Ɛzela Buluku ne 10:9 - BAEBOLO ANZƐƐ BULUKU NWUANZANWUANZA

⁹ Na bɛdabɛ mɔɔ bɛwɔ Dwuda nee Bɛngyaman maanzinli ne mɔ anu la amuala rayiale Gyɛlusalɛm kenle nsa ne azo. Kenle ne le siane ngɔnla ne ye kenle mɔɔ tɔ zolɛ abulanwiɔ la. Na menli ne amuala dɛnlanle aze wɔ ɛleka kpatawienyi ne mɔɔ wɔ Nyamenle Sua ne anyunlu la. Edwɛkɛ ne anwo ahunlundetelɛ nee ezule mɔɔ ɛnee ɛlɛtɔ kpole la manle bɛ nwo wozole bɛ.

Ɛzela Buluku ne 10:9 ပူးပေါင်းရင်းမြစ်များ

Ɛzela Buluku ne 10:10

Na sɛlɛvolɛ Ɛzela dwazole na ɔzele bɛ kɛ, “Bɛdo mɛla kɛ bɛgya nyɛvolɛ mraalɛ a. Bɛmaa Yizilayɛma fɔlɛlilɛ ne akee ɛyɛ kpole kpalɛ.

Ɛzela Buluku ne 10:3

Zɔhane ati bɛmaa yɛvua yɛhile yɛ Nyamenle ne na yɛbɔ mraalɛ ɛhye mɔ ewole na yɛvoa bɛ mra ne mɔ, na yɛlua Nyamenle mɛla ne azo yɛyɛ mɔɔ ɛdawɔ nee menli mɔɔ sulo yɛ Nyamenle ne la kɛha la.

Ɛzela Buluku ne 9:4

Bɛdabɛ mɔɔ bɛ ahonle dule wɔ Yizilayɛ Nyamenle ne edwɛkɛ ne mɔɔ ɛha wɔ ninyɛndane ɛhye mɔ mɔɔ menli mɔɔ vi nlɔnu ɛra la ɛyɛ la anwo la bɔle yiale me, na yɛ muala yɛdɛnlanle ɛkɛ ne toonwo ɔhɔdwule nɔsolɛ azubɔlɛ mekɛ ne.

Ɛseta Buluku ne 2:16

Belemgbunli Zɛzɛse lile ɛvolɛ nsuu wɔ ebia ne azo la, ye siane ne mɔɔ tɔ zolɛ bulu mɔɔ bɛfɛlɛ ye “Tibɛte” la anu yɛɛ bɛvale Ɛseta bɛhɔle ye suakunlu ɛkɛ ne a.

Gyɛlɛmaya Buluku ne 10:10

Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.

Gyɛlɛmaya Buluku ne 10:13

Saa ɔtea nu a anwomanyunlu nzule yɛ begyebegye; ɔmaa amungu kye ewiade ɛleka biala. Ɔmaa ezule fedevede na ɔmaa ahumu tu.

Gyɛlɛmaya Buluku ne 36:22

Siane ngɔnla ne anu a ɛhye zile a, yɛɛ mekɛ zɔhane le fɔsɛlɛ mekɛ, yemɔti ɛnee belemgbunli ne ɛradɛnla senle nwo wɔ suakunlu ɛkɛ ne, ye ɛyɛlɛ mekɛ sua ne anu.