Ɛzela Buluku ne 3:7 - BAEBOLO ANZƐƐ BULUKU NWUANZANWUANZA

⁷ Akee bɛvale ezukoa bɛmanle menli mɔɔ si sua la nee kapentama, yɛɛ bɛvale aleɛ, nza, nee nwole bɛhɔmanle menli mɔɔ wɔ Saedɛn nee Taya la, amaa bɛava sida mbaka mgbole bɛalua nyevile nye bɛvi Lɛbanɔn bɛara Dwɔpa. Pɛhyea Maanle Maanle Belemgbunli Saelɛse a manle adenle kɛ bɛyɛ ye zɔhane a.

Ɛzela Buluku ne 3:7 ပူးပေါင်းရင်းမြစ်များ

2 Sam 5:11

Taya Belemgbunli Helam zoanle menli wɔ Devidi anwo ɛkɛ. Ɔmanle kapentama nee suazilɛma vale sida mbaka nee awolɛ hɔzile sua manle ye.

1 Arl 5:6

Yemɔti maa bɛpɛ Lɛbanɔn sida mbaka bɛmaa me. Me sonvolɛma baraboka wɔ menli ɛdeɛ ne mɔ mɔɔ ɛmaa bɛapɛ mbaka ne bɛamaa me la anwo. Mebadua wɔ menli ne mɔ ɛkpabɔlɛ kakɛ biala mɔɔ ɛkɛpɛ ɛkɛmaa me la; ɔluakɛ yɛ maanle ye anu, ɛdawɔ ɛze kɛ yɛnlɛ awie biala mɔɔ ze dubinli mbaka ɛpɛlɛ nye zo la kɛ Saedɛnema ala.”

2 Arl 12:10

Saa ezukoa ne so ɛlɛka ne anu a, ɛnee belemgbunli kɛlɛhɛlɛvolɛ ne nee Sɛlɛvolɛ Kpanyinli ne banea maa bɛtia bɛwulowula ye ahodoku nu.

2 Arl 12:13

Bɛnva ezukoa ne bie bɛndua dwɛtɛ fufule ahɔpo, ahyɛnze kuloonwu, aweɛne anzɛɛ ahɛnlaneɛ nwo ninyɛne, anzɛɛ debie biala mɔɔ bɛva dwɛtɛ fufule anzɛɛ ezukoa nvutuke bɛyɛ la kakɛ.

2 Edk 34:10

Bɛvale ezukoa ne bɛmanle menli mɔɔ ɛlɛnea bɛdabɛ mɔɔ bɛlɛyɛ Ɛdɛnkɛma Ɛzonlenlɛ Sua ne anwo gyima ne, nee gyimayɛvoma ne mɔɔ ɛlɛyɛ gyima ne la.

Ɛzela Buluku ne 3:6

Kenle ne mɔɔ lumua siane nsuu ne anu la yɛɛ bɛbɔle ɔ bo kɛ bɛbɔ azu ne mɔ bɛamaa Ɛdɛnkɛma a, noko ɛnee bɛtɛwulale Ɛzonlenlɛ Sua mumua ne aze.

Yizikeɛle Buluku ne 27:17

Dwudama nee Yizilayɛma nee wɔ lile gua. Bɛrɛlɛle wɔ hwiiti, ɔlivi, feege, wolɛ, nwole, yɛɛ ɛnlomedazia na bɛliele wɔ ninyɛne ne mɔ bie.

Dwona Buluku ne 1:3

Noko Dwona dwazole la ɔyɛle ye adwenle kɛ ɔnriandi Nyamenle yeahɔ Sepeen. Yemɔti ɔhɔle Dwɔpa na ɔnyianle meli bie mɔɔ ɛlɛkɔ Sepeen la. Ɔduale ye ɛlɛne kakɛ ne na ɔhɔvole meli ne anu kɛ ɔ nee menli mɔɔ wɔ meli ne anu la kɔ Sepeen, yeaye ɔ nwo wɔ Ɛdɛnkɛma anye zo.

Ɛzoanvolɛma Gyima ne 12:20

Hɛlɔdo vale menli mɔɔ wɔ Taya nee Saedɛn la anwo ɛya, ɛhye ati bɛdule menli kɛ bɛhɔnwu ye. Bɛlumuale bɛ sa hanle Belasetɛse mɔɔ nea belemgbunli suakunlu ɛkɛ ne la moalɛ, na akee bɛhɔle Hɛlɔdo anyunlu bɛhɔkpɔdale ye. Ɔluakɛ bɛ aleɛ mɔɔ bɛnyia ye la amuala vi belemgbunli ne maanle nu.

Ɛzoanvolɛma Gyima ne 9:36

Dwɔpa noko, raalɛ bie wɔ ɛkɛ, bɛfɛlɛ ye Tabeta. (Ye duma ne Giliki nu a le Dɔkase.) Ɔle ɛdoavolɛ. Raalɛ ɛhye vale ye mekɛ yɛle ahunlunyele gyima na ɔboale ehyianvolɛma.

Ɛzoanvolɛma Gyima ne 9:38

Dwɔpa nee Leda anwa biala. Yemɔti mɔɔ diedima ne mɔɔ wɔ Dwɔpa la dele kɛ Pita wɔ Leda la, bɛzoanle menli nwiɔ bɛmanle bɛhɔvale nrɛlaleɛ bɛhɔmanle ye kɛ. “Yɛsɛlɛ wɔ, bɔ mɔdenle ka ɛ nwo bɛla.”

Ɛzoanvolɛma Gyima ne 9:43

Pita dɛnlanle Dwɔpa hyɛle dɔɔnwo wɔ nrenya bie mɔɔ yɛ nwoma nwo gyima mɔɔ bɛfɛlɛ ye Saemɔn la sua nu.