Ɛzela Buluku ne 5:12 - BAEBOLO ANZƐƐ BULUKU NWUANZANWUANZA

¹² Na kɛmɔ yɛ nlenya mɔ hanle Nyamenle mɔɔ wɔ anwuma la ɛya la ati, ɔyele bɛ ɔmanle Kyaledianli Babelonia Belemgbunli Nɛbukadenɛza. Na yemɔ yɛɛ ɔzɛkyele Ɛzonlenlɛ Sua ye, na ɔhyele menli ne bie mɔ nuokɛ ɔhɔle Babelonia a.

Ɛzela Buluku ne 5:12 ပူးပေါင်းရင်းမြစ်များ

2 Arl 24:2

Ɛdɛnkɛma manle Babelonia, Selea, Mowabe, nee Amɔn ɛlɔnema rale Gyɛhɔyakem anwo zo na bɛzɛkyele Dwuda bɔkɔɔ, kɛmɔ Ɛdɛnkɛma luale ye sonvolɛma, kpɔmanvolɛma ne anwo zo hanle kɛ ɔbayɛ la.

2 Arl 25:1

Zɛdikaya dele Babelonia Belemgbunli Nɛbukadenɛza anwo atua. Yemɔti Nɛbukadenɛza vale ye ɛlɔnema rabɛnrale yiale Gyɛlusalɛm kɛ bɛ nee menli mɔɔ wɔ ɛkɛ ne la baho. Ɛhye zile mekɛ mɔɔ ɛnee Zɛdikaya ɛli ɛvolɛ ngɔnla siane bulu, kenle bulu wɔ ebia ne azo la. Nɛbukadenɛza ɛlɔnema ne yɛle bɛ azokoɛleɛ wɔ suakpole ne kandiba, bɛpɛle ahuma na bɛhyele ɛhane bɛlale nu.

2 Edk 36:20

Akee bɛhyele bɛdabɛ mɔɔ bɛangu bɛ la amuala nuokɛ bɛ nee bɛ hɔle nlɔnu wɔ Babelonia, na bɛmanle bɛhɔzonlenle Babelonia belemgbunli ne nee ɔ mra mrenya ne mɔ toonwo ɔhɔdwule kɛ akee Pɛhyea Belemgbunli Maanle ne rale zolɛ la.

Edwɛndolɛ Buluku ne 106:40

Akee Ɛdɛnkɛma vale ye menli ne anwo ɛya, na ɔkpole ye agyadeɛ.

Ayezaya Buluku ne 47:6

Menvale me menli ne anwo ɛya, menguale me agyadeɛ nwo evinli; menyele bɛ menwulale ɛ sa nu, wɔannwu bɛ anwunvɔne, na ɛmanle mrelera yɛle gyima ɛsesebɛ.

Gyɛlɛmaya Buluku ne 5:29

“Asoo ɔnle kɛ metea bɛ wɔ ninyɛne ɛhye mɔ anwo, na mesenra maanle zɛhae ɔ?

Gyɛlɛmaya Buluku ne 51:59

Belemgbunli Zɛdikaya lile Dwuda ebia ne la, ye ɛvolɛ nna ne anu, Nyamenle Kpɔmanvolɛ Gyɛlɛmaya hanle edwɛkɛ hilele Sɛlaya. Sɛlaya le Zɛdikaya abɔlɔba. Ɔle Masaya anlɔnra yɛɛ ɔ ze a le Nilaya. Ɛnee Sɛlaya nee Belemgbunli Zɛdikaya ɛlɛkɔ Babelonia.

Gyɛlɛmaya Buluku ne 52:12

Mɔɔ Babelonia Belemgbunli Nɛbukadenɛza lile ɛvolɛ bulu nee ngɔnla wɔ ebia ne azo la, ye siane nnu ne, kenle mɔɔ tɔ zo bulu la azo, ye sinzavolɛma Safohyenle Nɛbuzaladan vole Gyɛlusalɛm.

Daneɛle Buluku ne 9:5

yɛyɛ ɛtane yɛtia wɔ, yɛyɛ mɔɔ bɛnyɛ la. Yɛyɛ amumuyɛ, yɛde atua na yɛhakyi yɛ nzi yɛzi wɔ mɛla ne nee wɔ ngyehyɛlɛ ne mɔ.

Mɛla 31:17

Mekɛ zɔhane anu, mebava bɛ nwo ɛya na meamaa bɛazɛkye bɛ. Munzule dɔɔnwo basisi bɛ nwo zo na bɛanwu amaneɛ. Na ɔdwu zo a akee bɛbaha kɛ, ‘Ɛhye mɔ kɔsɔɔti ɛzi yɛ nwo zo, ɔboalekɛ yɛ Nyamenle ne ɛnle yɛ avinli.’

Mɛla 32:30

Kɛ ɔkɛyɛ na baholɛ avoa apenle, na menli nwiɔ aha apenle bulu agua ɛbɔ nu ɛ? Kyesɛ Ɛdɛnkɛma bɛ Bodane ne ɛdɔne bɛ ɛmaa, na Ɛdɛnkɛma ɛye bɛ ɛmaa.

Maanlebuvolɛma Buluku ne 2:14

Yemɔti Ɛdɛnkɛma vale Yizilayɛma anwo ɛya kpole. Ɔmanle ɛlɔne ratetale bɛ, bole bɛ, wuale bɛ ninyɛne, na ɔyele bɛ ɔmanle bɛ kpɔvolɛma mɔɔ ɛbɔ ɛyia bɛ la. Na Yizilayɛma yɛle anwunvɔne somaa wɔ bɛ sa nu.

Maanlebuvolɛma Buluku ne 4:2

Ɛdɛnkɛma yele bɛ manle Gyeeben mɔɔ le Keena belemgbunli ne mɔɔ di ebia wɔ Heezɔ la. Safohyenlema Kpanyinli mɔɔ ɛnee nea belemgbunli ne ɛlɔnema ne anwo zo la bɛfɛlɛ ye Sesɛla; ɔdɛnlanle Halohyɛte, mɔɔ wɔ menli mɔɔ ɛnle Dwuuma la maanle nu la.

Maanlebuvolɛma Buluku ne 6:1

Yizilayɛma eza yɛle ɛtane tiale Ɛdɛnkɛma, na Ɛdɛnkɛma manle Medeanema ziele bɛ ɛvolɛ nsuu.