Ɛzela Buluku ne 10:1 - BAEBOLO ANZƐƐ BULUKU NWUANZANWUANZA

¹ Mekɛ mɔɔ Ɛzela ɛlɛyɛ nzɛlɛlɛ ne na ɔlɛ ɛzunlɛ ɔlɛka ɛtane mɔɔ bɛyɛ, ɔweweɛ ɔ nwo aze wɔ Nyamenle Ɛzonlenlɛ Sua ne anyunlu ɛkɛ ne la, Yizilayɛma dɔɔnwo kpalɛ, mraalɛ nee mrenya, nee ngakula, rabɔle yiale ye, na bɛdabɛ noko bɛzunle bɛmanle ɔyɛle alɔbɔlɛ.

Ɛzela Buluku ne 10:1 ပူးပေါင်းရင်းမြစ်များ

1 Arl 8:30

Mekɛ biala mɔɔ medame anzɛɛ wɔ menli Yizilayɛma kɛhakyi bɛ nye Ɛzonlenlɛ Sua ɛhye anwo kɛzɛlɛ wɔ la, tie yɛ modolɛ wɔ wɔ sua nu anwuma lɔ na fa yɛ ɛtane ne mɔ kyɛ yɛ.

1 Arl 9:3

Ɛdɛnkɛma zele ye kɛ, “Mede wɔ nzɛlɛlɛ nee wɔ modolɛ mɔ ɛyɛle wɔ ɛke la, yemɔti medu Ɛzonlenlɛ Sua ɛhye mɔɔ wɔzi kɛ bɛzonle me wɔ nuhua la memaa me nwo kɛ ɛkɛ ne a bɛzonle me dahuu a. Mebanlea zolɛ na meabɔ nwolɛ bane.

2 Edk 20:13

Mekɛ ne anu, ɛnee Dwudama amuala nee bɛ mraalɛ nee bɛ mra gyi nzisi wɔ Ɛdɛnkɛma Ɛzonlenlɛ Sua ne anu.

2 Edk 20:9

saa munzule fa yɛ aze: konle, ndeanlɛ, ewule nzane anzɛɛ ɛhɔne ba a, yɛragyinla sua ɛhye anyunlu ɛke, wɔ ɛ nyunlu, kɛmɔ wɔ duma a la sua ye azo la, na yɛlua yɛ nyane ne anu yɛdea yɛvɛlɛ wɔ na ɛkɛdie yɛ.

Ɛzela Buluku ne 10:6

Akee Ɛzela vile Ɛzonlenlɛ Sua ne anyunlu na ɔhɔle Yilayahyebe ara Gyihoheenan sua nu. Ɔlale ɛkɛ ne kenle ko ne nɔe ne, noko yeanli debie yɛɛ yeanno nzule. Ɔluakɛ ɛnee ɔlɛdi nyane wɔ nyɛleɛ ɛtane ne mɔ mɔɔ bɛdabɛ mɔɔ bɛhyele bɛ nuokɛ bɛhɔle nlɔnu la yɛle la anwo.

Nihɛmaya Buluku ne 1:4

Mɔɔ mendele edwɛkɛ ɛhye la, mendɛnlanle aze na menzunle menyele awolɛ kpalɛ na menlile nyane kenle dɔɔnwo; mengɔle zolɛ mengyele ɛhɔne menzɛlɛle Nyamenle

Nihɛmaya Buluku ne 1:6

gyele ɛ nzo tie wɔ sonvolɛ ye nzɛlɛlɛ mɔɔ mefa meado ɛ nyunlu nɔɔzo nee ewiazo meamaa wɔ menli Yizilayɛma la, na nea yɛ. Ɛ mra Yizilayɛma ɛyɛ ɛtane ɛtia wɔ. Ɛhɛe, medame, me nee egya awuke nu amra bɔbɔ yɛyɛ ɛtane yɛtia wɔ.

Nihɛmaya Buluku ne 10:28

Menli ne yɛle ngyehyɛlɛ ɛhye: Yizilayɛma, sɛlɛvolɛma, Livaema, nlenkɛ mgbole sinzavolɛma, edwɛndolɛma, Ɛzonlenlɛ Sua nu sonvolɛma, yɛɛ bɛdabɛ mɔɔ bɛha mɔɔ ɔlua Nyamenle Mɛla ne azolilɛ ti yɛhwe yɛ nwo yɛvi nyɛvolɛ mɔɔ de maanle ye anu la anwo la, yɛ nee yɛ mraalɛ, yɛ mra mrenya mɔɔ ɛdu zo na bɛlɛ ndelebɛbo la,

Nihɛmaya Buluku ne 8:9

Mɔɔ menli ne dele mɔɔ Mɛla ne se la, debie hwenle bɛ nu na bɛzunle. Na Sɛlɛvolɛ Nihɛmaya, mɔɔ le amɛnlado ne, nee mɛla kilehilevolɛ Ɛzela, nee Livaema mɔɔ hilehilele menli ne la zele bɛ kɛ, “Ɛnɛ kenle ye le nwuanzanwuanza maa Ɛdɛnkɛma bɛ Nyamenle ne. Bɛmmasu yɛɛ bɛmmadi nyane biala.”

Edwɛndolɛ Buluku ne 119:136

Me nye monle twi bobobobo, ɔboalekɛ menli ɛnli wɔ mɛla ne mɔ azo. b

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Gyɛlɛmaya Buluku ne 13:17

Na saa bɛnrɛdie me ne a, mebavea meazu wɔ bɛ adubɛnwo ne ati, mebaye awolɛ meahwi monle kpalɛ, ɔboalekɛ bɛhye Ɛdɛnkɛma menli ne nuokɛ.

Gyɛlɛmaya Buluku ne 9:1

Me kunlu a anrɛɛ me ti le nzubula na me nye monle le nzufeanvea, anrɛɛ menwɔzu me menli mɔɔ bɛhu bɛ la alehyenlɛ nee aledwolɛ.

Daneɛle Buluku ne 9:20

Mekɛ mɔɔ megua zolɛ melɛka me ɛtane nee Yizilayɛma kɔsɔɔti ɛtane, na melɛbodo meazɛlɛ Ɛdɛnkɛma me Nyamenle ne wɔ me Nyamenle ne boka nwuanzanwuanza ne ati la,

Hozia Buluku ne 14:2

Bɛzia bɛhɔ Ɛdɛnkɛma ɛkɛ na bɛva nzɛlɛlɛ ɛhye bɛdo ɔ nyunlu: “Fa yɛ ɛtane kɔsɔɔti kyɛ yɛ; die mɔɔ le kpalɛ la, na yɛbaye wɔ ayɛlɛ.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Edwɛkpa ne kɛmɔ Mateyu hɛlɛle la 3:6

bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Luku hɛlɛle la 19:41

Gyisɛse bikyele Gyɛlusalɛm na ɔnwunle sua ne la, ɔzunle,

Ɛzoanvolɛma Gyima ne 10:30

Kɔnileɛse zele ye kɛ, “Ɛnɛ le kenle nna, kɛyɛ bekezɛ ala, ɛnee melɛyɛ ewiazo dɔne nsa nzɛlɛlɛ wɔ me sua ye anu, na nrenya bie mɔɔ wula tɛladeɛ fufule la ragyinlanle me nyunlu ɛkɛ

Ɛzoanvolɛma Gyima ne 21:5

Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.

Wulo 9:2

yɛɛ ɔze nyane mɔɔ melɛdi wɔ me ahonle nu

Mɛla 31:12

Bɛboɔboa menli ne kɔsɔɔti anloa, mrenya, mraalɛ, ngakula, nee nyɛvolɛ mɔɔ wɔ bɛ azua ne mɔ azo la, amaa bɛade mɛla ne na bɛazulo Ɛdɛnkɛma bɛ Nyamenle ne, na bɛali mɛla ne amuala azo nɔhalɛ nu.

Dwɔhyua Buluku ne 7:6

Dwɔhyua nee Yizilayɛ mgbanyima ne mɔ tetele bɛ adɛladeɛ ne mɔ bɛvale bɛhilele nyane mɔɔ ɛha bɛ la, na bɛdule bɛguale mutule nu wɔ Ɛdɛnkɛma Ngyekyeleɛ Ɛlɛka ne anyunlu, na bɛguale ɛkɛ ne toonwo nɔsolɛ nu; eza bɛvulale ɛnwea bɛguale bɛ ti zo bɛhilele kɛ bɛlɛdi nyane.

Dwɔhyua Buluku ne 8:35

Dwɔhyua gengale Mosisi mɛla ne mɔ ngoko ngoko hilele Yizilayɛma kɔsɔɔti, mrenya nee mraalɛ, ngakula, yɛɛ nyɛvolɛ mɔɔ wɔ bɛ avinli la amuala.