Ɛzela Buluku ne 4:24 - BAEBOLO ANZƐƐ BULUKU NWUANZANWUANZA

²⁴ Ɛhye ati Nyamenle Sua ne mɔɔ wɔ Gyɛlusalɛm la ɛzilɛ hale ɛkɛ ne toonwo ɔhɔdwule kɛ bɛvale Dalayɛse bɛziele Pɛhyea Maanle Maanle belemgbunli na ye ɛvolɛ nwiɔ ne azo.

Ɛzela Buluku ne 4:24 ပူးပေါင်းရင်းမြစ်များ

Ɛzela Buluku ne 3:8

Menli ne vi nlɔnu rale Ɛzonlenlɛ Sua ne anwo wɔ Gyɛlusalɛm la, ye ɛvolɛ nwiɔ, siane nwiɔ ne azo yɛɛ bɛbɔle sua ne ɛzilɛ bo a. Zɛlɛbabɛle, Dwɔhyua, nee bɛ mediema mɔɔ ɛha la, sɛlɛvolɛma nee Livaema mɔɔ ɛnee bɛ muala bɛhye bɛ bɛhɔ nlɔnu na bɛzia bɛra Gyɛlusalɛm la amuala zɔle nu kɛ bɛsi sua ne. Bɛvale Livaema mɔɔ ɛli ɛvolɛ abulanwiɔ mɔɔ kɔ la kɛ bɛnlea bɛmaa bɛzi Ɛdɛnkɛma Ɛzonlenlɛ Sua ne.

Ɛzela Buluku ne 4:23

Mɔɔ bɛgengale Belemgbunli Atazɛzɛse kɛlata ne bɛhilele Rilihɛm, Hyemehyae, nee bɛ gɔnwo mɔ ala la, ndɛndɛ ne ala, bɛhɔle Dwuuma mɔɔ wɔ Gyɛlusalɛm la anwo zo na bɛholole bɛ nwo zo bɛmanle bɛgyakyile suakpole ne ɛkyekyelɛ.

Ɛzela Buluku ne 4:5

Bɛbɔle menli ɛkpa kɛ bɛdendɛ bɛtia bɛ na bɛzɛkye sua ne ɛzilɛ nwo adwenle ne. Bɛyɛle ɛhye, ɔvi Belemgbunli Saelɛse mekɛ zo toonwo ɔradwule Belemgbunli Dalayɛse mekɛ zo.

Ɛzela Buluku ne 5:1

Mekɛ ne anu ɛnee Nyamenle kpɔmanvolɛma, Hagae nee Zɛkalaya, mɔɔ ɔ ze a le Yido la lua Yizilayɛ Nyamenle ne duma nu lɛ Nyamenle nrɛlaleɛ ɛlɛmaa Dwuuma mɔɔ wɔ Dwuda nee Gyɛlusalɛm la.

Ɛzela Buluku ne 5:5

Na ɛnee Nyamenle anye wɔ Dwuu mgbanyima ne mɔ anwo zo la ati, bɛandua bɛ kɛ bɛmmasi sua ne. Bɛvale nwolɛ edwɛkɛ bɛhɔmanle Belemgbunli Dalayɛse na bɛyɛle kɛ bɛkendɛ bɛadie nwolɛ mualɛ kolaa na bɛkɛyɛ debie a bɛayɛ.

Ɛzela Buluku ne 6:1

Zɔhane ati Belemgbunli Dalayɛse lile mɛla manle bɛnleɛnleanle ye ngɛlata mɔɔ wɔ ye ngɛlata ɛzielɛ ɛleka ne mɔ mɔɔ wɔ Babelɔn la anu.

Ɛzela Buluku ne 6:14

Zɔhane ati Dwuu mgbanyima ne mɔ hɔle sua ne ɛzilɛ zo na bɛhɔle bɛ nyunlu kpalɛ. Mekɛ ne anu ɛnee Nyamenle kpɔmanvolɛma, Hagae nee Yido ara Zɛkalaya a ka Nyamenle nrɛlaleɛ ne kile bɛ a. Bɛwiele Ɛzonlenlɛ Sua ne si, kɛmɔ Yizilayɛ Nyamenle ne hyehyɛle la nee mɛla mɔɔ Pɛhyea Maanle Maanle arelemgbunli nsa ne, Saelɛse, Dalayɛse, nee Atazɛzɛse lile la se la.

Ɛzela Buluku ne 6:15

Bɛwiele Ɛzonlenlɛ Sua ne si wɔ siane ne mɔɔ bɛfɛlɛ ye Eda la anu, ye kenle nsa ne azo wɔ mekɛ mɔɔ ɛnee Belemgbunli Dalayɛse ɛli ɛvolɛ nsia wɔ Pɛhyea ebia ne azo la.

Nihɛmaya Buluku ne 6:3

Menvale nrɛlaleɛ mengɔmanle bɛ kɛ, “Melɛyɛ gyima kpole bie, yemɔti menrɛhola ba. Menrɛhola gyima ne gyakyi ba nehane.”

Nihɛmaya Buluku ne 6:9

Ɔluakɛ ɛnee bɛkulo kɛ bɛnwunlonwunla yɛ amaa bɛaze kɛ, “Bɛ sa ɛkpa, bɛangola gyima ne yɛ.” O Nyamenle, kpogya me sa zo ɛ!

Dwobu Buluku ne 20:5

amumuyɛnli ɛkpazilɛ ɛndwu moa, yɛɛ sonla mɔɔ ɛnze Nyamenle la fɛlɛkolilɛ le sinli?

Daneɛle Buluku ne 11:2

Na kɛkala meka nɔhalɛ ne meahile wɔ.” Nyamenle soanvolɛ ne hanle kɛ, “Arelemgbunli nsa bieko badwazo azie Pɛhyea maanle ne. Ko baradɔ zolɛ nna na yemɔ, ɔbanyia ezukoa yeadɛla alumua ɛdeɛ nsa ne. Kɛmɔ ɔbayɛ kpole, yeayɛ sukoavolɛ yeadɛla ɛhendeɛ ne mɔ la ati ɔbaheha ɔ nwo yeatia Gilisi maanle ne.

Daneɛle Buluku ne 9:25

Yɛ edwɛkɛ ɛhye nzonlɛ na nyia nwolɛ ndelebɛbo kɛ ɔvi mekɛ mɔɔ bɛkɛha Gyɛlusalɛm ɛkyekyelɛ bieko anwo edwɛkɛ ne mɔɔ kɔdwu sonla ne, belemgbunli bie, mɔɔ bɛkpa nu bɛye ye na bɛkpokpa ye nwole la ɛralɛ mekɛ zo la, bayɛ ɛvolɛ nsuu fane nsuu. Bɛbava ɛvolɛ nsuu fane abulasia nee nwiɔ a bɛakyekye Gyɛlusalɛm fofolɛ, bɛadudu ye gua na bɛasisi ye aranemgbole ne mɔ a, na mekɛ ɛhye bayɛ amaneɛnwunlɛ mekɛ.

Hagae Buluku ne 1:1

Mekɛ mɔɔ Pɛhyea Maanle Maanle Belemgbunli Dalayɛse lile ɛvolɛ nwiɔ wɔ ebia zo la, ye siane nsia ne azo, kenle ne mɔɔ lumua la, Ɛdɛnkɛma dendɛle hilele Nyamenle kpɔmanvolɛ Hagae. Hagae hanle nrɛlaleɛ ne hilele Dwuda amɛnlado ne, Hyialeteɛle ara Zɛlubabɛle nee Sɛlɛvolɛ Kpanyinli ne, Gyɛhɔzeedake ara Dwɔhyua.

Hagae Buluku ne 1:15

Bɛbɔle ɔ bo wɔ siane nsia ne anu, kenle abulanwiɔ nee nna ne azo.

Hagae Buluku ne 2:15

Ɛdɛnkɛma se, “Bɛdabɛ bɛdwenle bɛnwu mɔɔ bazi bɛ nwo zo, ɔvi ɛnɛ mɔɔ kɔ la. Mekɛ mɔɔ bɛkava bolɛ ko bɛado ko azo wɔ Ɛdɛnkɛma Ɛzonlenlɛ Sua ye ɛzilɛ nu la ɛnee kɛ bɛsi bɛde ɛ?

Hagae Buluku ne 2:18

Bɛdwenle nwolɛ bɛvi ɛnɛ kenle ye mɔɔ le siane ngɔnla ye kenle abulanwiɔ nee nna la azo. Bɛdwenle nwolɛ bɛvi kenle ne mɔɔ bɛwulale Ɛdɛnkɛma Ɛzonlenlɛ Sua ne adiabo ne aze la azo.

Zɛkalaya Buluku ne 1:1

Mekɛ mɔɔ Maanle Maanle Belemgbunli Dalayɛse nyianle ɛvolɛ nwiɔ wɔ Pɛhyea ebia ne azo la, ye siane mɔtwɛ ne anu, Ɛdɛnkɛma rale Bɛlikaya ara Zɛkalaya, mɔɔ le Nyamenle kpɔmanvolɛ, na ɔ nlenya a le Yedo la anwo ɛkɛ

1 Tɛs 2:18

Kɛmɔ yɛkpondɛ kɛ yɛsia yɛba bɛ nwo lɔ bieko la ati, medame Pɔɔlo, menyɛle biala kɛ anrɛɛ menwɔzia menwɔra, noko Seetan ammaa yɛ adenle.