Ɛzela Buluku ne 4:19 - BAEBOLO ANZƐƐ BULUKU NWUANZANWUANZA

¹⁹ “Memaa bɛnleɛnlea ngɛlata mɔɔ wɔ ɛke la anu kpalɛ na menwu kɛ Gyɛlusalɛmma lɛ tetedwɛkɛ mɔɔ kile kɛ bɛmbu arelemgbunli a. Bɛngyɛ na bɛade arelemgbunli nwo atua, yɛɛ mekɛ biala bɛgyegye kpalɛ.

Ɛzela Buluku ne 4:19 ပူးပေါင်းရင်းမြစ်များ

2 Arl 18:7

Yemɔti ɛnee Ɛdɛnkɛma nee ye lua yɛɛ ɔkpazile wɔ debie biala mɔɔ ɔyɛle la anu. Ɔdele Aselea belemgbunli ne anwo atua na ɔkpole kɛ ɔkɛboa belemgbunli ne abo.

2 Arl 24:20

Ɛdɛnkɛma vale menli mɔɔ wɔ Gyɛlusalɛm nee Dwuda la anwo ɛya kpole kpalɛ na ɔyele ɔ nye wɔ bɛ nwo zo.

Ɛzela Buluku ne 4:15

ɛmaa bɛnleɛnlea wɔ mgbanyinli ngɛlata ne mɔ anu. Wɔ nuhua, ɛbanwu kɛ suakpole ɛhye azo amra ɛngyɛ na ade atua. Bɛ atuadelɛ ne vi tete, na bɛyɛ ngyegyelɛ dɔɔnwo bɛmaa arelemgbunli nee maanzinli zo neavolɛma. Ɛhye ati yɛɛ bɛzɛkyele suakpole ɛhye a.

Ɛzela Buluku ne 4:18

“Me sa ɛha kɛlata ne mɔɔ bɛhɛlɛle me la. Bɛgenga, bɛhile ɔ bo bɛhile me.

Ɛzela Buluku ne 4:20

Ɛnee Gyɛlusalɛm lɛ arelemgbunli anwo ɛzulolɛ mɔɔ anwo yɛ se a, na bɛziele maanle maanle mɔɔ wɔ Azule Yufileti Adɔleɛ afoa nu la amuala. Ɔlua zolɛ bɛmanle menli duale adwule manle bɛ.

Ɛzela Buluku ne 5:17

“Ɛhye ati saa ɔyɛ belemgbunli ɛhulolɛ a, ɛnee ɔmaa bɛnleɛnlea ye ngɛlata ne mɔ mɔɔ wɔ ye ngɛlata ɛzielɛ ɛleka ne mɔ la anu kɛ saa amgba Belemgbunli Saelɛse manle bɛ zɔhane mɛla ne kɛ bɛzi Nyamenle Sua ɛhye mɔɔ wɔ Gyɛlusalɛm ɛke la bieko a. Na akee belemgbunli ɛmaa yɛnwu mɔɔ ɔkulo kɛ yɛyɛ ye wɔ edwɛkɛ ɛhye anwo la.”

Mrɛlɛbulɛ Buluku ne 25:2

Ɔle anyunlunyia ɔmaa Nyamenle kɛ ɔkɛva ninyɛne ɔkɛvea, yɛɛ ɔle anyunlunyia ɔmaa arelemgbunli kɛ bɛkɛkpondɛ ninyɛne zɔhane mɔ.

Mɛla 13:14

bɛbiza nu kpalɛ, bɛvedevede nuhua gyɛlɛɛnye na saa amgba edwɛkɛ ne le nɔhalɛ kɛ debie zɛhae ɛzi a,