Ɛzela Buluku ne 4:4 - BAEBOLO ANZƐƐ BULUKU NWUANZANWUANZA

⁴ Ɛhye ati menli mɔɔ wɔ maanle ne anu la bɔle ɔ bo kɛ bɛsɛkye Dwudama adwenle, na bɛhanle bɛ ɛzulolɛ mɔɔ ɛnee akee bɛkɔ gyima ne anwo bɔbɔ a bɛsulo.

Ɛzela Buluku ne 4:4 ပူးပေါင်းရင်းမြစ်များ

2 Sam 4:1

Mɔɔ Yehyebɔhyɛte dele kɛ bɛhu Abenɛɛ wɔ Hibulɔn la, ɔ nwo bubule ye, Yizilayɛma kɔsɔɔti zulole.

Ɛzela Buluku ne 3:3

Ɛnee bɛsulo menli mɔɔ wɔ maanle ne anu la ɛdeɛ, noko bɛzile azukponle ne wɔ ɔ bo zo ne ala. Na bɛyelale nane wɔ zolɛ bɛbɔle azu bɛmanle Ɛdɛnkɛma nwonlomɔ nee nɔsolɛ biala.

Ɛzela Buluku ne 4:5

Bɛbɔle menli ɛkpa kɛ bɛdendɛ bɛtia bɛ na bɛzɛkye sua ne ɛzilɛ nwo adwenle ne. Bɛyɛle ɛhye, ɔvi Belemgbunli Saelɛse mekɛ zo toonwo ɔradwule Belemgbunli Dalayɛse mekɛ zo.

Nihɛmaya Buluku ne 4:11

Yɛ kpɔvolɛma ne zele kɛ, “Bɛnrɛde nganeɛ yɛɛ bɛnrɛnwu ye, Kɔkpula kɛ yɛkɛholo bɛ nwo zo, Yɛkɛhu bɛ na banelielɛ ne kɛpeme ɛkpa.”

Nihɛmaya Buluku ne 4:2

Wɔ ɔ gɔnwo mɔ nee Samɛlea ɛlɔnema anyunlu, ɔzele kɛ, “Duzu a Dwuuma anwo anwunvɔne ɛhye mɔ ɛlɛyɛ a? Na bɛdwenle kɛ bɛkɛhola bɛkɛva kenle ko bɛkɛwie gyima ne yɛ ɔ? Anzɛɛ bɛdwenle kɛ awolɛ ɛhye mɔ mɔɔ ɛyelɛyela ɛyɛ ewula la bɛkɛhola bɛkɛhakyi bɛ awolɛ mɔɔ bɛfa bɛsi sua a ɔyɛ boɛ ɔ?”

Nihɛmaya Buluku ne 6:9

Ɔluakɛ ɛnee bɛkulo kɛ bɛnwunlonwunla yɛ amaa bɛaze kɛ, “Bɛ sa ɛkpa, bɛangola gyima ne yɛ.” O Nyamenle, kpogya me sa zo ɛ!

Gyɛlɛmaya Buluku ne 38:4

Na mgbanyima ne mɔ hanle hilele belemgbunli ne kɛ, “Maa bɛhu nrenya ɛhye, ɔluakɛ ɔlɛka edwɛkɛ yeamaa ɛlɔnema mɔɔ ɛha suakpole ye azo nee menli ne amuala asa anu atuto. Nrenya ɛhye ɛnzuzu maanlema boɛ, ɔsuzu bɛ nee ɛtane.”

Daneɛle Buluku ne 10:13

Pɛhyea maanle ne awozinli nu soanvolɛ ne nee me dwudwule toonwo kenle abulanwiɔ nee ko. Nzinlii Nyamenle soanvolɛ mgbanyima ne mɔ ko mɔɔ bɛfɛlɛ ye Maekeɛle la raboale me, yemɔti mengyakyile ye ɛkɛ kɛ ɔ nee Pɛhyea maanle ne awozinli nu soanvolɛ ne ɛgyinla nwolɛ,

Daneɛle Buluku ne 10:20

Ɔbizale me kɛ, “Asoo ɛze deɛ mɔɔ yemɔti mera ɛ nwo ɛke la? Mera mebaha edwɛkɛ mɔɔ bɛhɛlɛ ye wɔ Nɔhalɛ Buluku ne anu la meahile wɔ. Kɛkala ɔwɔ kɛ mesia mekɔ me nee Pɛhyea maanle ne awozinli nu soanvolɛ ne kɔko. Ɛhye anzi Gilisi awozinli nu soanvolɛ ne ɔdaye ɔbadwazo me nwo zo. Menlɛ boavolɛ biala kɛ Yizilayɛ Nyamenle soanvolɛ Maekeɛle ala.