANZA

¹⁵ na ɔzele ye kɛ, “Die ninyɛne ɛhye mɔ na fa kɔgua Ɛzonlenlɛ Sua ne anu wɔ Gyɛlusalɛm, na eza bɛzi Nyamenle Sua ne wɔ ɔ bo zo ne ala.”

Ɛzela Buluku ne 5:15 ပူးပေါင်းရင်းမြစ်များ

Ɛzela Buluku ne 1:2

“Kɛ Belemgbunli Saelɛse mɔɔ nea Pɛhyea Maanle Maanle ne mɔ azo la se la ɛne: Ɛdɛnkɛma, mɔɔ le Anwuma Nyamenle ne ɛva maanle maanle mɔɔ wɔ azɛlɛ ye azo la amuala ɛwula me sa nu kɛ menzie bɛ. Na yeze me kɛ menzi Ɛzonlenlɛ Sua memaa ye wɔ Gyɛlusalɛm mɔɔ wɔ Dwuda la.

Ɛzela Buluku ne 3:3

Ɛnee bɛsulo menli mɔɔ wɔ maanle ne anu la ɛdeɛ, noko bɛzile azukponle ne wɔ ɔ bo zo ne ala. Na bɛyelale nane wɔ zolɛ bɛbɔle azu bɛmanle Ɛdɛnkɛma nwonlomɔ nee nɔsolɛ biala.

Ɛzela Buluku ne 5:14

Eza ezukoa nvutuke nee dwɛtɛ fufule ahyɛnze mɔɔ Belemgbunli Nɛbukadenɛza rahwenle vile Gyɛlusalɛm Ɛzonlenlɛ Sua ne anu hɔle ye belemgbunli sua nu ɛkɛ ne la, Saelɛse hwenle bɛ kɔsɔɔti vile Babelɔn awozonle sua ne anu vindele. Belemgbunli Saelɛse vale ninyɛne zɔhane mɔ manle nrenya bie mɔɔ bɛfɛlɛ ye Hyɛhyebazaa mɔɔ ɛnee yeyɛ ye amɛnlado wɔ Dwuda maanzinli nu la,

Ɛzela Buluku ne 5:16

Yemɔti Hyɛhyebazaa zɔhane a rawulale Nyamenle Sua ye aze wɔ Gyɛlusalɛm ɛke a, yɛɛ ɔvi mekɛ zɔhane toonwo mɔɔ yeradwu ɛnɛ la yɛtɛgua zolɛ yɛtɛsi sua ye, yɛtɛnyianle yɛtɛwiele fee.’

Ɛzela Buluku ne 6:3

“Wɔ ɛvolɛ ne ala mɔɔ bɛvale Belemgbunli Saelɛse bɛziele ebia zo la anu, belemgbunli manle bɛvale mɛla ɛhye bɛdole gua. Mɛla ne fane Nyamenle Sua ne mɔɔ wɔ Gyɛlusalɛm la anwo. Ɔse, ‘Bɛzi Nyamenle Ɛzonlenlɛ Sua ne bieko na ɔyɛ ɛleka mɔɔ ɛkɛ ne a bɛfa azubɔlɛ ninyɛne bɛkɔ, na bɛyela ninyɛne bɛbɔ azu a. Ɔwɔ kɛ ye anwuma ɛhɔlɛ yɛ mita abulanwiɔ nee nsuu yɛɛ ye tɛtɛlɛ noko zɔhane ala.