Ɛzela Buluku ne 3:6 - BAEBOLO ANZƐƐ BULUKU NWUANZANWUANZA

⁶ Kenle ne mɔɔ lumua siane nsuu ne anu la yɛɛ bɛbɔle ɔ bo kɛ bɛbɔ azu ne mɔ bɛamaa Ɛdɛnkɛma a, noko ɛnee bɛtɛwulale Ɛzonlenlɛ Sua mumua ne aze.

Ɛzela Buluku ne 3:6 ပူးပေါင်းရင်းမြစ်များ

Ɛzela Buluku ne 3:5

Eza bɛyelale nane bɛbɔle azu ngakyile ngakyile ne mɔ, Siane Fofolɛ azubɔlɛ nee azu ngakyile mɔɔ ɛha mɔɔ ɔwɔ kɛ bɛbɔ bɛmaa Ɛdɛnkɛma dahuu la amuala. Eza bɛvale awie biala ɔdaye ye ahunlundwolɛ ahyɛlɛdeɛ mɔɔ ɔvale ɔrale la bɛbɔle azu bɛmanle Ɛdɛnkɛma.

Ɛzela Buluku ne 3:7

Akee bɛvale ezukoa bɛmanle menli mɔɔ si sua la nee kapentama, yɛɛ bɛvale aleɛ, nza, nee nwole bɛhɔmanle menli mɔɔ wɔ Saedɛn nee Taya la, amaa bɛava sida mbaka mgbole bɛalua nyevile nye bɛvi Lɛbanɔn bɛara Dwɔpa. Pɛhyea Maanle Maanle Belemgbunli Saelɛse a manle adenle kɛ bɛyɛ ye zɔhane a.

Sɛlɛ 23:24

“Ka kile Yizilayɛma kɛ, ‘Siane nsuu ne kenle ne mɔɔ lumua la, ɔwɔ kɛ bɛdie bɛ ɛnwomenle. Ɔle ngakyelɛ ɛnwomenlelielɛ kenle mɔɔ ɔwɔ kɛ bɛbɔ aweɛne ndendenle bɛfa bɛmaa menli ne bayia nu yɛ nzɛlɛlɛ a.

Sɛlɛ 23:25

Ɔnle kɛ awie biala yɛ gyima ɛsesebɛ; yɛɛ ɔwɔ kɛ bɛbɔ ɛyelalɛ azu bɛmaa Ɛdɛnkɛma.’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:1

“Siane nsuu ne, ye kenle ne mɔɔ lumua la azo, ɔwɔ kɛ bɛyia nu bɛyɛ nzɛlɛlɛ, yɛɛ ɔnle kɛ bɛyɛ gyima ɛsesebɛ biala. Kenle zɔhane, ɔwɔ kɛ bɛwu aweɛne ndendenle ne mɔ anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:2

Bɛva ɛyelalɛ azubɔdeɛ mɔɔ ye evuanlɛ sɔ Ɛdɛnkɛma anye la bɛmaa ye. Bɛva ɛnlankɛ nyinli edonraa ko, boane nyinli ko, yɛɛ mboane nyinli ndonrandonra mɔɔ ɛli ɛvolɛ ngoko na bɛ nwo ɛnlɛ dɛne la nsuu.