Ɛzela Buluku ne 10:5 - BAEBOLO ANZƐƐ BULUKU NWUANZANWUANZA

⁵ Na Ɛzela dwazole na ɔmanle sɛlɛvolɛ mgbanyima, Livaema, nee Yizilayɛma ne mɔ hanle ndane kɛ bɛkɛyɛ mɔɔ Hyɛkanaya ɛzuzu la.

Ɛzela Buluku ne 10:5 ပူးပေါင်းရင်းမြစ်များ

Ɛzela Buluku ne 10:3

Zɔhane ati bɛmaa yɛvua yɛhile yɛ Nyamenle ne na yɛbɔ mraalɛ ɛhye mɔ ewole na yɛvoa bɛ mra ne mɔ, na yɛlua Nyamenle mɛla ne azo yɛyɛ mɔɔ ɛdawɔ nee menli mɔɔ sulo yɛ Nyamenle ne la kɛha la.

Nihɛmaya Buluku ne 10:29

yɛ nee yɛ mgbanyima yɛbɔ nuhua yɛdi amonle, kɛ saa yɛbulu zolɛ a munzule ɛha yɛ, na yɛse kɛ, yɛbali Nyamenle Mɛla ne mɔɔ ɔluale ye sonvolɛ Mosisi anwo zo ɔvale ɔmanle yɛ la azo; yɛbali mɔɔ Ɛdɛnkɛma, yɛ Awulae ne kɛze yɛ biala la, yɛɛ yɛbali mɛla ne nee ngyehyɛlɛ ne mɔ azo.

Nihɛmaya Buluku ne 13:25

Mendwile bɛ nyunlu na menwale bɛ amonle. Membole bɛ nuhua bie mɔ na mendwewhenle bie mɔ ati enrinli mendudule ye. Memanle bɛhanle ndane kɛ kenle bie maanle nu, “Bɛnrɛva bɛ mra mraalɛ bɛnrɛmaa menli zɔhane mɔ amra mrenya agyalɛ, anzɛɛ bɛnrɛmaa bɛ mra mrenya ɛnrɛgya bɛ mra mraalɛ, yɛɛ bɛdabɛ mumua ne bɛnrɛgya menli zɔhane mɔ bie ɛlɛ.”

Nihɛmaya Buluku ne 5:12

Na mgbanyima ne mɔ zele kɛ, “Yɛfa bɛ debie biala yɛamaa bɛ, yɛɛ yɛnrɛbiza bɛ ɛhwee. Yɛbayɛ ye kɛmɔ wɔha la.” Na menvɛlɛle sɛlɛvolɛma ne mɔ na memanle mgbanyima ne mɔ hanle ndane wɔ bɛ nyunlu kɛ bɛkɛli bɛ ɛwɔkɛ ne mɔɔ bɛbɔ la azo.

Mrɛlɛbulɛ Buluku ne 1:5

Sonla mɔɔ ze nrɛlɛbɛ la bade na yeazukoa yeamaa ye adwenle adi, na mɔɔ lɛ ndelebɛbo la anyia adwenle mɔɔ anu pi,

Mrɛlɛbulɛ Buluku ne 15:23

Nyelebɛnloa kɛnlɛma maa sonla nye die, yɛɛ edwɛkɛ kpalɛ wɔ ye mekɛ nloa le kpalɛ somaa!

Mrɛlɛbulɛ Buluku ne 27:9

Nwole evuanlɛ nee anatele maa sonla nye die, na amaneɛnwunlɛ maa sonla di nyane.

Mrɛlɛbulɛ Buluku ne 9:9

Tu sonla mɔɔ ze nrɛlɛbɛ la folɛ, na ye nrɛlɛbɛ bayɛ kpole; kilehile sonla mɔɔ le tenlene la, na ye adwenle badi kpalɛ.

Edwɛkpa ne kɛmɔ Mateyu hɛlɛle la 26:63

Na Gyisɛse andɛ ɔ nloa anu. Sɛlɛvolɛ Kpanyinli ne akee zele Gyisɛse kɛ, “Nea tease Nyamenle ne anyunlu na ka kile yɛ saa wɔmɔ a ɛle Mɛzaya ne, mɔɔ le Nyamenle Ara ne a.”