Ɛzela Buluku ne 10:18 - BAEBOLO ANZƐƐ BULUKU NWUANZANWUANZA

¹⁸ Bɛdabɛ mɔɔ ɛnee bɛgya nyɛvolɛ mraalɛ la ɛne: Sɛlɛvolɛma mbusua ne: Dwɔhyua nee ɔ mediema ne mɔ abusua nu amra mɔɔ le Gyɛhozadake asa azo: Meeyasaya, Ɛleyizɛ, Gyɛlebe, yɛɛ Gɛdalaya.

Ɛzela Buluku ne 10:18 ပူးပေါင်းရင်းမြစ်များ

Ɛzela Buluku ne 10:17

Na ɔkadwu siane nsa ne azo la ɛnee bɛwie edwɛkɛ biala mɔɔ fane bɛdabɛ mɔɔ bɛgya nyɛvolɛ mraalɛ la anwo la ka.

Ɛzela Buluku ne 2:2

Menli mɔɔ lile bɛ ti nee bɛ rale la a le Zɛlɛbabɛle, Dwɔhyua, Nihɛmaya, Sɛlaya, Rililaya, Mɔdekae, Belehyan, Mezepa, Begeveeyae, Rilihɛm, yɛɛ Beeyana. Yizilayɛ mbusua nee abusua ko biala anu menli mɔɔ ziale rale la dodo ɛne:

Ɛzela Buluku ne 2:36

Sɛlɛvolɛma mbusua ekpulike ekpulike mɔɔ ziale rale la ɛne: Gyɛdaya (Gyɛhyua abo zo amra) - Ɛya ngɔnla abulasuu nee nsa Yemɛ - Apenle ko, abulanlu nee nwiɔ Pahyɛ - Apenle ko, ɛya nwiɔ abulanla nee nsuu Hɛlem - Apenle ko, bulu nee nsuu

Ɛzela Buluku ne 3:2

Na Gyɛhozadake ara nrenya Dwɔhyua, nee ɔ gɔnwo mɔ sɛlɛvolɛma ne, nee Hyialeteɛle ara Zɛlɛbabɛle nee ye mbusuafoɔ zile Yizilayɛ Nyamenle ne azukponle ne bieko, amaa bɛayela nane zolɛ bɛabɔ azu bɛamaa Nyamenle, kɛmɔ bɛhɛlɛ ye wɔ Nyamenle sonla Mosisi Mɛla ne anu la.

Ɛzela Buluku ne 3:8

Menli ne vi nlɔnu rale Ɛzonlenlɛ Sua ne anwo wɔ Gyɛlusalɛm la, ye ɛvolɛ nwiɔ, siane nwiɔ ne azo yɛɛ bɛbɔle sua ne ɛzilɛ bo a. Zɛlɛbabɛle, Dwɔhyua, nee bɛ mediema mɔɔ ɛha la, sɛlɛvolɛma nee Livaema mɔɔ ɛnee bɛ muala bɛhye bɛ bɛhɔ nlɔnu na bɛzia bɛra Gyɛlusalɛm la amuala zɔle nu kɛ bɛsi sua ne. Bɛvale Livaema mɔɔ ɛli ɛvolɛ abulanwiɔ mɔɔ kɔ la kɛ bɛnlea bɛmaa bɛzi Ɛdɛnkɛma Ɛzonlenlɛ Sua ne.

Ɛzela Buluku ne 5:2

Na Hyialeteɛle ara Zɛlɛbabɛle nee Gyɛhozadake ara Dwɔhyua dwazole na bɛbɔle ɔ bo bieko kɛ bɛsi Nyamenle Sua ne wɔ Gyɛlusalɛm. Nyamenle kpɔmanvolɛma nwiɔ ne boale bɛ.

Ɛzela Buluku ne 9:1

Yɛyɛle ninyɛne ɛhye mɔ yɛwiele la, Yizilayɛ mgbanyima ne bie mɔ rale me nwo ɛkɛ ne razele me kɛ Yizilayɛma, sɛlɛvolɛma, nee Livaema bie mɔ ɛtɛtwenle bɛ nwo ɛtɛfile menli mɔɔ wɔ azɛlɛ ne azo la munzule ɛbɛla ne mɔ anwo. Menli ɛhye mɔ a le Keenama, Hɛtema, Pɛlɛzema, Gyibɛsema, Amɔnoma, Mowabema, Yigyibitima, yɛɛ Amɔlema.

Ɛzela Buluku ne 9:2

Dwuuma bie mɔ ɛgya azɛlɛ ne azo amra bie mɔ amra mraalɛ na bɛmaa bɛ mra mrenya noko ɛgya bɛ mra mraalɛ, ɔlua zolɛ yemaa menli nwuanzanwuanza ɛhye mɔ nee azɛlɛ ne azo amra ɛli afonla. Nyɛleɛ ɛtane zɛhae, mbusua mgbanyinli ne mɔ nee mbɔlɔba ne mɔ bɔbɔ a yɛle ye kpalɛ a.

Nihɛmaya Buluku ne 12:10

Dwɔhyua le Dwɔyakem ɔ ze; Dwɔyakem le Yilayahyebe ɔ ze; Yilayahyebe le Dwɔyada ɔ ze;

Nihɛmaya Buluku ne 13:28

Dwɔyada le Sɛlɛvolɛ Kpanyinli Yilayahyebe ara nrenya. Dwɔyada amra mrenya ne mɔ ko gya Sanebalate mɔɔ vi Bɛte Hɔlɔn la ara raalɛ, yemɔti mendule ye menvile Gyɛlusalɛm.

Nihɛmaya Buluku ne 8:4

Ɛzela gyinlanle sɛlɛdwee bie mɔɔ ayia ne ati bɛva ndaboa bɛbo la azo a gengale Mɛla ne a. Matetaya, Hyima, Anaya, Yulaya, Helekaya yɛɛ Meeyasaya gyinlanle ɔ sa fema zo, yɛɛ Pɛdaya, Maehyeeyɛle, Malekaya, Hahyɛm, Hahyebadeena, Zɛkalaya, yɛɛ Mɛhyɛlam gyinlanle ye bɛne zo.

Nihɛmaya Buluku ne 8:7

Akee bɛdwazole bɛgyinlanle bɛ bo zo ne mɔ. Na Livaema ɛhye mɔ: Gyɛhyua, Beenae, Hyɛlibaya, Gyeemen, Akɛbe, Hyabɛtae, Hodaya, Meeyasaya, Kɛlaeta, Azalaya, Dwozabade, Heenan yɛɛ Pɛlaya hilehilele Mɛla ne mɔ anu hilele bɛ.

Gyɛlɛmaya Buluku ne 23:10

Awuvolɛvalɛma ɛyi azɛlɛ ye; bɛ nwo munzule ɛzɛkye azɛlɛ ne, yɛɛ fienemgbole nu adidileka ɛwe. Bɛ subane ɛnle kpalɛ, yɛɛ bɛfa bɛ anwosesebɛ bɛsisi awie mɔ.

Gyɛlɛmaya Buluku ne 23:11

Ɛdɛnkɛma se, “Nyamenle kpɔmanvolɛma nee sɛlɛvolɛma ɛnze Nyamenle; menwu kɛ bɛdi ɛtane wɔ me Ɛzonlenlɛ Sua ne bɔbɔ anu.

Gyɛlɛmaya Buluku ne 23:14

Menwu debie ɛzulolɛ bie wɔ Gyɛlusalɛm Nyamenle kpɔmanvolɛma avinli: bɛto awuvolɛvalɛ mɛla ne, bɛbɔ adalɛ, bɛsi amumuyɛma adua, yemɔti biala ɛngyakyi amumuyɛ ɛyɛlɛ; bɛ kɔsɔɔti bɛyɛ kɛ Sodɔmma nee Gomɔlama wɔ me nye zo.

Yizikeɛle Buluku ne 44:22

Ɔnle kɛ sɛlɛvolɛ gya kunlanvolɛ anzɛɛ raalɛ mɔɔ ɛbɔ ewole la. Ɔwɔ kɛ sɛlɛvolɛ biala gya raalɛ mɔɔ ɛnze nrenya fee na ɔle Yizilayɛnli la anzɛɛ kunlanvolɛ raalɛ mɔɔ ɛnee ɔ hu le sɛlɛvolɛ la.

Sɛlɛ 21:7

Ɔnle kɛ bɛgya raalɛ tuutuunli anzɛɛ raalɛ mɔɔ awie ɛva ye ɛlɛ la. Eza ɔnle kɛ bɛgya raalɛ mɔɔ ɔ hu ɛbɔ ye ewole la, ɔluakɛ sɛlɛvolɛ biala anwo te maa ye Nyamenle ne.

Hagae Buluku ne 1:1

Mekɛ mɔɔ Pɛhyea Maanle Maanle Belemgbunli Dalayɛse lile ɛvolɛ nwiɔ wɔ ebia zo la, ye siane nsia ne azo, kenle ne mɔɔ lumua la, Ɛdɛnkɛma dendɛle hilele Nyamenle kpɔmanvolɛ Hagae. Hagae hanle nrɛlaleɛ ne hilele Dwuda amɛnlado ne, Hyialeteɛle ara Zɛlubabɛle nee Sɛlɛvolɛ Kpanyinli ne, Gyɛhɔzeedake ara Dwɔhyua.

Hagae Buluku ne 1:12

Akee Zɛlubabɛle nee Dwɔhyua nee Yizilayɛma mɔɔ hale la amuala diele Ɛdɛnkɛma bɛ Nyamenle ne ane, na bɛlile ye edwɛkɛ ne mɔɔ Nyamenle kpɔmanvolɛ Hagae, mɔɔ Ɛdɛnkɛma bɛ Nyamenle ne zoanle ye manle ɔhanle ɔhilele bɛ la azo. Na menli ne zulole Ɛdɛnkɛma.

Hagae Buluku ne 2:4

Noko akee bɛzi ahonle, Zɛlubabɛle! Medame Ɛdɛnkɛma a mese a. Dwɔhyua, Gyɛhɔzeedake ara, Sɛlɛvolɛ Kpanyinli, bɛzi ahonle. Bɛzi ahonle, bɛdabɛ Yizilayɛma kɔsɔɔti mɔɔ bɛwɔ maanle ye anu la. Medame Ɛdɛnkɛma a mese a. Medame Tumivolɛ Ɛdɛnkɛma mese: Bɛyɛ gyima ne, na me nee bɛ lua,

Zɛkalaya Buluku ne 3:1

Akee Ɛdɛnkɛma vale Sɛlɛvolɛ Kpanyinli Dwɔhyua hilele me. Ɔgyi Ɛdɛnkɛma soanvolɛ ne anyunlu ɛkɛ na Seetan gyi ɔ sa fema zo kɛ ɔto ye ɛzonle.

1 Tem 3:11

Zɔhane ala yɛɛ bɛ ye mɔ noko ɔwɔ kɛ yɛ mraalɛ mɔɔ bɛ nye gyi bɛ ti anwo na bɛdi nɔhalɛ wɔ debie biala anu a.