Ɛzela Buluku ne 3:8 - BAEBOLO ANZƐƐ BULUKU NWUANZANWUANZA

⁸ Menli ne vi nlɔnu rale Ɛzonlenlɛ Sua ne anwo wɔ Gyɛlusalɛm la, ye ɛvolɛ nwiɔ, siane nwiɔ ne azo yɛɛ bɛbɔle sua ne ɛzilɛ bo a. Zɛlɛbabɛle, Dwɔhyua, nee bɛ mediema mɔɔ ɛha la, sɛlɛvolɛma nee Livaema mɔɔ ɛnee bɛ muala bɛhye bɛ bɛhɔ nlɔnu na bɛzia bɛra Gyɛlusalɛm la amuala zɔle nu kɛ bɛsi sua ne. Bɛvale Livaema mɔɔ ɛli ɛvolɛ abulanwiɔ mɔɔ kɔ la kɛ bɛnlea bɛmaa bɛzi Ɛdɛnkɛma Ɛzonlenlɛ Sua ne.

Ɛzela Buluku ne 3:8 ပူးပေါင်းရင်းမြစ်များ

1 Edk 23:4

Belemgbunli ne yele nuhua apenle ngoko abulanwiɔ nee nna kɛ bɛnlea Ɛzonlenlɛ Sua ne gyima ne azo, nuhua apenle nsia ɛyɛ ndɛnebuavolɛma nee kɛlɛhɛlɛvolɛma,

1 Edk 3:17

Belemgbunli Gyɛhɔyakɛn mɔɔ Babeloniama hyele ye nuokɛ hɔle nlɔnu la abo zo amra ɛne: Gyɛhɔyakɛn wole mrenya nsuu. Bɛmɛ a le Hyealeteɛle,

Ɛzela Buluku ne 10:18

Bɛdabɛ mɔɔ ɛnee bɛgya nyɛvolɛ mraalɛ la ɛne: Sɛlɛvolɛma mbusua ne: Dwɔhyua nee ɔ mediema ne mɔ abusua nu amra mɔɔ le Gyɛhozadake asa azo: Meeyasaya, Ɛleyizɛ, Gyɛlebe, yɛɛ Gɛdalaya.

Ɛzela Buluku ne 2:2

Menli mɔɔ lile bɛ ti nee bɛ rale la a le Zɛlɛbabɛle, Dwɔhyua, Nihɛmaya, Sɛlaya, Rililaya, Mɔdekae, Belehyan, Mezepa, Begeveeyae, Rilihɛm, yɛɛ Beeyana. Yizilayɛ mbusua nee abusua ko biala anu menli mɔɔ ziale rale la dodo ɛne:

Ɛzela Buluku ne 3:2

Na Gyɛhozadake ara nrenya Dwɔhyua, nee ɔ gɔnwo mɔ sɛlɛvolɛma ne, nee Hyialeteɛle ara Zɛlɛbabɛle nee ye mbusuafoɔ zile Yizilayɛ Nyamenle ne azukponle ne bieko, amaa bɛayela nane zolɛ bɛabɔ azu bɛamaa Nyamenle, kɛmɔ bɛhɛlɛ ye wɔ Nyamenle sonla Mosisi Mɛla ne anu la.

Ɛzela Buluku ne 4:24

Ɛhye ati Nyamenle Sua ne mɔɔ wɔ Gyɛlusalɛm la ɛzilɛ hale ɛkɛ ne toonwo ɔhɔdwule kɛ bɛvale Dalayɛse bɛziele Pɛhyea Maanle Maanle belemgbunli na ye ɛvolɛ nwiɔ ne azo.

Ɛzela Buluku ne 4:3

Na Zɛlɛbabɛle, Dwɔhyua nee Yizilayɛ mbusua mgbanyinli ne mɔ buale bɛ kɛ, “Yɛngyia bɛ moalɛ wɔ yɛ Nyamenle ne Ɛzonlenlɛ Sua ne ɛzilɛ nu gyima biala anwo. Yɛdayɛ yɛbazi Ɛdɛnkɛma, Yizilayɛ Nyamenle ne Ɛzonlenlɛ Sua ne, kɛmɔ Maanle Maanle Belemgbunli Saelɛse ɛze yɛ la.”

Ɛzela Buluku ne 5:16

Yemɔti Hyɛhyebazaa zɔhane a rawulale Nyamenle Sua ye aze wɔ Gyɛlusalɛm ɛke a, yɛɛ ɔvi mekɛ zɔhane toonwo mɔɔ yeradwu ɛnɛ la yɛtɛgua zolɛ yɛtɛsi sua ye, yɛtɛnyianle yɛtɛwiele fee.’

Ɛzela Buluku ne 5:2

Na Hyialeteɛle ara Zɛlɛbabɛle nee Gyɛhozadake ara Dwɔhyua dwazole na bɛbɔle ɔ bo bieko kɛ bɛsi Nyamenle Sua ne wɔ Gyɛlusalɛm. Nyamenle kpɔmanvolɛma nwiɔ ne boale bɛ.

Hagae Buluku ne 1:1

Mekɛ mɔɔ Pɛhyea Maanle Maanle Belemgbunli Dalayɛse lile ɛvolɛ nwiɔ wɔ ebia zo la, ye siane nsia ne azo, kenle ne mɔɔ lumua la, Ɛdɛnkɛma dendɛle hilele Nyamenle kpɔmanvolɛ Hagae. Hagae hanle nrɛlaleɛ ne hilele Dwuda amɛnlado ne, Hyialeteɛle ara Zɛlubabɛle nee Sɛlɛvolɛ Kpanyinli ne, Gyɛhɔzeedake ara Dwɔhyua.

Zɛkalaya Buluku ne 4:9

ɔse, “Zɛlubabɛle ɛwula sua ɛhye adiabo ne aze; ɔbazi yeawie. Na ɛkɛ ne yɛɛ bɛbanwu kɛ Tumivolɛ Ɛdɛnkɛma a ɛzoa wɔ bɛ nwo ɛke a.

Zɛkalaya Buluku ne 6:12

na ka kile ye kɛ, ‘Tumivolɛ Ɛdɛnkɛma se: Bɛnlea, sonla ne mɔɔ ye duma a le Baka Ɛhane la ɛne. Ɔbakpazi wɔ ɛleka mɔɔ ɔde la na yeazi Ɛdɛnkɛma Ɛzonlenlɛ Sua ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:3

na bɛhɛlɛ mrenya mɔɔ ɛli ɛvolɛ abulasa mɔɔ kɔdwu abulanlu, mɔɔ kola gyima yɛ la aluma bɛmaa bɛyɛ Ɛdɛnkɛma Ndanlɛ Sua ne anu gyima.