Ɛzela Buluku ne 2:2 - BAEBOLO ANZƐƐ BULUKU NWUANZANWUANZA

² Menli mɔɔ lile bɛ ti nee bɛ rale la a le Zɛlɛbabɛle, Dwɔhyua, Nihɛmaya, Sɛlaya, Rililaya, Mɔdekae, Belehyan, Mezepa, Begeveeyae, Rilihɛm, yɛɛ Beeyana. Yizilayɛ mbusua nee abusua ko biala anu menli mɔɔ ziale rale la dodo ɛne:

Ɛzela Buluku ne 2:2 ပူးပေါင်းရင်းမြစ်များ

Ɛzela Buluku ne 1:11

Bɛ muala bɛle ezukoa nvutuke nee dwɛtɛ fufule ninyɛne apenle nnu, ɛya nna. Hyɛhyebazaa a vale ninyɛne ɛhye mɔ rale a, wɔ mekɛ mɔɔ bɛdabɛ mɔɔ bɛhyele bɛ bɛhɔle nlɔnu wɔ Babelɔn la ziale rale Gyɛlusalɛm la.

Ɛzela Buluku ne 1:8

Pɛhyea Belemgbunli Saelɛse manle bɛyele ninyɛne ne mɔ amuala bɛvindele na bɛvale bɛwulale Metelɛde, mɔɔ le belemgbunli ne gyasievolɛ la asa anu. Ɔdaye noko ɔdianle bɛ muala ɔwulale Hyɛhyebazaa, mɔɔ le Dwuda amɛnlado la asa anu.

Ɛzela Buluku ne 2:1

Yizilayɛma mɔɔ bɛhyele bɛ bɛhɔle nlɔnu wɔ Babelɔn maanzinli nu la anu somaa ne ala ziale rale Gyɛlusalɛm nee Dwuda, na awie biala hɔle ye sua zo. Belemgbunli Nɛbukadenɛza a hyele menli zɔhane mɔ mgbanyinli nuokɛ hɔle Babelonia a.

Ɛzela Buluku ne 2:3

Pɛlɔhye - Apenle nwiɔ, ɛya ko abulasuu nee nwiɔ Hyɛfataya - Ɛya nsa abulasuu nee nwiɔ Ɛla - Ɛya nsuu abulasuu nee nnu Peehate Mowabe (Gyɛhyua nee Dwowabe abo zo amra) - Apenle nwiɔ, ɛya mɔtwɛ, bulu nee nwiɔ Yilam - Apenle ko, ɛya nwiɔ abulanlu nee nna Zatu - Ɛya ngɔnla abulanla nee nnu Zakeeyae - Ɛya nsuu abulasia Beenae - Ɛya nsia abulanla nee nwiɔ Bibeyae - Ɛya nsia abulanwiɔ nee nsa Azegade - Apenle ko, ɛya nwiɔ abulanwiɔ nee nwiɔ Adonaekam - Ɛya nsia abulasia nee nsia Begeveeyae - Apenle nwiɔ, abulanlu nee nsia Eden - Ɛya nna abulanlu nee nna Etɛ (mɔɔ eza bɛfɛlɛ ye Hɛzikaya) - abulahɔnla nee mɔtwɛ Bizeyae - Ɛya nsa abulanwiɔ nee nsa Dwɔla - Ɛya ko bulu nee nwiɔ Hahyɛm - Ɛya nwiɔ abulanwiɔ nee nsa Gebaa - Abulahɔnla nee nnu

Ɛzela Buluku ne 3:2

Na Gyɛhozadake ara nrenya Dwɔhyua, nee ɔ gɔnwo mɔ sɛlɛvolɛma ne, nee Hyialeteɛle ara Zɛlɛbabɛle nee ye mbusuafoɔ zile Yizilayɛ Nyamenle ne azukponle ne bieko, amaa bɛayela nane zolɛ bɛabɔ azu bɛamaa Nyamenle, kɛmɔ bɛhɛlɛ ye wɔ Nyamenle sonla Mosisi Mɛla ne anu la.

Ɛzela Buluku ne 4:3

Na Zɛlɛbabɛle, Dwɔhyua nee Yizilayɛ mbusua mgbanyinli ne mɔ buale bɛ kɛ, “Yɛngyia bɛ moalɛ wɔ yɛ Nyamenle ne Ɛzonlenlɛ Sua ne ɛzilɛ nu gyima biala anwo. Yɛdayɛ yɛbazi Ɛdɛnkɛma, Yizilayɛ Nyamenle ne Ɛzonlenlɛ Sua ne, kɛmɔ Maanle Maanle Belemgbunli Saelɛse ɛze yɛ la.”

Ɛzela Buluku ne 4:8

Amɛnlado Rilihɛm nee maanzinli ne anu kɛlɛhɛlɛvolɛ ne, Hyemehyae, bɛdabɛ noko bɛhɛlɛle Gyɛlusalɛm anwo kɛlata ɛhye bɛhɔmanle Atazɛzɛse kɛ:

Ɛzela Buluku ne 5:2

Na Hyialeteɛle ara Zɛlɛbabɛle nee Gyɛhozadake ara Dwɔhyua dwazole na bɛbɔle ɔ bo bieko kɛ bɛsi Nyamenle Sua ne wɔ Gyɛlusalɛm. Nyamenle kpɔmanvolɛma nwiɔ ne boale bɛ.

Ɛzela Buluku ne 8:1

Mbusua mgbanyinli mɔɔ ɛnee wɔ nlɔnu wɔ Babelonia mɔɔ nee me ziale rale Gyɛlusalɛm wɔ Belemgbunli Atazɛzɛse mekɛ zo la aluma ɛne:

Nihɛmaya Buluku ne 12:47

Wɔ Zɛlɛbabɛle nee Nihɛmaya mekɛ zo, Yizilayɛma kɔsɔɔti vale ahyɛlɛ ninyɛne manle bɛvale bɛnleanle Ɛzonlenlɛ Sua ne anu edwɛndolɛma nee sinzavolɛma ne mɔ. Menli vale azubɔlɛ ninyɛne mɔɔ anwo te la manle Livaema, na Livaema ne noko vale sɛlɛvolɛma ne (Aalɔn abo zo amra ne) afoa nu ɛdeɛ manle bɛ.

Nihɛmaya Buluku ne 7:7

Menli mɔɔ lile bɛ ti nee bɛ rale la ɛne: Zɛlɛbabɛle, Dwɔhyua, Nihɛmaya, Azalaya, Releeyamaya, Neehameenae, Mɔdekae, Belehyan, Mesepɛlɛte, Begeveeyae, Nɛhum yɛɛ Beeyana.

Hagae Buluku ne 1:1

Mekɛ mɔɔ Pɛhyea Maanle Maanle Belemgbunli Dalayɛse lile ɛvolɛ nwiɔ wɔ ebia zo la, ye siane nsia ne azo, kenle ne mɔɔ lumua la, Ɛdɛnkɛma dendɛle hilele Nyamenle kpɔmanvolɛ Hagae. Hagae hanle nrɛlaleɛ ne hilele Dwuda amɛnlado ne, Hyialeteɛle ara Zɛlubabɛle nee Sɛlɛvolɛ Kpanyinli ne, Gyɛhɔzeedake ara Dwɔhyua.

Hagae Buluku ne 1:12

Akee Zɛlubabɛle nee Dwɔhyua nee Yizilayɛma mɔɔ hale la amuala diele Ɛdɛnkɛma bɛ Nyamenle ne ane, na bɛlile ye edwɛkɛ ne mɔɔ Nyamenle kpɔmanvolɛ Hagae, mɔɔ Ɛdɛnkɛma bɛ Nyamenle ne zoanle ye manle ɔhanle ɔhilele bɛ la azo. Na menli ne zulole Ɛdɛnkɛma.

Hagae Buluku ne 1:14

Na Ɛdɛnkɛma hanle Dwuda Amɛnlado Zɛlubabɛle, Sɛlɛvolɛ Kpanyinli Dwɔhyua, yɛɛ Yizilayɛma mɔɔ ɛha la kɔsɔɔti ahonle manle bɛrayɛle Tumivolɛ Ɛdɛnkɛma, bɛ Nyamenle ne Sua ne anwo gyima.

Hagae Buluku ne 2:2

Ɔse, “Akee tendɛ kile Hyialeteɛle ara Zɛlubabɛle, Dwuda amɛnlado ne, Gyɛhɔzeedake ara Dwɔhyua, Sɛlɛvolɛ Kpanyinli ne, yɛɛ Yizilayɛma mɔɔ ɛha la amuala na biza bɛ kɛ:

Hagae Buluku ne 2:21

Ɔse, “Ka kile Dwuda Amɛnlado Zɛlubabɛle kɛ, ɔnrɛhyɛ biala mebakpusu anwuma nee aze,

Hagae Buluku ne 2:4

Noko akee bɛzi ahonle, Zɛlubabɛle! Medame Ɛdɛnkɛma a mese a. Dwɔhyua, Gyɛhɔzeedake ara, Sɛlɛvolɛ Kpanyinli, bɛzi ahonle. Bɛzi ahonle, bɛdabɛ Yizilayɛma kɔsɔɔti mɔɔ bɛwɔ maanle ye anu la. Medame Ɛdɛnkɛma a mese a. Medame Tumivolɛ Ɛdɛnkɛma mese: Bɛyɛ gyima ne, na me nee bɛ lua,

Zɛkalaya Buluku ne 3:1

Akee Ɛdɛnkɛma vale Sɛlɛvolɛ Kpanyinli Dwɔhyua hilele me. Ɔgyi Ɛdɛnkɛma soanvolɛ ne anyunlu ɛkɛ na Seetan gyi ɔ sa fema zo kɛ ɔto ye ɛzonle.

Zɛkalaya Buluku ne 3:3

Mekɛ mɔɔ Dwɔhyua gyi Nyamenle soanvolɛ ne anyunlu ɛkɛ ne la, ɛnee ɔwula adɛladeɛ evinli ɛtane bie.