Ɛzela Buluku ne 2:68 - BAEBOLO ANZƐƐ BULUKU NWUANZANWUANZA

⁶⁸ Mɔɔ nlɔnuma ne mɔ radwule Ɛdɛnkɛma Ɛzonlenlɛ Sua ne anwo wɔ Gyɛlusalɛm la, mbusua mgbanyinli mɔɔ wɔ nu la bie mɔ vale ahunlundwolɛ ahyɛlɛ ninyɛne manle kɛ bɛva bɛzi Ɛzonlenlɛ Sua ne bieko wɔ ɔ bo zo ne ala.

Ɛzela Buluku ne 2:68 ပူးပေါင်းရင်းမြစ်များ

1 Edk 21:18

Ɛdɛnkɛma soanvolɛ ne zele Gaade kɛ ɔha ɔhile Devidi kɛ ɔhɔzi azukponle ɔmaa Ɛdɛnkɛma wɔ ɛleka mɔɔ Alɔna wozo ye hwiiti ne la.

1 Edk 22:1

Yemɔti Devidi zele kɛ, “Ɛke yɛɛ Ɛdɛnkɛma Nyamenle ne Ɛzonlenlɛ Sua ne bagyinla a. Ɛke yɛɛ azukponle mɔɔ Yizilayɛma kɔsɔɔti babɔ bɛ ɛyelalɛ azu ne mɔ zolɛ la bagyinla a.”

2 Edk 3:1

Mekɛ ne anu ɛnee Sɔlɔmɔn ɔ ze Belemgbunli Devidi ɛziezie ɛleka mɔɔ bɛbazi Ɛzonlenlɛ Sua ne la ɛwie. Ɛleka ne wɔ Gyɛlusalɛm, wɔ Molaya Boka, ɛleka mɔɔ Ɛdɛnkɛma yele ɔ nwo hilele Devidi mɔɔ Gyibɛsenli Alɔna (Ɔnan) ɛnee wozo ye ma ne la. Belemgbunli Sɔlɔmɔn bɔle sua ne ɛzilɛ bo

Ɛzela Buluku ne 2:69

Kɛmɔ bɛ anwosesebɛ ne si to kɔ la, bɛvale ezukoa nvutuke mɔɔ bɛsuzu a ɔto tone nu kilo ɛya nnu, dwɛtɛ fufule kilo apenle nwiɔ, ɛya mɔtwɛ, yɛɛ sɛlɛvolɛ adɛladeɛ ɛya ko a bɛmanle a.

Ɛzela Buluku ne 3:3

Ɛnee bɛsulo menli mɔɔ wɔ maanle ne anu la ɛdeɛ, noko bɛzile azukponle ne wɔ ɔ bo zo ne ala. Na bɛyelale nane wɔ zolɛ bɛbɔle azu bɛmanle Ɛdɛnkɛma nwonlomɔ nee nɔsolɛ biala.

Ɛzela Buluku ne 9:9

Mɔɔ ɛnee yɛle ahanra la, yɛ Nyamenle ne arɛle amkpa yɛ nwo zo. Wɔmaa wɔ ɛhulolɛ ɛdenrɛ yɛ nwo zo wɔ Pɛhyea Maanle Maanle arelemgbunli anyunlu. Ɔlua zolɛ bɛbɔ yɛ ɛwɔkɛ na bɛmaa yɛ anwosesebɛ kɛ yɛzi yɛ Nyamenle ne Ɛzonlenlɛ Sua ne mɔɔ ɛbubu la, na yɛyɛ ye boɛ, na wɔazinza yɛ wɔ Dwuda nee Gyɛlusalɛm amuala.

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:2

“Ka kile Yizilayɛma kɛ bɛbɔ azu bɛmaa me. Die awie biala asa anu azubɔdeɛ biala mɔɔ vi ye ahonle nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:21

Bɛdabɛ mɔɔ bɛ sunsum manle bɛ anwosesebɛ la, yeyele bɛ ahonle nu vale bɛ azubɔdeɛ ne mɔ rɛlɛle Ɛdɛnkɛma kɛ bɛva bɛzi Nyianu Ndanlɛ Sua ne. Bɛvale debie biala mɔɔ hyia wɔ ye ɛzonlenlɛ nu nee ninyɛne mɔɔ bɛfa bɛnwo sɛlɛvolɛma adɛladeɛ ne mɔ la bɛrale.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:29

Yizilayɛma kɔsɔɔti, mraalɛ nee mrenya mɔɔ lɛ ɛhulolɛ la yeyele bɛ ahonle nu vale bɛ azubɔdeɛ rɛlɛle Ɛdɛnkɛma manle bɛvale bɛyɛle gyima ne mɔɔ ɔzele Mosisi kɛ ɔyɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 36:3

Mosisi vale azubɔdeɛ ne mɔ mɔɔ Yizilayɛma ɛva ɛra kɛ bɛva bɛzi Ndanlɛ Sua nwuanzanwuanza ne la kɔsɔɔti manle bɛ. Menli ne hɔle zolɛ vale azubɔdeɛ ninyɛne rɛlɛle Mosisi nwonlomɔ biala.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

2 Kɔl 8:3

Medi daselɛ kɛ bɛmanle ahyɛlɛdeɛ, kɛmɔ bɛkɛhola ala la, na bɛboale bɔbɔ bɛmanle ɔbole zolɛ. Bɛvale ɛhulolɛ

2 Kɔl 9:7

Awie biala ɛva mɔɔ yezuzu nwo wɔ ye ahonle nu la ɛmaa. Ɔmmatwenlehwenle ɔ bo aze anzɛɛ ɔyɛ ye kɛ asɛɛ yemia la ati ɔ, ɔluakɛ Nyamenle kulo sonla mɔɔ te ɔ nyunlu kyɛ debie la.