Ɛzela Buluku ne 2:61 - BAEBOLO ANZƐƐ BULUKU NWUANZANWUANZA

^61-62 Eza sɛlɛvolɛma mbusua ekpulike ekpulike bie mɔɔ le Habaya, Hakɔzo, yɛɛ Bazeleeyae abo zo amra la rale. (Bazeleeyae Sɛlɛvolɛma abusua ekpulike ne kpanyinli ne gyale Bazeleeyae mɔɔ le Geleadenli la ara raalɛ na ɔlua zolɛ ɔvale ɔ ye ɔ ze ne duma ɔdonle ye abusua ekpulike ne.) Menli ɛhye mɔ nleɛnleanle ngɛlata ne mɔ anu la bɛannwu bɛ mbusua ne mɔ aluma wɔ sɛlɛvolɛma mbusua ekpulike ekpulike ne mɔ anu, na ɔlua zolɛ bɛyele bɛ bɛvile sɛlɛvolɛlilɛ ne anu kɛ bɛle menli mɔɔ anwo ɛnde a.

Ɛzela Buluku ne 2:61 ပူးပေါင်းရင်းမြစ်များ

2 Sam 17:27

Mɔɔ Devidi dwule Meehaneeyem la, Neehahye ara Hyobae mɔɔ vi Relaba mɔɔ wɔ Amɔnoma maanle nu la, Abeɛle ara Meekɛ mɔɔ vi Lodɛbaa yɛɛ Bazeleeyae mɔɔ vi Wulogɛlem mɔɔ wɔ Geleade la rayiale ye adenle.

1 Arl 2:7

“Ɛ nee Geleadenli Baazeleeyae amra ne mɔ ɛlua kɛnlɛma gyɛlɛɛnye na ɛ nee bɛ ɛdo ɛsalɛ ɛyɛba ko anu, kɛmɔ ɛ nee menli bie mɔ yɛ la, ɔboalekɛ mekɛ mɔɔ mevi ɛ diema nrenya Abesalɛm anwo lɔ menriandile la kɛ bɛliele me la ɛne.

Nihɛmaya Buluku ne 3:4

Yulaya ara Mɛlɛmo, mɔɔ le Hakɔzo anlɔnra ne yɛle mɔɔ doa ye la boɛ. Bɛlikaya ara Mɛhyɛlam, mɔɔ le Mɛhyɛzabili anlɔnra ne yɛle mɔɔ doa ye la boɛ. Beeyana ara Zeedɔko yɛle mɔɔ doa ye la boɛ.