Ɛzela Buluku ne 5:11 - BAEBOLO ANZƐƐ BULUKU NWUANZANWUANZA

¹¹ “Na bɛbuale yɛ kɛ, ‘Yɛle Nyamenle ne mɔɔ bɔle anwuma nee aze la sonvolɛma. Yɛlɛsi Ɛzonlenlɛ Sua ɛhye mɔɔ bɛzile ye mɔmoane la bieko. Ɔle sua mɔɔ Yizilayɛ belemgbunli kpole bie a zile wiele a.

Ɛzela Buluku ne 5:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:3

Mekulo kɛ ɛfa Ɛdɛnkɛma, Nyamenle ne mɔɔ bɔle anwuma nee aze la ɛka ndane kɛ, ɛnrɛgya Keenama mɔɔ mede bɛ avinli la amra mraalɛ ne mɔ bie ɛnrɛmaa me ra nrenya ne,

1 Arl 6:38

Ye ɛvolɛ bulu nee ko ne anu, siane ne mɔɔ tɔ zolɛ mɔtwɛ, mɔɔ bɛfɛlɛ ye “Buulu ” la anu a bɛwiele sua ne anwo debie biala yɛ na bɛyele bɛ sa nwolɛ a, kɛmɔ bɛhyehyɛle la pɛpɛ. Sɔlɔmɔn vale ɛvolɛ nsuu a zile Ɛzonlenlɛ Sua ne a.

1 Arl 9:10

Sɔlɔmɔn vale ɛvolɛ abulanwiɔ a zile Ɛzonlenlɛ Sua ne na ɔbule belemgbunli awuke ne a.

Ɛzela Buluku ne 5:10

Eza yɛbizale menli mɔɔ ɛlɛsi sua ne la aluma amaa yɛahɛlɛ menli mɔɔ li bɛ ti la aluma yɛarɛlɛ wɔ.

Edwɛndolɛ Buluku ne 119:46

Mebabɔ wɔ mɛla ne mɔ nolo meahile arelemgbunli, menrɛze nwolɛ nyiane,

Edwɛndolɛ Buluku ne 136:26

Bɛyɛ anwuma Nyamenle ne mo; ɔluakɛ ye ɛhulolɛ kpundii ne wɔ ɛkɛ dahuu.

Daneɛle Buluku ne 3:26

Belemgbunli Nɛbukadenɛza dudule agyakɛ bikyele sendɔlɔra ne na ɔzele kɛ, “Hyeedelake, Mihyake, Abɛdenɛgo, Anwuma Anwuma Nyamenle sonvolɛma, bɛvinde bɛrɛla!” Yemɔti Hyeedelake, Mihyake, yɛɛ Abɛdenɛgo vi sendɔlɔra ne anu vindele rale.

Dwona Buluku ne 1:9

Dwona buale kɛ, “Mele Hibulunli. Mesonle Ɛdɛnkɛma, Nyamenle ne mɔɔ wɔ anwuma la. Yemɔ a ɔbɔle nyevile nee azɛlɛ a.”

Edwɛkpa ne kɛmɔ Mateyu hɛlɛle la 10:32

“Awie biala mɔɔ kɛha ye baguase kɛ ɔle me ɛdeɛ la, medame menwɔyɛ ye zɔhane ala menwɔmaa ye wɔ Egya mɔɔ wɔ anwuma la anyunlu.

Edwɛkpa ne kɛmɔ Luku hɛlɛle la 12:8

“Meka meahile bɛ, awie biala mɔɔ kɛbɔ ye te wɔ bagua nu kɛ ɔle me ɛdeɛ la, medame Sonla Ra, mebayɛ ye zɔhane ala meamaa ye wɔ Nyamenle soanvolɛma anyunlu.

Ɛzoanvolɛma Gyima ne 27:23

Nɔe, Nyamenle ne mɔɔ mele ye ɛdeɛ na mesonle ye la soanvolɛ rale me nwo ɛke,

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Wulo 6:16

Bɛdabɛ bɛze ye wienyi kɛ saa bɛbu bɛ nwo bɛmaa awie kɛ bɛsonle ye kɛ bɛle ahanra a, ɛnee bɛle ahanra bɛmaa ahenle ne mɔɔ bɛsonle ye la. Saa ɛtane a le bɛ menle a, bɛbanyia nwolɛ ewule, saa bɛtie Nyamenle noko a, bɛbalie bɛ bɛamaa bɛazɔ Nyamenle anye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:14

Na mame, ɔkɛbɔ me tɔ kɛ menwɔdu me nloa anu a kyesɛ debie ko anwo ala, yemɔ a le Awulae Kelaese Gyisɛse meanubaka ne. Ɔluakɛ ye meanubaka ne ati, ewiade le debie funli maa me, yɛɛ medame mumua ne mewu memaa ewiade.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”