Ɛzela Buluku ne 3:11 - BAEBOLO ANZƐƐ BULUKU NWUANZANWUANZA

¹¹ Bɛdole ayɛlɛyelɛ nee moyɛlɛ edwɛne bɛmanle Ɛdɛnkɛma bɛzele kɛ, “Ɛdɛnkɛma le kpalɛ, ye ɛhulolɛ kpundii ne wɔ ɛkɛ maa Yizilayɛma dahuu.” Menli ne amuala deanle nu yele Ɛdɛnkɛma ayɛlɛ, ɔboalekɛ bɛbɔ Ɛdɛnkɛma Ɛzonlenlɛ Sua ne adiabo ɛwulalɛ gyima ne abo.

Ɛzela Buluku ne 3:11 ပူးပေါင်းရင်းမြစ်များ

1 Edk 16:34

Bɛyɛ Ɛdɛnkɛma mo, ɔboalekɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ ne dahuu. Gyɛ 33.11

1 Edk 16:41

Bɛdabɛ mɔɔ bɛboa la a le Himan nee Gyɛdutɛn, yɛɛ bɛdabɛ mɔɔ bɛboɔboale bɛyele bɛ, bɛbobɔle bɛ aluma kɛ bɛyɛ Ɛdɛnkɛma mo la, ɔluakɛ ye ɛhulolɛ kpundii ne wɔ ɛkɛ dahuu.

2 Edk 7:3

Mekɛ mɔɔ Yizilayɛma nwunle senle ne kɛ ɔvi anwuma yerayela azubɔlɛ ninyɛne ne mɔ nee Ɛdɛnkɛma anyunlunyia ne mɔɔ ɛyi Ɛzonlenlɛ Sua ne la, bɛbutubutule bɛ nye aze na bɛyeyɛle Ɛdɛnkɛma, bɛyɛle ye mo kɛ, “Ɔle kpalɛ, ɔluakɛ ye ɛhulolɛ kpundii ne wɔ ɛkɛ ne dahuu.”

Nihɛmaya Buluku ne 12:24

Livae mgbanyinli ɛhye mɔ: Hahyabaya, Hyɛlibaya, Gyɛhyua, Benuwae, yɛɛ Kademeɛle a nleanle manle bɛhyɛle Livaema anu ekpunli ekpunli a. Mekɛ ko biala ekpunli nwiɔ to ayɛlɛyelɛ nee moyɛlɛ edwɛne maa Nyamenle, kɛmɔ Nyamenle sonla Belemgbunli Devidi hyehyɛle la.

Nihɛmaya Buluku ne 12:40

Yemɔti moyɛlɛ edwɛndolɛ ekpunli nwiɔ ɛhye rale Ɛzonlenlɛ Sua ne anu. Saa ɛye mgbanyinli ne foa ko mɔɔ ɛnee nee me lua la a

Edwɛndolɛ Buluku ne 100:5

Ɔluakɛ Ɛdɛnkɛma le kpalɛ; ye ɛhulolɛ kpundii ne wɔ ɛkɛ ne dahuu, yɛɛ ye nɔhalɛlilɛ dwu awolɛndoazo muala anwo zo. Gyɛ 33.11

Edwɛndolɛ Buluku ne 103:17

Ɛdɛnkɛma ɛhulolɛ kpundii ne wɔ ɛkɛ dahuu maa bɛdabɛ mɔɔ bɛsulo ye la, ye tenleneyɛlɛ ne wɔ ɛkɛ maa awolɛndoazo kɔsɔɔti.

Edwɛndolɛ Buluku ne 106:1

Bɛye Ɛdɛnkɛma ayɛlɛ! O bɛyɛ Ɛdɛnkɛma mo, ɔluakɛ ɔle kpalɛ; ye ɛhulolɛ kpundii ne wɔ ɛkɛ ne dahuu. Gyɛ 33.11

Edwɛndolɛ Buluku ne 107:1

O bɛyɛ Ɛdɛnkɛma mo, ɔluakɛ ɔle kpalɛ; ye ɛhulolɛ kpundii ne wɔ ɛkɛ ne dahuu. 136.1; Gyɛ 33.11

Edwɛndolɛ Buluku ne 118:1

O bɛyɛ Ɛdɛnkɛma mo, ɔluakɛ ɔle kpalɛ; ye ɛhulolɛ kpundii ne wɔ ɛkɛ dahuu. 136.1; Gyɛ 33.11

Edwɛndolɛ Buluku ne 131:1

O Ɛdɛnkɛma, metɛmemanle me nwo zo, me nye ɛtɛtɛlale me ndo; menva ninyɛne mɔɔ le mgbole nee mɔɔ yɛ nwanwane ɔmaa me la membɔ me ɛbolɛ.

Edwɛndolɛ Buluku ne 135:3

Bɛye Ɛdɛnkɛma ayɛlɛ, ɔluakɛ ɔle kpalɛ; bɛdo edwɛne bɛmaa ye, ɔluakɛ ɔle dovolɛ!

Edwɛndolɛ Buluku ne 47:1

Maanle maanle kɔsɔɔti ɛbɔ bɛ sa nu! Bɛva anyelielɛ bɛdea bɛdo edwɛne bɛmaa Nyamenle!

Edwɛndolɛ Buluku ne 47:5

Nyamenle ɛvo ɛdɛnla ye ebia nu, bɛlɛbɔ aweɛne ndendenle, bɛtea nu anyelielɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:21

Meleam dole edwɛne manle bɛ kɛ: “Bɛdo edwɛne bɛyeyɛ Ɛdɛnkɛma, ɔluakɛ yeli konim anyunlunyia nu; ɛkpɔnwɔ nee ye kavolɛ ne, yevuandi bɛ yegua nyevile nu.”

Ayezaya Buluku ne 12:6

Bɛdeɛdea nu, bɛva anyelielɛ bɛdo edwɛne, O Zayɔnoma, ɔluakɛ Yizilayɛ Nwuanzanwuanza Ko ne mɔɔ de bɛ avinli la le kpole.”

Ayezaya Buluku ne 44:23

O anwumaneamra, bɛdo edwɛne, ɔluakɛ Ɛdɛnkɛma a ɛyɛ a; O azɛlɛ buma ne mɔ, bɛdea nu; O awoka, bɛdo edwɛne, O kpɔkɛ, nee nuhua mbaka kɔsɔɔti, bɛdo edwɛne! Ɔluakɛ Ɛdɛnkɛma ɛkpɔne Gyekɔbo abo zo amra, na bɛbawula ye anyunlunyia wɔ Yizilayɛ.

Ayezaya Buluku ne 6:3

Na ko vɛlɛle ko na ɔhanle kɛ: “Nwuanzanwuanza, nwuanzanwuanza! Tumivolɛ Ɛdɛnkɛma le nwuanzanwuanza! Ye anyunlunyia ɛyi ewiade amuala tɛkɛɛ!”

Gyɛlɛmaya Buluku ne 33:11

eza bɛ nye ɛlie na bɛlɛdi fɛlɛko; bɛbade atɔfolɛ nrenya ne nee atɔfolɛ raalɛ ne ane; yɛɛ bɛbade edwɛndolɛma ane kɛ bɛlɛfa moyɛlɛ azubɔdeɛ bɛara Ɛdɛnkɛma Ɛzonlenlɛ Sua ne anu. Bɛbaha kɛ: ‘Bɛva moyɛlɛ bɛmaa Tumivolɛ Ɛdɛnkɛma, ɔluakɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ dahuu.’ Ɔluakɛ mebamaa maanle ne azia akpazi. Medame Ɛdɛnkɛma a mese a.” 118.1; 136.1

Hagae Buluku ne 2:3

Bɛdabɛ mɔɔ bɛha la, bɛ nuhua boni a nwunle sua ɛhye nee ye kɛnlɛma ne a? Na kɛkala kɛ bɛsi bɛnwu ye ɛ? Asoo ɔnle bɛ nye zo debie mgbane ɔ?

Zɛkalaya Buluku ne 4:7

O awoka mgbole, bɛle duzu? Zɛlubabɛle badwulu bɛ yeamaa bɛayɛ kɛ azɛlɛ sɛsɛ; akee mɔɔ ɔkɛze kɛ ɔfa bolɛ ne mɔɔ la zolɛ anwuma la yeara la ɛnee bɛlɛtea nu kɛ, ‘Kɛnlɛmaleɛ! Ɔle kɛnlɛma somaa!’ ”

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Edwɛkpa ne kɛmɔ Luku hɛlɛle la 1:50

mekɛ biala ɔse bɛdabɛ mɔɔ bɛsulo ye la anwunvɔne.

Dwɔhyua Buluku ne 6:10

Na Dwɔhyua zele menli ne mɔ kɛ bɛmmatea, yɛɛ bɛmmaka edwɛkɛ biala kɔkpula mekɛ mɔɔ ɔkɛha ɔkɛhile bɛ kɛ akee bɛdea nu la na bɛadea nu.

Dwɔhyua Buluku ne 6:16

Fane nsuu ne azo, mɔɔ sɛlɛvolɛma ne wule aweɛne ne mɔ anu la, Dwɔhyua zele menli ne kɛ, “Bɛdea nu, ɔluakɛ Ɛdɛnkɛma ɛva suakpole ye ɛmaa bɛ!

Dwɔhyua Buluku ne 6:5

Akee bɛbabɔ bɛ aweɛne ne mɔ tendenle ko. Saa bɛte ɛhye ala a, awie biala ɛdea nu kpole kpalɛ ko, na suakpole ne bane ne mɔ bade agua aze gɔɔ; na ɛlɔnema ne ko biala ɛva ɔ nyunlu fɔɔnwo ɛhɔ sua ne azo.”