Ɛzela Buluku ne 3:3 - BAEBOLO ANZƐƐ BULUKU NWUANZANWUANZA

³ Ɛnee bɛsulo menli mɔɔ wɔ maanle ne anu la ɛdeɛ, noko bɛzile azukponle ne wɔ ɔ bo zo ne ala. Na bɛyelale nane wɔ zolɛ bɛbɔle azu bɛmanle Ɛdɛnkɛma nwonlomɔ nee nɔsolɛ biala.

Ɛzela Buluku ne 3:3 ပူးပေါင်းရင်းမြစ်များ

1 Edk 16:40

Nwonlomɔ nee nɔsolɛ biala ɔwɔ kɛ bɛbɔ ɛyelalɛ azu wɔ ɛyelalɛ azubɔdeɛ ɛkponle ne azo bɛmaa Ɛdɛnkɛma, kɛmɔ bɛhɛlɛ ye wɔ Mɛla ne mɔɔ Ɛdɛnkɛma vale manle Yizilayɛma la anu la.

2 Edk 4:1

Belemgbunli Sɔlɔmɔn manle bɛyɛle kɔbele azukponle mɔɔ ye tɛtɛlɛ nee ye tendenle sɛ la. Ye tɛbanu ko biala le mita ngɔnla, yɛɛ ye anwumahɔlɛ le mita nna nee foa ko.

Ɛzela Buluku ne 4:4

Ɛhye ati menli mɔɔ wɔ maanle ne anu la bɔle ɔ bo kɛ bɛsɛkye Dwudama adwenle, na bɛhanle bɛ ɛzulolɛ mɔɔ ɛnee akee bɛkɔ gyima ne anwo bɔbɔ a bɛsulo.

Ɛzela Buluku ne 5:15

na ɔzele ye kɛ, “Die ninyɛne ɛhye mɔ na fa kɔgua Ɛzonlenlɛ Sua ne anu wɔ Gyɛlusalɛm, na eza bɛzi Nyamenle Sua ne wɔ ɔ bo zo ne ala.”

Yizikeɛle Buluku ne 43:16

Ɔwɔ kɛ azukponle ne tendenle nee ye tɛtɛlɛ sɛ; ye tendenle ɛyɛ mita nsia yɛɛ ye tɛtɛlɛ noko zɔhane ala.