Ɛzela Buluku ne 2:63 - BAEBOLO ANZƐƐ BULUKU NWUANZANWUANZA

⁶³ Amɛnlado ne zele bɛ kɛ bɛmmadi aleɛ nwuanzanwuanza ne mɔɔ bɛva bɛbɔ azu bɛmaa Nyamenle la bie kɔkpula mekɛ mɔɔ sɛlɛvolɛ bie ɛva “Yulem” nee “Tɛmem” ɛbiza Nyamenle la.

Ɛzela Buluku ne 2:63 ပူးပေါင်းရင်းမြစ်များ

Ɛzela Buluku ne 2:64

Menli mɔɔ vi nlɔnu rale la amuala le apenle ngoko abulanla nee nwiɔ, ɛya nsa abulasia. Mraalɛ nee mrenya sonvolɛma - Apenle nsuu, ɛya nsa abulasa nee nsuu Mraalɛ nee mrenya edwɛndolɛma - ɛya nwiɔ Mgbɔnwɔ - Ɛya nsuu abulasa nee nsia Mgbɔnwɔndua - Ɛya nwiɔ abulanla nee nnu Afunlumu - Ɛya nna abulasa nee nnu Asoaso - Apenle nsia, ɛya nsuu abulanwiɔ

Nihɛmaya Buluku ne 10:1

Sonla mɔɔ lumuale vale ɔ sa wulale ngyehyɛlɛ ne abo la a le amɛnlado ne, Hakalaya ara Nihɛmaya. Akee Zɛdikaya ɔdaye ɔvale ɔ sa ɔwulale ɔ bo. Menli ɛhye mɔ noko vale bɛ sa wulale ɔ bo:

Nihɛmaya Buluku ne 10:2

Sɛlɛvolɛma: Sɛlaya, Azalaya, Gyɛlɛmaya, Pahyɛ, Amalaya, Malekaya, Hatɛhye, Hyɛbanaya, Malɛke, Hɛlem, Mɛlɛmo, Obadaya, Daneɛle, Genɛtɔn, Bɛlɛke, Mɛhyɛlam, Abaegya, Maegyamen, Meeyazaya, Belegeeyae, yɛɛ Hyɛmaya.

Nihɛmaya Buluku ne 7:65

Dwuu amɛnlado ne zele bɛ kɛ ɔnle kpalɛ kɛ bɛdi Nyamenle aleɛ nwuanzanwuanza ne bie kɔkpula kɛ sɛlɛvolɛ bie mɔɔ kola fa “Yulem nee Tɛmem” ne yɛ gyima la kɛra la.

Nihɛmaya Buluku ne 8:9

Mɔɔ menli ne dele mɔɔ Mɛla ne se la, debie hwenle bɛ nu na bɛzunle. Na Sɛlɛvolɛ Nihɛmaya, mɔɔ le amɛnlado ne, nee mɛla kilehilevolɛ Ɛzela, nee Livaema mɔɔ hilehilele menli ne la zele bɛ kɛ, “Ɛnɛ kenle ye le nwuanzanwuanza maa Ɛdɛnkɛma bɛ Nyamenle ne. Bɛmmasu yɛɛ bɛmmadi nyane biala.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:30

Bɛva Yulem nee Tɛmem ne bɛgua ndɛnebualɛ akɛnrazo aguzo ne anu mɔɔ saa Aalɔn wula a ɛnee ɔgua ye ɛbolɛ zo la, amaa saa ɔlɛba me nyunlu ɛke a ɔ nee bɛ ara. Mekɛ ɛhye mɔ anu ɔwɔ kɛ ɔwula ndɛnebualɛ akɛnrazo aguzo ne, amaa yeahola yeamaa Yizilayɛma anwu me ɛhulolɛdeɛ.

Sɛlɛ 2:10

Aleɛ ma azubɔdeɛ ne mɔɔ kɛha la le Aalɔn nee ɔ mra ne mɔ ɛdeɛ. Ɔle ma ɛyelalɛ azubɔdeɛ mɔɔ bɛva bɛmaa Ɛdɛnkɛma a, na nwolɛ te kpole kpalɛ.

Sɛlɛ 2:3

Esamo ne mɔɔ kɛha la le Aalɔn nee ɔ mra ne mɔ ɛdeɛ. Ɔle ɛyelalɛ azubɔdeɛ mɔɔ bɛva bɛmaa Ɛdɛnkɛma na nwolɛ te kpole kpalɛ a.

Sɛlɛ 22:10

“Ɔnle kɛ awie biala mɔɔ ɛmboka sɛlɛvolɛma abusua ekpunli ne anwo la di aleɛ nwuanzanwuanza ne bie. Sɛlɛvolɛ biala ɛyɛvolɛ mɔɔ ɔ nee ye de anzɛɛ ye sonvolɛ mɔɔ yebɔ ye ɛkpa la, ɔnle kɛ ɔdi aleɛ nwuanzanwuanza ne bie.

Sɛlɛ 22:13

Na saa sɛlɛvolɛ ne ara raalɛ ne le kunlanvolɛ anzɛɛ ɔ hu ɛbɔ ye ewole, na ɔnlɛ ralɛ, na yezia yera ɔ ze sua nu a, ɔle kɛ mɔɔ ye ngakula nu ɔde la; ɔkola ɔdi ɔ ze aleɛ ne bie Noko awie gyɛne ɛdeɛ, ɔngola ɔnli bie.

Sɛlɛ 6:17

Ɔnle kɛ bɛfa mgbɔvonle bɛwula nuhua na bɛado. Meva memaa bɛ kɛ ɛyelalɛ azubɔdeɛ mɔɔ le nwuanzanwuanza kpalɛ kpalɛ, kɛ ɛtane azubɔdeɛ nee fɔlɛlilɛ azubɔdeɛ la.

Sɛlɛ 6:29

Nrenya biala mɔɔ wɔ sɛlɛvolɛma ne anu la kola di bie Ɔle nwuanzanwuanza kpalɛ kpalɛ.

Sɛlɛ 7:16

“Na saa azubɔdeɛ ne le ɛwɔkɛyelɛ azubɔdeɛ anzɛɛ azubɔdeɛ mɔɔ ahenle ɛyeye ɔ kunlu ɛva ɛra la a, yemɔ bɛli azubɔdeɛ ne kenle ko ne ala, na saa bie ka ɛdeɛ a, bɛkola bɛdi wɔ ye alehyenlɛ nu.

Sɛlɛ 8:8

Akee ɔvale akɛnrazo aguzo ne ɔwulale ye na ɔvale “Yulem” ne nee “Tɛmem” ne ɔguale nu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:19

“Azubɔdeɛ nwuanzanwuanza biala mɔɔ sonle bolɛ, mɔɔ Yizilayɛma kɛva kɛmaa medame Ɛdɛnkɛma la, mefa memaa wɔ, ɛ mra mrenya nee ɛ mra mraalɛ kɛ ɔle bɛ ɛdeɛ dahuu. Ɛhye le ngyekyeleɛ mɔɔ me nee wɔ nee ɛ bo zo amra ɛkyekye mɔɔ bɛntulu ye ɛlɛ a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:32

Sumunli kenle ala mɔɔ bɛlumua bɛva nuhua kpalɛ kpalɛ ne bɛmaa medame Ɛdɛnkɛma la, saa bɛdi a bɛnli fɔlɛ, yɛɛ bɛmmagua Yizilayɛma azubɔdeɛ nwuanzanwuanza ne mɔ anwo evinli, kɛ bɛkɛlumua bɛkɛli bie kolaa na bɛava nuhua kpalɛ kpalɛ ne bɛahɔmaa Ɛdɛnkɛma. Saa bɛyɛ ye zɔhane a, bɛkɛhu bɛ.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:21

Na ɔbahɔ Sɛlɛvolɛ Ɛlieza anyunlu na Ɛlieza ava Yulem nee Tɛmem abiza ɔ ti amaa ye, amaa saa ɔse bɛ kɛ bɛhɔ a, bɛahɔ, ɔse bɛ kɛ bɛrɛla a, bɛara. Ɛlieza bahile Dwɔhyua nee Yizilayɛma kɔsɔɔti adenle.”

Mɛla 33:8

Mɔɔ ɔhanle wɔ Livae abusua ekpunli ne anwo la ɛne: “Ɛdɛnkɛma, dua Livaema ye anwo zo maa bɛva Yulem nee Tɛmem bɛye wɔ ɛhulolɛdeɛ bɛhile. Ɛzɔle bɛ ɛnleanle wɔ Masa na ɛnwunle bɛ nɔhalɛlilɛ wɔ Mɛleba nzule nloa.

1 Sam 28:6

na ɔbizale Ɛdɛnkɛma nwolɛ bie. Na Ɛdɛnkɛma ambua ye fee; yeanga ye ɛlalɛ bɔbɔ yɛɛ yeangile sɛkɛlɛneɛ biala na yeayɛ Nyamenle kpɔmanvolɛma nrɛlaleɛ.